' ဘင်္ဂလားပင်လယ်အော် အရှေ့အလယ်ပိုင်း၊ ရခိုင်ကမ်းရိုးတန်းအနီး၊ စစ်တွေမြို့အနောက်ဘက် ၈၄ မိုင်ခန့် ပင်လယ်ပြင်မှာဖြစ်နေတဲ့ INVEST-99B (လက်ရှိလေဖိအားနည်းရပ်ဝန်းအဆင့်) က ၂၄ နာရီအတွင်း ပိုမိုအားကောင်းလာပြီးတော့ မုန်တိုင်းအဆင့်ကိုရောက်လာနိုင်ခြေအဆင့် HIGH (ဖြစ်နိုင်ချေပိုများလာ) ကို ရောက်လာကြောင်း JTWC ရဲ့ ဒီနေ့ညနေ ၄ နာရီအချိန်သတိပေးထုတ်ပြန်ချက်မှာ ဖေါ်ပြထားတယ်' လို့ အပြည်ပြည်ဆိုင်ရာမိုးလေဝသစောင့်ကြည့်ခန့်မှန်းသူ ဦးဝင်းနိုင်က ပြောပါတယ်။


' 99B ဟာ လက်ရှိအချိန်မှာ ဗဟိုဖိအား 992 hPa နဲ့ ဗဟိုလေတိုက်နှုန်း တစ်နာရီမိုင် ၄၀ နှုန်းအထိရောက်ရှိလာကြောင်းတွေ့ရပြီး အနောက်-အနောက်မြောက်ဘက်၊ ဘင်္ဂလားပင်လယ်အော်မြောက်ပိုင်းနဲ့ အနောက်မြောက်ပိုင်းကိုဆက်လက်ရွေ့လျားကာ ယခင်ခန့်မှန်းချိန်များထက်စော၍ ဩဂုတ်လ ၁၉ ရက် မွန်းလွဲပိုင်းမှ စတင်ပြီး အိန္ဒိယနိုင်ငံ ဩရိဿကမ်းခြေမြောက်ပိုင်းကို ဖြတ်ကျော်ဝင်ရောက်နိုင်မယ်လို့ ကြိုတင်ခန့်မှန်းချက်တွေမှာတွေ့ရကြောင်း' လည်း ဦးဝင်းနိုင်က သူ့ရဲ့ ဖေ့စ်ဘွတ်စာမျက်နှာကနေ အသိပေးထားပါတယ်။
မုန်တိုင်းဖြစ်ပေါ်လာရင် မြန်မာနိုင်ငံအတွင်း သက်ရောက် (လေပြင်း၊ မိုးကြီး) နိုင်မယ့်ဒေသတွေ နဲ့ပတ်သက်လို့တော့ အောက်ပါလင့်ကနေ ဖတ်ရှုနိုင်ပါတယ်။
https://greenwaymyanmar.com/posts/Invest_99_B
ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။
မာလာမြိုင် ကုမ္ပဏီ
ကြော်ငြာ
ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။
မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။
ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။
စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။
ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။
အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။
ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။
သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။
ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။
Read more
Facebook Page သို့သွားရန်