“ကန်စွန်းဥရဲ့ ကျန်းမာရေး ကောင်းကျိုးများ”

ကန်စွန်းဥစားပေးခြင်းဟာ ကျန်းမာရေးအတွက် အများကြီးအထောက်အကူပြုတယ်ဆိုတာတော့ အတော် များများ သိပြီးဖြစ်မှာပါ..။ ဒါပေမဲ့ အသေးစိတ်မသိသေးတဲ့သူတွေရှိနိုင်တာမို့ ဖော်ပြပေးလိုက်ပါတယ်..။

ကန်စွန်းဥကို ပြုတ်စား၊ မီးဖုတ်စား၊ ကြော်စား၊ ပေါင်းစား၊ ယိုထိုးစားခြင်းအပြင် မုန့်မျိုးစုံ ပြုလုပ်ရာမှာလည်း ပါဝင်ပစ္စည်းအဖြစ် အသုံးပြုကြပါတယ်။

ခရမ်းရင့်ရောင်၊ ကြက်ဥနှစ်ရောင်နဲ့ အဝါရောင်တို့ကို အများအားဖြင့် တွေ့ရလေ့ရှိပြီး ပန်းရောင်၊ အနီရောင်နဲ့ အဖြူရောင်တွေလည်း ရှိကြပါတယ်။

စျေးချို၊ အလွယ်တကူဝယ်လို့ရပြီး အရသာချိုချိုဆိမ့်ဆိမ့်စေးစေးလေးရှိတဲ့ ကန်စွန်းဥမှာ ဘယ်လို ကျန်းမာရေး ကောင်းကျိုးတွေရှိလဲဆိုတော့..

အမြင်အာရုံကို ကောင်းမွန်စေခြင်း

ဗီတာမင်အေ ချို့တဲ့တဲ့အခါမှာ ညဘက်မျက်လုံးကွယ်ခြင်း၊ လုံးဝမျက်လုံးကွယ်ခြင်းနဲ့ မြင်လွှာပုံသဏ္ဍာန် မမှန်ခြင်းတို့ကို ဖြစ်ပွားစေပါတယ်။ ဗီတာမင်စီချို့တဲ့ခြင်းနဲ့ အတွင်းတိမ်တွေ ဖြစ်ပေါ်ခြင်းတို့ဟာလည်း ဆက်စပ်နေပါတယ်။ ကန်စွန်းဥမှာ ဗီတာမင်အေ၊ စီ နဲ့ အီးတို့အများစုပါဝင်နေတာကြောင့် ဒါတွေအားလုံးဟာ အမြင် အာရုံကောင်းမွန်မှုကို မြှင့်တင်ရာမှာ မရှိမဖြစ် လိုအပ်လှပါတယ်။

ကင်ဆာရောဂါကို ကာကွယ်ပေးနိုင်ခြင်း

ခရမ်းရောင်ကန်စွန်းဥမျိုးကွဲဟာ အစာအိမ်ကင်ဆာ၊ အူမကြီးကင်ဆာနဲ့ ရင်သားကင်ဆာတို့အပါအဝင် ကင် ဆာဆဲလ်များရဲ့ ကြီးထွားမှုကိုဟန့်တားနိုင်တဲ့ ဓာတ်တွေပါဝင်ပါတယ်။ကန်စွန်းဥမှာ Beta-Carotene ကဲ့သို့သော ကယ်ရိုတီးနွိုက်ပါဝင်မှုဟာ အမျိုးသားတွေရဲ့ ဆီးကျိတ်ကင်ဆာဖြစ်နိုင်ခြေကို လျှော့ချနိုင်ဖို့အတွက် သိသိသာသာ အကျိုးရှိစေပါတ ယ်။

နှလုံးသွေးကြောဆိုင်ရာရောဂါများ ဖြစ်နိုင်ခြေကို လျှော့ချပေးခြင်း

သိပ္ပံဆိုင်ရာလေ့လာတွေ့ရှိချက်များအရ ခရမ်းရောင် ကန်စွန်းဥအသားဟာ အန်သိုဆိုင်ယာနင် မြင့်မားတဲ့ အတွက် ဟင်းသီးဟင်းရွက်တွေရဲ့စွမ်းရည်ကို အထောက်အကူပြုပါ တယ်။ ဒါ့အပြင် ကန်စွန်းဥမှာ ပျော်ဝင်နိုင်တဲ့ အမျှင်ဓာတ်တွေ ပါဝင်တဲ့အတွက် နှလုံးသွေးကြောဆိုင်ရာရောဂါဖြစ်နိုင်ခြေကို လျှော့ချပေးပါတယ်။

ဆီးချိုရောဂါကို ထိန်းညှိပေးခြင်း

ကန်စွန်းဥဟာ အင်ဆူလင်ခံနိုင်ရည်နဲ့ သွေးတွင်းသကြားဓာတ်လျော့နည်းစေပြီး ဆီးချိုရောဂါရှိသူတွေမှာ သွေးတွင်းသကြားဓာတ်ကို လျှော့ချပေးနိုင်ကြောင်းလေ့လာမှုများစွာကတွေ့ရှိခဲ့ကြပါတယ်။ ကန်စွန်းဥမှာပါဝင်တဲ့ အမျှင်ဓာတ်ကိုဆီးချိုရောဂါစီမံခန့်ခွဲရာမှာ အကျိုးပြုတယ်လို့ ဆိုထားကြပါတယ်။

သွေးဖိအားကို ထိန်းညှိပေးခြင်း

ကန်စွန်းဥမှ မဂ္ဂနီဆီယမ်နဲ့ ပိုတက်ဆီယမ်ဓာတ် ပါဝင်တဲ့အတွက် သွေးဖိအားထိန်းညှိရာမှာ ကူညီပေးပါတယ်။ သွေးတိုးရောဂါကို တိုက်ဖျက်ရာမှာလည်း မရှိမဖြစ်လိုအပ်လှပါတယ်။

စိတ်ဖိစီးမှုကို သက်သာစေခြင်း

မဂ္ဂနီဆီယမ်ဓာတ်ချို့တဲ့ခြင်းဟာ အမျိုးသမီးတွေမှာ ဓမ္မတာမလာမီခံစားရတဲ့ စိတ်ကျရောဂါကို တိုးမြှင့်ပေး ပါတယ်။ ကန်စွန်းဥဟာ ခန္ဓာကိုယ်ရဲ့ မဂ္ဂနီဆီယမ်ဓာတ်ကို ဖြည့်တင်း ပေးနိုင်ပြီး လူတစ်ဦးတစ်ယောက်ချင်းစီ မှာ ရှိတဲ့ စိတ်ဓာတ် ကျဆင်းခြင်းနဲ့ စိုးရိမ်ပူပန်မှုဆိုင်ရာ အပြုအမူတွေကို သက်သာစေပါတယ်။

အစာခြေဖျက်ရန် ကောင်းမွန်စေခြင်း

ကန်စွန်းဥမှာ အစာခြေစနစ်ကိုကောင်းမွန်စေတဲ့ အမျှင်တွေ ပါဝင်ပါတယ်။ အဲ့ဒီအမျှင်ဓာတ်ပါဝင်မှု မြင့်မား ခြင်းဟာ ကလေးရောလူကြီးမှာပါ ဖြစ်ပွားတတ်တဲ့ ဝမ်းချုပ်ခြင်းကို အကာအကွယ်ပေးပါတယ်။

ကိုယ်အလေးချိန်ကို ထိန်းသိမ်းပေးခြင်း

ကန်စွန်းဥမှာပါဝင်တဲ့ အမျှင်ဓာတ်က တစ်ဦးတစ်ယောက်ချင်းစီရဲ့ကိုယ်အလေးချိန်ကို လျှော့ချပေးပါတယ်။ ကန်စွန်းဥကို တစ်နေ့တစ်လုံးစားပြီး သရေစာလျှော့လေလေ သင့်ရဲ့ကိုယ်အလေးချိန်ကို ထိထိရောက်ရောက် ထိန်းညှိပေးလေပါပဲ..။

မျိုးပွားမှုကို မြှင့်တင်ပေးခြင်း

ကန်စွန်းဥမှာ ကျန်းမာရေးနဲ့ ညီညွှတ်တဲ့သံဓာတ်တွေ ပါဝင်ပြီး ကလေးမွေးစအရွယ်အမျိုးသမီးတွေရဲ့ မျိုးပွား မှုကို မြှင့်တင်ရာမှာ အရေးပါတဲ့ သတ္တုဓာတ်တစ်မျိုးလည်း ဖြစ်ပါတယ်။

ဗီတာမင်အေ ချို့တဲ့မှုကို ကာကွယ်ပေးခြင်း

ဗီတာမင်အေချို့တဲ့မှုဟာ ကူးစက်ရောဂါခုခံနိုင်မှု ကျဆင်းလာခြင်း၊ ကူးစက်ရောဂါတိုးလာခြင်း၊ မျက်လုံး ခြောက်ခြင်းတို့ ကို ဖြစ်ပွားစေပါတယ်။ ကန်စွန်းဥဟာ ဗီတာမင်အေချို့တဲ့မှု ကြောင့်ဖြစ်သော ခန္ဓာကိုယ်ထဲက ရောဂါပိုးတွေကို တိုက်ဖျက်ပေးပြီး နောက်ထပ်ရောဂါပိုးတွေ မရှိနိုင်အောင်လည်း ကာကွယ်ပေးပါတယ်။

မှတ်ဉာဏ်ကောင်းစေခြင်း

ခရမ်းရောင်ကန်စွန်းဥမှာပါဝင်တဲ့ အန်သိုဆိုင်ယာနင်ဟာ မှတ်ဉာဏ်ကောင်းစေတဲ့ ဂုဏ်သတ္တိတွေ ပါဝင်ပါတယ်။ ဒါကြောင့်မို့လို ကန်စွန်းဥကိုပုံမှန်စားသုံးခြင်းက မှတ်ဉာဏ်စွမ်းအားကို တိုးပွားစေပါတယ်။

ရောင်ရမ်းမှုကို လျော့နည်းစေခြင်း

ကန်စွန်းဥမှာ ဗီတာမင်စီ အများအပြားပါဝင်ပြီး ရောင်ရမ်းမှုကို ဆန့်ကျင်တဲ့ဂုဏ်သတ္တိတွေ ပါဝင်ပါတယ်။ ဒါ့အပြင် ကိုလင်း(choline)ဓာတ်လည်း ပါဝင်မှုမြင့်မားပါတယ်..။ choline ဓာတ်ရဲ့အကျိုးကျေးဇူးတွေထဲက တစ်ခုကတော့ ရောင်ရမ်းမှုကို လျော့နည်းစေတာပါပဲ..။

ဆံပင်နှင့်အသားအရေကို ကောင်းမွန်စေခြင်း

ကန်စွန်းဥမှာ ဗီတာမင်အေ၊ စီ၊ အီးတို့ မြင့်မားစွာပါဝင်တာကြောင့် အရေပြားနဲ့ ဆံပင်ကျန်းမာရေးကို မြှင့်တင်တဲ့နေရာမှာ အသုံးဝင်ပါတယ်။ဗီတာမင်အီးဟာ ဆံသားကျန်းမာရေးကို ထိန်းသိမ်းပေးတဲ့နေရာမှာ အထူးအသုံးဝင်ပါတယ်။

ဒါဆိုရင် ကန်စွန်းဥရဲ့ ကျန်မာရေးကောင်းကျိုးအဖြာဖြာ ကိုသိကြပြီမို့ “အစာလည်းဆေး၊ဆေးလည်းအစာ” ဆိုသလိုစျေးချိုချိုနဲ့ အလွယ်တကူဝယ်လို့ရတဲ့ ကန်စွန်းဥကိုစားကြဖို့ မမေ့ကြနဲ့နော်။

ရေးသားသူ-ပင်လယ်ပြာ(ငါးဦးစီး)

Ref: Health Benefits of Sweet Potatoes.

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...