တက္ကဆပ်ပြည်နယ်ထဲ နို့စားနွားခြံတစ်ခြံ ပေါက်ကွဲပြီး ကောင်ရေ ၁၈၀၀၀ သေဆုံး

အမေရိကန်တောင်ပိုင်း တက္ကဆပ်ပြည်နယ်ထဲက နို့စားနွားမွေးမြူရေးခြံတစ်ခြံမှာ ကြောက်မက်ဖွယ် ပေါက်ကွဲမှုကြီး ဖြစ်ပွားပြီး နို့စားနွားမကောင်ရေ ၁၈၀၀၀ သေဆုံးကာ ခြံဝန်ထမ်းတစ်ဦး ထိခိုက်ဒဏ်ရာ ရရှိခဲ့တယ်လို့ ဒေသအာဏာပိုင်တွေက ထုတ်ပြန်ပြောဆိုပါတယ်။

"ဒါဟာ တက္ကဆပ်ပြည်နယ်သမိုင်းမှာ နွားတွေ သေဆုံးမှုအများဆုံး ပေါက်ကွဲမှုကြီး ဖြစ်ပါတယ်။ စုံစမ်းစစ်ဆေးရေးနဲ့ ခြံရှင်းလင်းရေးကို အချိန်ယူ ဆောင်ရွက်သွားရပါမယ်" လို့ တက္ကဆပ်ပြည်နယ်စိုက်ပျိုးရေးကော်မရှင်နာ Sid Miller က ထုတ်ပြန်ချက်ထဲမှာ ပြောဆိုခဲ့ပါတယ်။

ပေါက်ကွဲမှုနဲ့ နောက်ဆက်တွဲမီးလောင်ကျွမ်းမှုဟာ တက္ကဆပ်ပြည်နယ် ဒင်းမစ်မြို့အနီးက Southfork နို့စားနွားမွေးမြူရေးခြံမှာ တနင်္လာနေ့ညပိုင်းက ဖြစ်ပွားခဲ့တာပါ။

မီးသတ်သမားနဲ့ ရဲတပ်သားတွေ အခင်းဖြစ်ရာကို အလျင်အမြန် ရောက်လာခဲ့ကြပြီး ခြံထဲမှာ ပိတ်မိနေသူတစ်ယောက်ရှိကြောင်း သိခဲ့ရတယ်လို့ ဒေသအုပ်ချုပ်ရေးအဖွဲ့ရုံးက Facebook မှာ ထုတ်ပြန်ထားပါတယ်။ ပိတ်မိနေသူကို ကယ်ထုတ်ပြီး လက်ဘော့မြို့ရှိ ဆေးရုံတစ်ရုံကို ပို့ဆောင်ခဲ့ကြောင်း ထုတ်ပြန်ချက်မှာ ရေးထားပါတယ်။

ပေါက်ကွဲမှုနဲ့ မီးလောင်ကျွမ်းမှု ဖြစ်ရတဲ့ အဓိကအကြောင်းအရင်းကို မသိရသေးကြောင်း၊ ဖြစ်စဉ်ဟာ အလွန်ကြောက်မက်ဖွယ်ကောင်းကြောင်း Miller က ပြောပါတယ်။

"ဒီဝမ်းနည်းဖွယ်ဖြစ်ရပ်နဲ့ ပတ်သက်တဲ့ အဓိကအကြောင်းအရင်းနဲ့ အချက်အလက်တွေ ရရှိတာနဲ့ အများပြည်သူထံ အသိပေးသွားမှာပါ။ ဒါမှဟာ နောင် ဒီလိုဖြစ်ရပ်ဆိုးတွေကို ရှောင်ကြဉ်နိုင်မှာပါ" လို့ ၎င်းက ပြောပါတယ်။

ဒေသဆိုင်ရာအုပ်ရေးအကြီးအကဲ Sal Rivera ကတော့ မွေးမြူရေးခြံထဲက နွားချေးတွေကို ရှင်းလင်းပေးတဲ့ စနစ်တစ်ခု အပူလွန်လောင်ကျွမ်းခဲ့တာ ဖြစ်နိုင်တယ်လို့ CBS ရုပ်သံသတင်းဌာနကို ပြောဆိုပါတယ်။

ခြံအတွင်းရှိ မီသိန်းဓာတ်ငွေ့တွေက ဒီဖြစ်ရပ်ကို အစပြုပေးပြီး ပေါက်ကွဲမှုနဲ့ မီးလောင်ကျွမ်းမှုတွေကို ခြံလုံးပြန့်စေခဲ့တာ ဖြစ်နိုင်ကြောင်း၊ ဒါပေမယ့် စုံစမ်းစစ်ဆေးပြီးမှသာ အကြောင်းရင်း အတိ အကျကို အတည်ပြုနိုင်မှာဖြစ်ကြောင်း ၎င်းက ပြောပါတယ်။

"ခြံတွေအနေနဲ့ မီးဘေးအန္တရာယ်အကာအကွယ်တွေ ထားရှိပြီး တိရစ္ဆာန်တွေရဲ့ အသက်ကို ကယ်တင်နိုင်အောင် ပိုမိုလုပ်ဆောင်ရပါမယ်" လို့ အမေရိကန်ပြည်ထောင်စုရဲ့ သက်တမ်းရင့် တိရစ္ဆာန်စောင့်ရှောက်ရေးအဖွဲ့အစည်း Animal Welfare Institute က တက္ကဆပ်ပြည်နယ်ဖြစ်ရပ်ကို ရည်ညွှန်းပြီး တွစ်တာမှာ ရေးသားခဲ့ပါတယ်။

ဝေယံဟိန်း (B.Ag)

Ref: 'Horrific' explosion and fire kill 18,000 cows at Texas dairy farm - AFP

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟု ထည့်ပေးပါရန် မေတ္တာရပ်ခံအပ်ပါသည်။ 

ဗွေဆော်ဦး ကြော်ငြာ

ရောဂါပိုးမွှားတွေ ဝင်မလာနိုင်ဖို့ဆို အားရှိနေမှဖြစ်မှာနော်.. ဒါက လူတွေမှာတင်မဟုတ်ပါဘူး..မွေးမြူထားတဲ့ တိရစ္ဆာန်လေးတွေမှာလည်း အလားတူပါပဲ။ ဆိုတော့ ငါး၊ ပုစွန်မွေးမြူသူတွေအတွက်လည်း.. သူတို့လေးတွေ အားရှိနေဖို့ အားဆေးလေးတွေ ကျွေးပေးဖို့ လိုပါတယ်ရှင့်။ ဒီအတွက် အခက်အခဲလေး ရှိမယ်ဆိုရင်… ‘ဗွေဆော်ဦး’ မှာရှိတဲ့ ‘Aqua Booster’ လေးက ဖြေရှင်းပေးနိုင်ပါတယ်ရှင့်။ Aqua Booster ဆိုတာ… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝ ကမ္မဆိုင်ရာ အာဟာရအားတိုးဆေးမျိုးပါ။ သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်ပြီး ပုစွန်တွေရဲ့ ကျန်းမာ ရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်။ ဇီဝနည်းဖြင့် ဆွေးမြည့်ပျက်စီးပြီး ရေရှည်တည်တံ့တဲ့စွမ်းအင်မျိုးရှိတာကြောင့် ဘယ်လို ရေလုပ်ငန်း မျိုးနဲ့မဆို သင့်တော်ပြီး အမြတ်အစွန်းတိုးပွားစေနိုင်ပါတယ်။ ဘယ်လိုအကျိုးကျေးဇူးတွေ ရှိစေနိုင်လဲ… ပုစွန်များရဲ့ ကျန်းမာရေးကောင်းမွန်စေလို့ အူလမ်းကြောင်းထဲက pH ကို လျှော့ချပေးပြီး ရောဂါဖြစ်စေဘတ်တီးရီးယားများ လျော့ပါးစေ နိုင်ပြီး သဘာဝအကျိုးပြုဘက်တီးရီးယားများ တိုးပွားစေလို့ ကြီးထွားနှုန်းနှင့် ရှင်သန်နှုန်း မြင့်တက်စေခါတယ်။ ဘက်တီးရီးယားဒဏ်ကို အကောင်းဆုံးခံနိုင်ရည်ရှိစေပြီး အစာမှအသားဖြစ်စေနှုန်းနဲ့ ပရိုတင်း ချေဖျက်မှုကို မြှင့်တင်ပေးလို့ အထွက်နှုန်းကိုလည်းတိုးစေနိုင်ပါတယ်။ (ပဋိဇီဝဆေး မဟုတ်လို့ နောက်ဆက်တွဲပြဿနာများလည်းမရှိသောကြောင့် ထုတ်ကုန်တန်ဖိုးလျော့ကျစေမဲ့ ဓာတ်ကြွင်းအာနိသင်များမရှိပါ။) ကဲ...ဘာစဉ်းစားနေဦးမလဲ...ကိုယ့်ရဲ့ ငါး၊ ပုစွန်လေးတွေကို ‘ Aqua Booster’ နဲ့ အားတွေ မြှင့်ပေးလိုက်တော့လေ...။

Read more

Facebook စာမျက်နှာသို့သွားရန်