နှစ်သစ်နှင့်အတူ တစ်နိုင်ငံလုံး အအေးပိုလာနိုင်

၂၀၂၃ နှစ်သစ်နဲ့အတူ မြန်မာနိုင်ငံ အောက်ပိုင်းဒေသတွေအပါအဝင် တစ်နိုင်ငံလုံးမှာ အအေးတွေ ပိုလာ နိုင်တယ်လို့ နိုင်ငံတကာမိုးလေဝသထုတ်ပြန်ချက်တွေကို ကိုးကားပြီး မိုးလေဝသခန့်မှန်းသူ ဦးဝင်းနိုင်က ခန့်မှန်းပါတယ်။

ပြီးခဲ့တဲ့ရက်ပိုင်းက ဘင်္ဂလားပင်လယ်အော်တောင်ပိုင်း သီရိလင်္ကာကျွန်းအရှေ့ဘက်ပင်လယ်ပြင်မှာ ဖြစ်ပေါ်နေဆဲ INVEST-98B ရဲ့ အပြင်ဘက်တိမ်တိုက်များဝင်ရောက်လာတာကြောင့် ဧရာဝတီတိုင်းနဲ့ ရန်ကုန်တိုင်းဒေသအချို့မှာ ဒီဇင်ဘာ ၂၄ ရက်နဲ့ ၂၅ ရက်တွေမှာ မိုးရွာသွန်းမှုတစ်ချို့ရှိခဲ့ပြီး တစ်ချို့ ဒေသတွေမှာတော့ နေရာကွက်မိုးကြီးတာတွေရှိခဲ့ပါတယ်။ ဒါပေမဲ့ လက်ရှိမှာ အဲ့ဒီ INVEST-98B ဟာ အာရေဗျပင်လယ်ထဲကို ရောက်သွားပြီဖြစ်လို့ လတ်တလောမှာ ဒါမျိုးတွေ ထပ်ဖြစ်နိုင်စရာမရှိတော့ဘူး လို့လည်း ဦးဝင်းနိုင်က သုံးသပ်ပါတယ်။

ဒီအခြေအနေတွေနဲ့ပတ်သက်လို့ ဦးဝင်းနိုင်ထံ Green Way က ဆက်သွယ်မေးမြန်းထားတာတွေကို ဖော်ပြပေးလိုက်ပါတယ်။

နောက်ဆုံးမိုးလေဝသအခြေအနေတွေက ဘယ်လိုဖြစ်နေလဲ?

“ 98 B ကတော့ အာရေဗျပင်လယ်ထဲကို ရောက်သွားပြီ။ ဆိုတော့ သူဟာသူ မုန်တိုင်းဆက်ဖြစ်ဖြစ်၊ မဖြစ်ဖြစ် ကျွန်တော်တို့အပေါ် သက်ရောက်မှုက လုံးဝမရှိတော့ဘူးပေါ့။ ပင်လယ်ခြားသွားတာကိုး။ အဲ့ဒါက တစ်ပိုင်းပေါ့။ နောက်တစ်ခုက မုတ်သုံမျဉ်းက အီကွေတာအောက်ကို ဆင်းသွားပြီ။ ဆိုတော့ တောင်ဘက်ခြမ်းမှာပဲ မုန်တိုင်းတွေ ဆက်ဖြစ်တော့မယ်။ ကျွန်တော်တို့ အပေါ်ပိုင်းကတော့ ပိုပြီးတော့ အေးလာဖို့ပဲ ရှိတော့တယ်။ ဒီနေ့ မနက်ကနေစပြီးတော့ နည်းနည်းချင်း နည်းနည်းချင်း အပူချိန်ကတော့ ကျလာပြီ။ ၃၀၊ ၃၁ လောက်ဆိုရင် ပဲခူးတိုင်း၊ ရန်ကုန်တိုင်းတွေက ၁၉၊ ၁၈ လောက်ထိ အပူချိန် ကျလာ လိမ့်မယ်။ ကျန်တဲ့ ရှမ်းပြည်နယ်တို့ ဘာတို့က အအေးပိုလာမှာတော့ ကျိန်းသေတယ်လေ”

“ တစ်ခုပဲ ရှိတယ်။ ကျွန်တော်တို့ မြောက်ပိုင်းကနေ ဝင်လာမဲ့တိမ်ရယ်၊ အာရေဗျပင်လယ်ဘက်ကို ရောက်သွား တဲ့ 98B ကြောင့်ဖြစ်လာတဲ့ လေစီးကြောင်းက တွန်းပို့တာတွေ ရယ်ကြောင့်မို့လို့ ကျွန်တော်တို့ မြောက်ပိုင်း ကချင်ပြည်နယ်မှာ မိုးရွာနိုင်တယ်။ နှင်းမိုးလိုမျိုးပေါ့။ ဒါပေမဲ့ အများကြီးတော့ မဟုတ်ဘူး။ ဒါလည်း ဇန်နဝါရီလဆန်း ၁ ရက်၊ ၂ ရက်လောက်ထိပဲ။ အဲ့ဒီနောက်ပိုင်းကျရင်တော့ အအေးထပ်ပြီး ပိုလာမှာပဲ။ အဲ့တော့ ကျွန်တော်မှန်းတာကတော့ ဇန်နဝါရီလဆန်း ၁ ပတ်လောက်အထိကတော့ အအေးပိုနေနိုင်တယ်”

ပြီးခဲ့တဲ့ရက်တွေတုန်းကလို မိုးတွေရွာလာနိုင်တာမျိုး ရှိနိုင်သေးလား?

“ အဲ့လိုမျိုးကတော့ မရှိတော့ဘူး။ အခုလောလောဆယ်ကတော့ ဒီအောက်ဘက်မှာ INVEST system (လေဖိအားနည်းရပ်ဝန်းဖြစ်နိုင်ချေ စောင့်ကြည့်ဧရိယာ) ဖြစ်လာဖို့ ဘာညာမတွေ့တော့ဘူး။ နောက် တစ်ခုက မုတ်သုံမျဉ်းကလည်း တောင်ဘက်ကိုဆင်းသွားပြီ။ ဆိုတော့ တောင်ဘက်ကို မုတ်သုံရာသီ စမယ်။ မြောက်ဘက်ကို ဆောင်းရာသီစမယ်။ ဒါ ပုံမှန်ပဲ”

ထူးထူးခြားခြားဖြစ်နိုင်ချေတွေထဲက ပြောချင်တာ ဘာရှိသေးလဲ?

“ အခုလာနီညာက ဖေဖော်ဝါရီလောက်ထိ ရှိနေဦးမှာဆိုတော့ အစွန်းရောက်ရာသီဥတုက ဇန်နဝါရီလ ကုန်လောက်ထိ ဆက်သွားနိုင်တယ်။ ဆိုတော့ ကျွန်တော်တို့အပေါ်ကျတော့ မိုးရွာနိုင်တဲ့ အနေအထား မျိုးကတော့ မရှိတော့ဘူး။ အအေးပိုလာဖို့တော့ရှိလိမ့်မယ်။ အအေးလှိုင်းကျမကျမျိုးကတော့ ဆက်စောင့်ကြည့်ရမှာပေါ့”

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟု ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...