တစ်ပိုင်တစ်နိုင် ငါးမွေးမြူခြင်းနှင့် ငါးသားပေါက် ပြုစုခြင်းအတွက် လေပေးရေလှည့်စနစ်

၁။ ငါးကန်အောက်ခြေမှာ စုပုံလျက်ရှိသော ငါးမစင်အညစ်အကြေးနှင့် အစာကျန်များ ရေညှိနှင့် ရေမှော်အဆွေးများ ဓာတ်ပြိုကွဲရာမှာ နိုက်တြိုဂျင် ဓာတ်ပေါင်း (အမိုးနီးယားနှင့် နိုက်ထရိုက်) များထွက်ပေါ်ပါသည်။ ဤဖြစ်စဉ်တွင် ကန်ရေမှာ ပျော်ဝင်လျက်ရှိသော အောက်စီဂျင်ကို အသုံးပြုသောကြောင့် ငါးများ၏ ဇီဝကမ္မဖြစ်စဉ်အတွက် အောက်စီဂျင် မလုံလောက်မှုဖြစ်လာပါသည်။

၂။ ရေအစိမ်းရင့်ရောင်ရှိသော ကန်တွင်နေဝင်ချိန်မှစပြီးနောက်နေ့မနက်အထိ အပင်မျှောလှေး (Phytoplankton) များမှာလည်း အောက်စီဂျင် အသုံးပြုပါသည်။ ထို့ကြောင့် ညဦးပိုင်းမှစ၍နောက်တနေ့ နေ ထွက်လာသည်အထိ ရေတွင်ပျော်လျက်ရှိသော အောက်စီဂျင်ပမာဏမှာ တဖြည်းဖြည်းနည်းပါးလာလေ့ရှိပါသည်။

၃။ ငါးအစာစားနှုန်းလျော့ခြင်း၊ ကြီးနှုန်းနှေးခြင်း ၊ သန်စွမ်းမှုမရှိခြင်း၊ ရောဂါကူးစက်ခြင်း ၊ နေ့စဉ်ငါးအသေများတွေ့ခြင်း အချိန်ကြာလာသည်နှင့်အမျှ ငါးသေနှုန်းများလာခြင်း စသည်များ ကြုံတွေ့လာမည် ဖြစ်သည် ။ ရာသီဥတုပူပြင်းခြင်း ၊ ကန်ရေအပူချိန် မြင့်မားခြင်း၊ ရေမလုံလောက် ခြင်း ရှိလာသောအခါ ဤဖြစ်စဉ်မှာ ပိုမို ဆိုးဝါးပါသည်။ ဤအခြေအနေကိုကျော်လွှားနိုင်ရန်ရေဒလက် (Paddlewheels) ၊ လေပေးစက် (Compressor & blower)၊ လေပန်း (Diffusers) စသည်များကို ဒီဇယ် ၊ လျှပ်စစ် ၊ နေရောင်ခြည်စွမ်းအင်ဖြ င့် အသုံးပြုလျက်ရှိပါသည်။

၄ ။AQUADAPT MYANMAR သည် စရိတ်သက်သာပြီး လွယ်ကူစွာ သုံးနိုင်သည့်လေပေးရေလှည့်စနစ် (Venturi Aeration System) ကိုတီထွင်ထားပါသည်။ ကန်ရေတွင် အောက်စီဂျင်(DO2- Dissolved Oxygen) ပိုမိုရရှိစေပြီး ကန်ရေအရည်အသွေးကျခြင်းရေပျက်ခြင်းကို အတော်အတန် ကာကွယ်နိုင်မည် ဖြစ်ပါသည် ။ ဧရာဝတီတိုင်း မအူပင်ခရိုင် ၊ စစ်ကိုင်းတိုင်း ရွှေဘိုခရိုင်ရှိ ငါးမွေးကန် အချို့တွင် ငါးလုပ်ငန်းဦးစီးဌာနနှင့် မြန်မာနိုင်ငံငါးလုပ်ငန်းအဖွဲ့ချုပ်တို့၏ကူညီမှုဖြင့်အောင်မြင်စွာ စမ်းသပ်နိုင်ခဲ့ပြီး ဖြစ်ပါသည်။

၅။ ဤနည်းစနစ်ဖြင့် တစ်ပိုင်တစ်နိုင် ငါးမွေးမြူသူများသည်ရာသီဥတုပြောင်းလဲခြင်း အပူချိန် မြင့် မားလာခြင်းကြောင့် ကန်ရေအရည် အသွေးကျဆင်းပျက်စီးမှုကို ထိမ်းသိမ်းကာကွယ်နိုင်မည်ဖြစ်ပါသည်။ လက်တွေ့ ပြသခြင်းသာမက ပိုမိုကောင်းမွန်သောနည်းစနစ်များ ဖော်ထုတ်နိုင်ရန် ငါးလုပ်ငန်းဦးစီးဌာန ၊ မြန်မာနိုင်ငံငါးလုပ်ငန်းအဖွဲ့ချုပ်၊ ငါးမွေးသူများနှင့် ပူးပေါင်းပြီး သုတေသနများ ဆက်လက်ပြုလုပ်သွားမည် ဖြစ်ပါသည် ။

ဒေါက်တာ ခင်မောင်စိုး (Ph.D.)

source - aquadapt myanmar facebook page

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။