ပေါ်ဆန်းဆန်အားလုံး တစ်အိတ် ကျပ်တစ်သိန်းကျော်ပြီ..

ဒီတစ်ပတ်ဈေးကွက်အဖွင့် ဒီနေ့ ဩဂုတ် ၁၄ ရက် ရန်ကုန် ဝါးတန်းဈေးကွက်မှာ ရက် ၉၀ (ရှယ်) ဆန်ကလွဲလို့ ကျန်တဲ့ဆန် အမျိုးအစားအားလုံး ဈေးတွေဆက်တက်လာပြီး ပေါ်ဆန်းအမျိုးအစားဆန်အားလုံး တစ်အိတ်ကို ကျပ်တစ်သိန်းအထက် ဈေးဖြစ်သွားတာပါ။

ကျပ် ၂၀၀၀၀ တန် ငွေစက္ကူသစ်ထွက်မယ်ဆိုတဲ့ ဗဟိုဘဏ်ကြေညာချက်ထွက်အပြီး နောက်တစ်နေ့ ဇူလိုင် ၂၄ မှာကတည်းက တက်လိုက်တဲ့ဆန်ဈေးဟာ အပတ်စဉ်တိုင်း ဆက်ကာ ဆက်ကာနဲ့ လေးပတ်ဆက်တိုက် တက်လာတာဖြစ်ပါတယ်။

ဘယ်ဆန်အမျိုးအစားတွေ ဘယ်လောက်ဈေးအပြောင်းအလဲဖြစ်သွားလဲဆိုတာကိုတော့ အောက်ပါ ဇယားကွက်မှာ ကြည့်နိုင်ပါတယ်။ (အပြောင်းအလဲဖြစ်သွားတဲ့ဈေးနှုန်းတွေကို အနီရောင်နဲ့ ဖော်ပြပေးထားပါတယ်)

ပြည်တွင်းဆန်စျေးကော စပါးဈေးကော ဆက်တိုက်မြင့်တက်နေတာဖြစ်ပြီး စံချိန်တင်ဈေးတန်း တစ်ခုကို ရောက်နေပြီလို့ ဆန်ကုန်သည်တွေကဆိုကြောင်း လယ်ယာစိုက်ပျိုးရေးနှင့် ဈေးကွက် သတင်းအချက်အလက်အဖွဲ့ (AMIA) ရဲ့ သတင်းပေးပို့ချက်အရ သိရပါတယ်။

မြန်မာနိုင်ငံဆန်စပါးအသင်းချုပ်(MRF) နဲ့ ညီနောင်အသင်းအဖွဲ့များ၊ ဆန်စပါးပို့ကုန်ကုမ္ပဏီများ၊ ဆန်စက်များ/ဆန်ကုန်သည်များစုပေါင်းပြီး ဧည့်မထဆန်တွေအတွက် အမျိုးအစားအလိုက် တစ်အိတ်လျှင် ကျပ် ၆၀၀၀၀ နဲ့ ၆၅၀၀၀ နှစ်မျိုး၊ ဧရာဝတီပေါ်ဆန်းတစ်အိတ် ကျပ် ၉၄၀၀၀၊ ရွှေဘိုပေါ်ဆန်းရှယ် တစ်အိတ်လျှင် အမျိုးအစားအလိုက် ကျပ် ၁၁၀၀၀၀ နဲ့ ၁၂၀၀၀၀ နှစ်မျိုး စသဖြင့် ရောင်းချပေးတာမျိုးတော့ ရှိပါတယ်။ 

ဒီလိုရောင်းချပေးရာမှာ လူတစ်ယောက်မှတ်ပုံတင် ၁ ခုလျှင် တစ်လကို ပေါ်ဆန်းအမျိုးအစား ဆန် ၁ အိတ်နဲ့ ဧည့်မထအမျိုးအစား ဆန် ၁ အိတ် လွတ်လပ်စွာဝယ်ယူသွားနိုင်မှာဖြစ်တယ်လို့ MRF က ထုတ်ပြန်ထားပြီး ယနေ့ ဩဂုတ် ၁၄ ရက် မွန်းလွဲပိုင်းမှာ MRF ထံ ဆက်သွယ်မေးမြန်းချက်အရ တော့ ဝါးတန်းဆန်ကုန်စည်ဒိုင်မှာ ဝယ်လို့ရသေးကြောင်းနဲ့ ဈေးနှုန်းအပြောင်းအလဲမရှိသေးဘူးလို့ ပြန်လည်ဖြေကြားပါတယ်။

နိုင်ငံခြားငွေစျေးမတည်ငြိမ်မှုနဲ့အတူ စားသုံးဆီစျေးဟာလည်း ခုရက်ပိုင်း သိသိသာသာ မြင့်တက်သွားတာဖြစ်ပါတယ်။

(အခြားကုန်စည်နှင့်သီးနှံဈေးနှုန်းများ သိရှိလိုပါက Green Way App ရှိ ' သီးနှံဈေးနှုန်းများ ' ကဏ္ဍတွင် ဝင်ရောက်ကြည့်ရှုနိုင်ပါသည်။)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more