ကြံသီးနှံပညာပေး စာစဉ်-၄(ခ) ကြံသီးနှံအတွက် စီးပွားရေးတွက်ခြေကိုက်သော ပုလဲဓာတ်မြေဩဇာနှုန်း

23/06/2022 13:00 PM တွင် စံသိန်း(စိုက်ပျိုးရေး) စံသိန်း(စိုက်ပျိုးရေး) မှ ရေးသား

ပြီးခဲ့သော စာစဉ် - ၄ တွင် မည်သည့်ဓာတ်မြေဩဇာကို မည်သည့်အခြေအနေတွင် မည်သို့သုံးစွဲရန်လိုအပ်သည်ကို ဖော်ပြခဲ့ပါသည်။ ယခု ၂၀၂၂ ခုနှစ်တွင် ဓာတ်မြေဩဇာဈေးနှုန်းများ မြင့်မားလာသဖြင့် စီးပွားရေးတွက်ခြေကိုက်သော ပုလဲ(ယူရီးယား) ဓာတ်မြေဩဇာနှုန်းကို တွက်ချက်ပြပါမည်။ 

၅၀ ကီလို ပုလဲ(ယူရီးယား) ဓာတ်မြေဩဇာဈေးနှင့် ကြံဝယ်ဈေးတို့ကို အောက်ပါဇယား၌ နှစ်အလိုက်ယှဉ်ကြည့်နိုင်ပါသည်။

သွင်းအားစုများအဖက်ဖက်က ဈေးကြီးလာသောအခါ အမြင့်ဆုံးသောကြံသီးနှံအထွက်သည် စီးပွားရေး တွက်ခြေကိုက်သော အထွက်ဟု ပြောလို့မရတော့ပါ။ ဓာတ်မြေဩဇာနှုန်းထားအမျိုးမျိုးပေါ် သီးနှံအထွက်နှုန်းတုံ့ပြန်ပုံကို ကမ္ဘာအရပ်ရပ်တွင် နှစ်အဆက်ဆက်သုတေသနပြုခဲ့ကြရာ ဓာတ်မြေဩဇာနှုန်းထားကို တိုးကျွေးလာသည်နှင့်အမျှ သီးနှံအထွက်တိုးလာသော်လည်း အမြင့်ဆုံးတစ်နေရာရောက်ပြီး သီးနှံအထွက်သည် လေးကိုင်းကွေးသဖွယ် ကျဆင်းလာသည်ကို တွေ့ရသည်။ ထိုနည်းတူစွာ ပျဉ်းမနားကြံသုတေသနခြံ၌ နိုက်ထရိုဂျင်ဓာတ်မြေဩဇာနှုန်းထား အမျိုးမျိုး၏ ကြံအထွက်နှုန်းပေါ်အကျိုးသက်ရောက်ပုံကို ဆက်တိုက်စမ်းသပ်ခဲ့ရာ  အောက်ပါဂရပ်ပုံအတိုင်း လေးကိုင်းကွေးတုံ့ပြန်မှုကို တွေ့ရသည်။

ဦးထွန်းလှိုင်၏ ၁၉၆၀ ခုနှစ်မှ ၁၉၆၄ ခုနှစ်အထိ စမ်းသပ်ချက်အဖြေဖြစ်ပါသည်။

ဇစ်မြစ်။ သက်ရှိသိပ္ပံဂျာနယ်၊ အတွဲ-၁၊ အမှတ်-၃၊ ၁၉၆၈ ခုနှစ်။

 

ကြံသီးနှံ၏ နိုက်ထရိုဂျင်နှုန်းထားအမျိုးမျိုးကိုတုံ့ပြန်ရာတွင်  လေးကိုင်းကွေးပုံစံ (Curvilinear) တုံ့ပြန်သဖြင့် ၎င်းဖြစ်စဉ်မှ သင်္ချာညီမျှခြင်းတစ်ခုတွက်ချက်ရရှိသည်။ 

ကြံအထွက် = ၂၁.၇၇ + ၀.၂၁၁၅ (နိုက်ထရိုဂျင်နှုန်း) - ၀.၀၀၁၁ (နိုက်ထရိုဂျင်)၂

၎င်းညီမျှခြင်းမှ စီးပွားရေးတွက်ခြေကိုက်သော နိုက်ထရိုဂျင်နှင့် ပုလဲ(ယူရီးယား) ဓာတ်မြေဩဇာနှုန်းကို အောက်ပါအတိုင်းတွက်ချက်ရရှိပါသည်။

၂၀၂၂ ခုနှစ်အတွက်...

၁။ အမြတ်အများဆုံးရစေသောနှုန်းထား = တစ်ဧကလျှင် နိုက်ထရိုဂျင် ၄၀ ကီလိုဂရမ် (သို့မဟုတ်) ယူရီးယား ၄/၅ အိတ်

၂။ ယူရီးယား ၄/၅ အိတ် ထည့်ပေးခြင်းသည် ဘာမျှမထည့်သည်ထက် ကြံတန် (၁၀) တန်ပိုထွက်ပါသည်။

၃။ စီးပွားရေးအကျိုးအမြတ်မှာ ကျပ် ၄၃၀,၀၀၀/ဧက ခန့် ရပါမည်။

၄။ ဓာတ်မြေဩဇာဈေးကြီးမြင့်သဖြင့် တောင်သူကချေးငွေယူ၍ ဝယ်ယူရလျှင် အတိုးနှုန်း အနည်းဆုံး ၁၂ % ကိုပါ ကျခံရနိုင်ပါမည်။

၅။ ကြိုတင်မမျှော်မှန်းနိုင်သော ဆုံးရှုံးမှုနှင့် ငွေကြေးစွန့်စားရမှုများ ရှိသဖြင့် အကျိုးအမြတ်ရရှိမှုအပေါ် ၁၀% အလျော့တွက် (Discount rate) ကို တွက်ထားသင့်ပါသည်။

၆။ အမှတ်စဉ် - ၃ ၌ ဖော်ပြပါ ကျပ် ၄၃၀,၀၀၀/ဧက သည် အမှန်တကယ် အသားတင်အမြတ်မဟုတ်သေးပါ။

၇။ ဓာတ်မြေဩဇာထည့်သွင်းလုပ်အားခ၊ အတိုးနှုန်း ၁၂ % နှင့် တန်ဖိုးလျှော့ ၁၀% တို့ကို တွက်ချက်ရာ တောင်သူအတွက် ပုလဲ(ယူရီးယား) ၅၀ ကီလိုဝင်အိတ် ၄/၅ အိတ် ထည့်ခြင်းဖြင့် တစ်ဧကအသားတင်အမြတ် ၃၆၂,၁၈၄ ကျပ် ရရှိနိုင်ပါကြောင်း တွက်ချက်ပေးလိုက်ပါသည်။

စံသိန်း(စိုက်ပျိုးရေး)

(ပညာပေးစာစဉ် ၄-ဂ ၌ ကြံပင်ကလိုအပ်ကြောင်းပြသနေသော အာဟာရဓာတ်တစ်မျိုးစီ ချို့တဲ့မှုလက္ခဏာများကို ဓာတ်ပုံများကို ဖော်ပြပါမည်။)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။


S&Z International Co., Ltd ကြော်ငြာ
မြေကောင်း အမြစ်သန် ပင်သီးပွင့်ဝေ "ဟူးမစ်ကေ" See More စိုက်ပျိုးမြေတွေက တစ်နှစ်ထက်တစ်နှစ် အဆီအနှစ်တွေခမ်း‌ ခြောက်လာနေလို့ စိတ်ညစ်နေကြပြီလား.. ? မြေဩဇာတွေ ပေါပေါမသုံးနိုင်တော့ အထွက်တွေ မတက်လို့ ခက်နေပြီလား.. ? အဲ့ဒါတွေအားလုံးကို "ဟူးမစ် ကေ" ကို သုံးပေးလိုက်ရုံနဲ့ ဖြေရှင်းနိုင်ပါတယ် ခင်ဗျာ .. "ဟူးမစ်-ကေ"မှာ "ဟူးမစ်အက်စစ်- ၇၀ % ၊ ဖူးဗစ်အက်စစ် -၆-၁၅ % နဲ့ ပိုတက်ဆီယမ် -၁၀-၁၅%" ပါဝင်ပါတယ်..။ အဲ့ဒါတွေက ဘာတွေကောင်းစေတာလဲဆိုတော့… အဲ့ဒီဓာတ်တွေက နှစ်စဉ်ဆုံးရှုံးသွားတဲ့ မြေဆီမြေနှစ်တွေကို ပြန်လည်အားဖြည့်ပေးပြီး မြေဩဇာကို ရေရှည် အကျိုးပြု ထက်သန်စေတာပါပဲ.. မြေကိုဘယ်လိုအားဖြည့်ပေးတာလဲဆိုတော့ "ဟူးမစ်-ကေ" ကို ထည့်ပေးလိုက်တာနဲ့.. မြေသားဖွဲ့စည်းမှုကို ထိန်းညှိကောင်းမွန်စေတာ၊ မြေစေးတာ ဖွယ်တာတွေကို ထိန်းညှိပေးတာ၊ မြေဆီလွှာ အတွင်းက အကျိုးပြုအဏုဇီဝပိုးတွေကို ပွားများရှင်သန်စေတာ၊ မြေဆီလွှာအတွင်း အာဟာရဓာတ်တွေရဲ့ ဖလှယ်နိုင်မှုကို တိုးတက်ကောင်းမွန်စေတာ မြေချဉ်ငံဓါတ်ကိုလဲထိန်းညှိမျှတစေတာ နဲ့မြေဆီလွှာအတွင်း လေဝင်လေထွက် မျှတစေပြီး အစိုဓာတ်ထိန်းသိမ်းမှုကို မျှတစေတာ စတဲ့အကျိုးကျေးဇူးတွေ အများကြီး ရစေတာမို့ပါပဲ... သူ့ချည်းသာလော.. ဆိုရင်တော့ ပိုသေးသဗျ .. သီးနှံပင်တွေကို အမြစ်အားကောင်းစေပြီး အပင်သန်မာကြီးထွားစေ အထွက်နှုန်းတိုးစေတာလေးပါ အဆစ်ပါသေးဆိုတော့.. ကဲ..တောင်သူဦးကြီးတို့ရဲ့ ပျက်စီးနေတဲ့မြေဆီလွှာတွေကို "ဟူးမစ်-ကေ" နဲ့ အထူးဖြစ်နေအောင် ပြုပြင်လိုက်ကြ ပါစို့ဗျာ.. "ဟူးမစ်-ကေ" ကို သူ့ချည်းသက်သက်မသုံးဘဲ ပုလဲ၊ တီစူပါ၊ ပိုတက်အပြင် တခြား ကွန်ပေါင်းဓာတ်မြေဩဇာတွေနဲ့ လူးနယ်ကြဲပက်အသုံးပြုမယ်ဆိုရင်လည်း ဓါမြေဩဇာများအားလေလွင့်ဆုံးရှုံးမှုမှ ကာကွယ်ပေးပြီး ပိုမိုထူးခြားကောင်းမွန်တဲ့ အကျိုးအာနိသင်ကို ရရှိစေနိုင်မှာဖြစ်ပါတယ်ဗျာ..။ ဪ တစ်ခုကျန်သေးသဗျ ရေပျော်စွမ်းအား ၉၉.၉ % ရှိပြီး ရွက်ဖျန်းအားဆေး များဖြင့်လည်းရာစပ်ပက်ဖျန်း ပင်သီးပွင့် ဝေ စေဖို့ အသုံးပြုနိုင် ပါတယ် ခင်ဗျာ။ အသေးစိတ်သိရှိလိုပါက ဆက်သွယ်ရန်- S & Z International Co.,ltd အမှတ်(၁၆)၊ပျဥ်းကတိုးလမ်း၊(၃၄) ရပ်ကွက်၊ဒဂုံမြို့သစ်မြောက်ပိုင်း၊ရန်ကုန် Ph No-09797944994
Read more S&Z facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်