ဇူလိုင်လ ၁၃ ရက်မှ ဇူလိုင် ၂၆ ရက်အထိ မိုးလေဝသအခြေအနေ ကြိုတင်ခန့်မှန်းချက်

NOAA Climate Prediction Center က ဇူလိုင်-၁၃/၁၄ ရက်နေ့မှာ ထွက်လာတဲ့ MJO Phase ကြိုတင်ခန့်မှန်းချက်တွေအရ …

Week-1 (ဇူလိုင်လ ၁၃ ရက်မှ ဇူလိုင် ၁၉ ရက်အထိ) မြန်မာနိုင်ငံအထက်ပိုင်းဒေသတွေမှာ ပုံမှန်ရွာသွန်းမြဲထက်လျော့နည်းနေမှာဖြစ်ပြီး မြန်မာနိုင်ငံ အောက်ပိုင်းဒေသတွေမှာတော့ ပုံမှန်ရွာသွန်းမြဲအတိုင်းသာရှိမယ်လို့ တွေ့ရပါတယ်။

Week-2 (ဇူလိုင် ၂၀ ရက်မှ ဇူလိုင် ၂၆ ရက်အထိ)မှာတော့ ရခိုင်ပြည်နယ်နဲ့ ရခိုင်ကမ်းရိုးတန်းတစ်လျှောက်မှာ မိုးပုံမှန်ရွာသွန်းမြဲအောက်လျော့နေမှာဖြစ်ပြီး ကျန်တပြည်လုံးမှာတော့ မိုးပုံမှန်ရွာသွန်းမြဲအတိုင်း ရွာနိုင်မယ်လို့ ကြိုတင်ခန့်မှန်းထားတာတွေ့ရပါတယ်။

Global Model တွေဖြစ်တဲ့ ECMWF နဲ့ GFS Model တွေမှာတော့ ဇူလိုင် ၁၆ ရက်နေ့က စပြီး အိန္ဒိယအရှေ့ဘက်ကမ်းခြေနားက လေဖိအားနည်းရပ်ဝန်းဟာ ကုန်းတွင်းကိုရွေ့လျားဝင်ရောက်သွားမှာဖြစ်ကြောင်း၊ ဇူလိုင် ၁၇ - ၁၈ ရက်နေ့တွေရဲ့နောက်ပိုင်းကစပြီး ဘင်္ဂလားပင်လယ်အော်နဲ့ ကပ္ပလီပင်လယ်ပြင်တွေမှာ မုတ်သုံလေအားလျော့ကျသွားကာ တပြည်လုံးအတိုင်းအတာနဲ့ မိုးအားလျော့နည်းပြီး နေ့အပူချိန်တွေ ပြန်လည်မြင့်တက်လာနိုင်ကြောင်း ကြိုတင်ခန့်မှန်းချက်တွေ တွေ့ရပါတယ်။

Model ကြိုတင်ခန့်မှန်းချက်များရဲ့ မိုးရွာသွန်းနိုင်ခြေမှာတော့ နောက်လာမယ့် ၅ ရက်အတွင်း ကချင်ပြည်နယ်မှာ မိုးများနိုင်ပြီး အလယ်ပိုင်းဒေသတွေမှာတော့ မိုးနည်းနေနိုင်မှာကို တွေ့ရပါတယ်။ ပဲခူးတိုင်း၊ ရန်ကုန်တိုင်း၊ ဧရာဝတီတိုင်း၊ ကရင်ပြည်နယ်၊ မွန်ပြည်နယ်နဲ့ တနင်္သာရီတိုင်း၊ ရခိုင်ရိုးမ၊ ပဲခူးရိုးမ တွေပေါ်မှာတော့ မိုးအသင့်အတင့်မှ မိုးများနိုင်မှာဖြစ်ကြောင်းတွေ့ရပါတယ်။ (နောက်လာမယ့် ၅ ရက်အတွက် မိုးရေချိန်ကြိုတင်ခန့်မှန်းပုံကိုလည်း တင်ပေးထားပါတယ်)

ဇူလိုင် ၁၃ ရက်မှ ဇူလိုင် ၂၆ ရက်အထိ ရက်သတ္တပတ် ၂ ပတ်အတွင်းမှာ မိုးအားလျော့နည်းပြီး နေ့အပူချိန်ပြန်လည်မြင့်တက်လာနိုင်တာကြောင့် ကျန်းမာရေး၊ စိုက်ပျိုးရေးနဲ့ ရေလိုအပ်ချက်ရှိတဲ့ဒေသတွေမှာ ကြိုတင်ပြင်ဆင်ထားနိုင်ရန် အသိပေးတင်ပြလိုက်ပါတယ်။

ကပ္ပလီပင်လယ်နဲ့ ဘင်္ဂလားပင်လယ်အော်ရဲ့ ပင်လယ်ရေမျက်နှာပြင်အပူချိန်တွေကတော့ ၂၉-၃၀ ဒီဂရီအထိ ပြန်ပြီး မြင့်တက်လာမှာမို့ ပျံကျမိုးတွေရွာသွန်းနိုင်မယ့်မိုးတိမ်တွေဖြစ်လာနိုင်ပြီး နေ့အပူချိန် ငွေ့ရည်ဖွဲ့မှတ် ထပ်တူကျတဲ့ဒေသတွေမှာ မိုးရနိုင်မယ့်အခြေအနေတော့ ရှိနေဆဲဖြစ်ပါတယ်။

(နိုင်ငံတကာမိုးလေဝသခန့်မှန်းဝက်ဘ်ဆိုဒ်များက ထုတ်ပြန်ချက်များကို ကိုးကားပြီး အပြည်ပြည်ဆိုင်ရာမိုးလေဝသစောင့်ကြည့်သုံးသပ်သူ ဦးဝင်းနိုင်၏ ခန့်မှန်းချက်များကို ဖော်ပြခြင်းဖြစ်ပါသည်။)

(မိမိဒေသတစ်ခုချင်းစီအလိုက် မိုးလေဝသအခြေအနေများကို ဦးဝင်းနိုင်နဲ့ တိုက်ရိုက်မေးမြန်းလိုသူများအနေနဲ့ Green Way ဆော့ဝဲထဲမှာရှိတဲ့ ‘ မေးကြ၊ ဖြေကြ...ဒေသအလိုက်မိုးလေဝသ’ ဆိုတဲ့ အဖွဲ့လေးမှာ အခမဲ့ဝင်ရောက်ပြီး မေးမြန်းနိုင်ပါတယ်။)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ