ကပ္ပလီပင်လယ်ပြင်မှ လေပွေလှိုင်းကြောင့် မိုးရွာနိုင်ချေရှိသည့် ဒေသများ

22/11/2022 19:51 PM တွင် အစိမ်းရောင်လမ်း အစိမ်းရောင်လမ်း မှ ရေးသား

နိုဝင်ဘာ ၂၄ ရက်စလို့ ကပ္ပလီပင်လယ်ပြင်မှာဖြစ်လာမယ့် လေပွေလှိုင်းကြောင့် ဒေသအချို့မှာ မိုးရွာနိုင်ပြီး ကမ်းရိုးတန်းနဲ့နီးတဲ့ဒေသတွေမှာတော့ နေရာကွက်မိုးကြီးတာတွေရှိမယ်လို့ နိုင်ငံတကာမိုးလေဝသထုတ်ပြန်ချက် တွေကို ကိုးကားပြီး မိုးလေဝသခန့်မှန်းပေးနေသူ ဦးဝင်းနိုင်က ပြောပါတယ်။

တောင်တရုတ်ပင်လယ်မှာ စဖြစ်ခဲ့တဲ့ INVEST 97 W ဟာ ယခင်က မြန်မာနိုင်ငံဘက်ကို ဖြတ်ဝင်ပြီး သက်ရောက်မှုကြီးမယ်လို့ နိုင်ငံတကာမိုးလေဝသဌာနတွေက ခန့်မှန်းခဲ့ပေမယ့် နောက်ဆုံးအခြေအနေ တွေအရမှာတော့ ဗီယက်နမ်ကမ်းခြေကို ဖြတ်ကျော်ဝင်ရောက်ပြီးချိန်မှာ အားပျော့ပျက်ပြယ်သွားနိုင်တဲ့ အခြေအနေ ပြန်ဖြစ်သွားလို့ သက်ရောက်မှုတော့ အားနည်းသွားပြီလို့ သိရပါတယ်။

ဒါပေမဲ့ အဲ့ဒီကနေ ဖြစ်လာမယ့် လေပွေလှိုင်းအကျန်နဲ့ ကပ္ပလီပင်လယ်ပြင်မှာဖြစ်လာမယ့် လေပွေလှိုင်း အရှိန်တွေကြောင့် ဒေသအချို့မှာ မိုးရွာနိုင်ချေကတော့ အရင်အခြေအနေအတိုင်း ဆက်ရှိနိုင်သေးတယ်လို့ ဦးဝင်းနိုင်က ခန့်မှန်းပါတယ်။

ဒီအခြေအနေတွေနဲ့ပတ်သက်လို့ ဘယ်ဒေသတွေမှာ မိုးတွေရွာနိုင်သလဲ၊ ဘယ်ဒေသတွေ မိုးများနိုင်လို့ သတိ ထားသင့်လဲဆိုတာတွေကို ဦးဝင်းနိုင်ထံ Green Way က ဆက်သွယ်မေးမြန်းထားတာကို ဖော်ပြပေးလိုက်ပါ တယ်။ 

ကပ္ပလီပင်လယ်ပြင်က လေပွေလှိုင်းက ဘယ်တော့လောက်ဖြစ်လာမှာလဲ?

“ ဖြစ်တာတော့ဖြစ်လာမှာ။ သူက ၂၄ ရက် ဆိုရင်ကို မြိတ်နဲ့ကော့သောင်းနဲ့ ကြားထဲလောက် ဘုတ်ပြင်းမြို့ရဲ့ အနောက်ဘက် မိုင် ၁၁၀ လောက် ပင်လယ်ပြင်မှာ လေပွေလှိုင်းကြီးက ရောက်လာပြီ။ ဗဟိုဖိအား ၁၀၀၉ နဲ့ စဖြစ်တယ်။ လေတိုက်နှုန်းကတော့ မများဘူး။ ဖြစ်မှာကတော့ ကျိန်းသေပြီ။ ပြီးရင် ၂၅ ရက်နေ့ကျရင် သူက အနောက်မြောက်ဘက်ကို ဆက်ရွေ့တယ်။ ပြီးတော့ ၂၅ ရက်နေ့ ညပိုင်း လောက်ဆို ကိုကိုးကျွန်းရဲ့အရှေ့တောင် ဘက် မိုင် ၁၇၀ ကို ရောက်ပြီ။ အဲ့ဒီအချိန်ကတည်းကစပြီး ဧရာ ဝတီနဲ့ မွန်၊ တနင်္သာရီကမ်းရိုးတန်းတစ်ခုလုံး အဲ့ဒီဟာတွေမှာ မိုးစပြီးတော့ ရွာမယ်။ ကရင်ပြည်နယ်၊မွန်ပြည်နယ်တွေထဲတော့ နေရာကွက်မိုးကြီးတာတွေ ဖြစ်နိုင်တယ်” 

“ ၂၅၊ ၂၆ လောက်ကစလို့ ကရင်ပြည်နယ်၊ မွန်ပြည်နယ်ရယ်၊ ပဲခူးတိုင်းတောင်ပိုင်းရယ်၊ ဧရာဝတီရယ်၊ ရန်ကုန်တိုင်းရယ် အဲ့ဒီနေရာတွေမှာ မိုးစကျမယ်။ ကမ်းရိုးတန်းနဲ့နီးလေ မိုးများလေ၊ ကမ်းရိုးတန်းနဲ့ ဝေးလ မိုးအားနည်းလေဖြစ်မယ်။ ပြီးတော့မှ နောက် ၃ ရက်နဲ့ ၅ ရက်ကြား ပြောမယ်ဆိုရင်တော့ မိုး တော်တော်များမယ်။ ရန်ကုန်တိုင်း၊ ဧရာဝတီ၊ ပဲခူးတိုင်း အရှေ့ခြမ်း၊ အနောက်ခြမ်း အကုန်လုံးပါမယ်။ နောက် ကယားပြည်နယ်ပါမယ်။ နောက်ပြီးတော့မှ ရှမ်းပြည်နယ်တောင်ပိုင်းနဲ့ အရှေ့ပိုင်း၊ ပြီးတော့ အလယ်ပိုင်းဆို နေပြည်တော်ထိ ရောက်တယ်။ မိုးရွာနိုင်တဲ့အခြေအနေက။ ကျွန်တော်တို့ ပဲခူးတိုင်း အနောက်ဘက်ခြမ်းဆိုရင် မြန်အောင်၊ ပြည်အထိ မိုးရွာမယ့်အနေအထား ရှိနိုင်တယ်။ ရခိုင်ပြည်နယ် ဘက်ဆို တောင်ကုတ်နဲ့သံတွဲ တွေအထိ မိုးရွာနိုင်တဲ့ အနေအထားမျိုး ဖြစ်မယ်” 

လေကောပါလာနိုင်လား?

“ လေတော့ မပါဘူးဗျ။ သူက ပင်လယ်မှာတောင်မှ လေတိုက်နှုန်းက တစ်နာရီ ၂၅၊ ၂၆ မိုင်လောက်ပဲ ရှိမယ်။ လှိုင်းအမြင့်လည်း ၃ ပေ၊ ၄ ပေ လောက်ပဲဖြစ်မယ်။ ဆိုတော့ ရေလုပ်ငန်းအဖွဲ့တွေအတွက် တော့ ကံကောင်းသွားတာပေါ့။ ဘာကြောင့် အဲ့လိုဖြစ်သွားလဲဆိုတော့ ပင်လယ်ပြင်အပူချိန်က ပုံမှန် အားဖြင့် ၃၀ လောက်တက်တယ်ဆိုရင် မုန်တိုင်းဖြစ်မယ့်ဟာကို အားဖြည့်ပေးတဲ့ မုန်တိုင်းအစာတစ်ခု ဖြစ်တယ်။ ပင်လယ်ရေငွေ့ကနေတက်လာတဲ့ တိမ်တိုက်တွေက ဖြည့်ပေးမယ်။ ခုက ၂၅ ရက်နေ့ မွန်း တည့် ၁၂ နာရီလို အချိန်မျိုးမှာတောင်မှ ပင်လယ်ရေမျက်နှာပြင်အပူချိန်က ၂၆ ဒီဂရီ စင်တီဂရိတ်ပဲ ရှိတယ်။ ဆိုတော့ ဒါက မုန်တိုင်းကို အားမပေးတော့ဘူးပေါ့။ အဲ့ဒါကြောင့် အားမကောင်းတော့တာ။

အခုဖြစ်တဲ့ဟာက တောင်တရုတ်ပင်လယ်ကနေ စဖြစ်ခဲ့တဲ့ INVEST 97 W နဲ့ ဆက်စပ်နေလား?

“ တောင်တရုတ်ပင်လယ်ကဟာက JTWC ကလည်း ဆက်ဖြစ်မယ်လို့ မပြောတော့ဘူး။ ဒါပေမဲ့ တောင် တရုတ်ပင်လယ်မှာဖြစ်တဲ့ဟာက ဗီယက်နမ်ကမ်းခြေကို ဝင်တယ်။ ဝင်ပြီးတော့မှ အဲ့ဒီ 97 W ရဲ့ ကျန်တဲ့ လေပွေလှိုင်းက ထိုင်းပင်လယ်ကွေ့ကနေ ဝင်လာတယ်။ ဆိုတော့ ဆက်စပ်နေတယ်လို့လည်း ပြောလို့ ရတယ်” 

 “ ၂၄ ရက်နေ့မနက် ၇ နာရီလောက်မှာ ခုန ဗီယက်နမ်ဘက်ကရွေ့လာတဲ့ လေပွေလှိုင်းက ထိုင်း ပင်လယ်ကွေ့ထဲမှာ ဖြစ်တယ်။ ပြီးတော့မှ မြိတ်နဲ့ ကော့သောင်းကြား ဘုတ်ပြင်းလောက်မှာ လေပွေ လှိုင်းတစ်ခု ထပ်ဖြစ်တယ်ပေါ့။ ဆဲလ်နှစ်ခု ကွဲထွက်သွားတဲ့ သဘောမျိုးပါပဲ။ ပြီးတော့မှ အရှေ့ဘက်က တိုက်တဲ့လေစီးကြောင်းနဲ့ ပေါင်းပြီး အားကောင်းပြီး ဒီဘက်ထဲကို ဝင်လာတာပေါ့” 

ဘယ်ရက်လောက်ထိ မိုးရွာတာတွေ ဖြစ်နိုင်လဲ?

“ ၂၈၊ ၂၉ လောက်ထိ ဖြစ်နိုင်တယ်။ အထက်ဘက်က မန္တလေးတိုင်း၊ စစ်ကိုင်းတိုင်း ဘက်တွေထိတော့ ရောက်နိုင်တယ်။ ဒါပေမဲ့ အရင်ခန့်မှန်းထားသလို မိုးကုတ်တို့ သပိတ်ကျင်းတို့ဘက်တော့ မရောက်နိုင် တော့ဘူး။ မုံရွာတို့ဘာတို့လည်း မရောက်နိုင်တော့ဘူး။ ဘယ်ထိရောက်နိုင်လဲဆိုတော့ ကျောက်ပန်း တောင်း၊ မိတ္ထီလာ၊ ကျောက်ဆည်၊ ဟဲဟိုး၊ တောင်ကြီး၊ နမ့်စမ်တွေလောက်ထိပဲ ရောက်တော့မယ်။ မကွေးတိုင်းလည်း ပါတော့ပါတယ်။ သူလည်း ဆိပ်ဖြူလောက်ထိပဲ ရောက်နိုင်တယ်။ ရခိုင်ပြည်နယ် ဆိုရင်လည်း မိုးတော့မများတော့ဘူး။ ကျောက်ဖြူဘက်ဆိုရင် ၂၈၊ ၂၉ လောက်ကျမှ မိုးပါးပါးကျနိုင်တာလောက်ပဲ ဖြစ်တော့မယ်” 

မိုးအများဆုံးရွာနိုင်တာ ဘယ်ဒေသတွေ ဖြစ်မလဲ?

" အများဆုံးရွာမှာက ရန်ကုန်တိုင်းရယ်၊ ပဲခူးတိုင်းတောင်ပိုင်းရယ်၊ ဧရာဝတီတိုင်းတောင်ပိုင်း ဟင်္သာတက နေ ဟိုးကမ်းရိုးတန်းအထိဆိုတော့ တစ်ခုလုံးလို့တောင် ပြောလို့ရတယ်။ ပဲခူးတိုင်းကတော့ အရှေ့ခြမ်း က ပိုများမယ်။ အနောက်ပိုင်း ပြည်ဘက်ခြမ်းကတော့ နည်းနည်းလျော့မယ်"  

အခု ကပ္ပလီပင်လယ်မျာ ဖြစ်လာမဲ့ လေပွေလှိုင်းဟာ အများဆုံး လေဖိအားနည်းရပ်ဝန်းအဆင့်လောက်အထိသာ ဖြစ်နိုင်ပြီး ဒီလေပွေလှိုင်းပြီးရင်တော့ နိုဝင်ဘာလကုန်အထိ လေပွေလှိုင်း/လေဖိအားနည်းရပ်ဝန်း ထပ်ဖြစ်နိုင်မဲ အခြေအနေတော့ မတွေ့သေးဘူးလို့လည်း ဦးဝင်းနိုင်က Green Way ကို ပြောပါတယ်။

#(ဆရာဦးဝင်းနိုင်အနေဖြင့် Windy App ရှိ ကမ္ဘာလုံးဆိုင်ရာမိုးလေဝသ Model များဖြစ်သည့် ECMWF Model နှင့် GFS Model ခန့်မှန်းချက်များကို အသုံးပြု၍ ကြိုတင်ခန့်မှန်းခြင်း ဖြစ်ပါသည်)

Photos Crd_ U Win Naing

#(မိမိဒေသ မြို့နယ်တစ်ခုချင်းအလိုက် အသေးစိတ်မိုးလေဝသအခြေအနေများကို သိလိုပါက Green Way app ရှိ ‘ မေးကြ၊ ဖြေကြ ဒေသအလိုက် မိုးလေဝသ’ အဖွဲ့တွင် အခမဲ့အဖွဲ့ဝင်ပြီး ဆရာနှင့် တိုက်ရိုက်မေးမြန်းနိုင်ပါသည်)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 


PROBIO ကြော်ငြာ
ကြက်/ဝက် မွေးမြူရေးလုပ်ငန်းတွေမှာ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) များအစား၊ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) များကို ဘာကြောင့်အစားထိုး အသုံးပြုသင့်တာလဲ။ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) ဆိုတာကတော့ လူ၊ တိရစ္ဆာန်တွေမှာကပ်တွယ်ပြီး ကျန်းမာရေးကို အန္တရာယ်ပြုနိုင်တဲ့ အဏုဇီဝပိုးမွှားတွေကို ကြီးထွားပြန့်ပွားမှု့လျော့ကျအောင် ရှင်းလင်းသုတ်သင်ပေးတဲ့ ဆေးတစ်မျိုးဖြစ်ပြီး အထူးသဖြင့် မွေးမြူရေးကဏ္ဍမှာ ၇၀-၈၀% အထိ အသုံးပြုလျက်ရှိကြပါတယ်။ ကြက်မွေးမြူရေးကဏ္ဍမှာဆိုရင် အဆိုပါ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) တွေဟာ ကြက်တွေမှာဖြစ်ပွားတတ်တဲ့ အသက်ရှုလမ်းကြောင်းရောဂါ၊ အူလမ်းကြောင်းရောဂါ၊ အခြားသောဘက်တီးရီးယားများကြောင့်ဖြစ်တဲ့ ရောဂါတွေကိုကုသရာမှာ အလွန်ထိရောက်ပါတယ်။ သို့သော်ငြားလည်း ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) တွေကိုအသုံးပြုတဲ့အခါ ဆေးမတိုးတော့တဲ့ အန္တရာယ်ရှိ အဏုဇီဝပိုးမွှားဗီဇပေါ်ထွက်လာနိုင်ပြီး ထိုမှတဆင့် အရေအတွက်အများအပြားအဖြစ်သို့ ပြန်လည်ပွားများလာကာ ပဋိဇီဝဆေးဆေးယဉ်ပါးမှု (𝐀𝐌𝐑) ကိုဦးတည်နိုင်စေပါတယ်။ ဒီနေရာမှာ အဆိုပါ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) တွေအစား အစားထိုးအသုံးပြုသင့်တဲ့ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) အကြောင်းကို ထပ်မံအကြံပြုဝေမျှပေးပါရစေ။ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) ဆိုတာကတော့ မွေးမြူရေးတိရစ္ဆာန်တွေ ကျန်းမာရေးကောင်းမွန်စေဖို့အတွက် ရည်ရွယ်ပြီးထုတ်လုပ်ထားတဲ့ အကျိုးပြု အဏုဇီဝပိုးမွှားများဖြင့် ထုတ်လုပ်ထားတဲ့ဆေး (တနည်းအားဖြင့်) အစာ လို့လည်းဆိုနိုင်ပါတယ်။ ၂၀၀၂ ခုနစ်မှာ 𝐖𝐇𝐎 နဲ့ 𝐅𝐀𝐎 ကနေပြီးတော့မှ ပရိုဘိုင်အိုတစ်ဆိုတာ သက်ရှိအဏုဇီပိုးတွေပါဝင်သောဆေးဖြစ်ပြီး လုံလောက်တဲ့ ပမာဏ အထိ တိုက်ကျွေးမယ်ဆိုရင် ပဋိဇီဝဆေးတိုက်ကျွေးစရာမလိုပဲ မွေးမြူရေးတိရစ္ဆာန်တွေရဲ့ ကျန်းမာရေးကို ကောင်းမွန်စေကြောင်း အကြံပြုထားတာတွေရှိပါတယ်။ ဒါကြောင့် မွေးမြူရေးလုပ်ငန်းတွေမှာ အဆိုပါ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) ကို ပဋိဇီဝဆေးဝါးများအစား၊ အစားထိုးအသုံးပြုခြင်းက အန္တရာယ်ရှိအဏုဇီဝပိုးမွှားတွေရဲ့ ဆေးယဉ်ပါးမှု (𝐀𝐌𝐑) ဖြစ်ပွားနိုင်ချေ ရာခိုင်နှုန်းကိုလျော့ချနိုင်ပြီး မွေးမြူရေးတိရစ္ဆာန်တွေရဲ့ဇီဝကမ္မဖြစ်စဉ်များကို အနှောက်အယှက်ပြုခြင်းမှ ကာကွယ်နိုင်မှာဖြစ်ပါတယ်။ "စာရေးသားသူဒေါက်တာညွန့်ရွှေ (မွေးမြူ/ဆေးကု) " Myanmar Innovative Life Sciences Co., Ltd မှ ထုတ်လုပ်ဖြန့်ချိပြီး မြန်မာ 𝐅𝐃𝐀 ၏ ခွင့်ပြုချက်လိုင်စင်နဲ့အညီ ပြည်တွင်း၌ထုတ်လုပ်ကာ မြန်မာနိုင်ငံမွေးမြူရေးလုပ်ငန်းရှင်များကို အဆင်သင့်ကူညီပေးမယ့် အရည်အသွေးမြင့် အစာလမ်းကြောင်းအားဖြည့်ဆေး PROBIO က အသင့်ရှိနေပါတယ်။ အခုပဲဒီလင့်မှာ ပြည့်စုံစွာဖောင်ဖြည့်ပြီးဆက်သွယ်လိုက်ပါ- https://tinyurl.com/MILS-PROBIO 𝐏𝐑𝐎𝐁𝐈𝐎 မှ မွေးမြူရေးဆိုင်ရာကျွမ်းကျင်ဝန်ထမ်းတွေကနေ တိုက်ရိုက်ဆက်သွယ်ပြီး အကူအညီပေးမှာဖြစ်ပါတယ်။ 𝐏𝐑𝐎𝐁𝐈𝐎 ဖြန့်ချိရေးနှင့်ကိုယ်စားလှယ်ယူလိုသူများ တိုက်ရိုက်ဆက်သွယ်ရန်ရုံးချုပ်လိပ်စာ- အမှတ် (၁၆၅)၊ အောင်ဇေယျလမ်းသွယ် (၁) ၊ သီရိမင်္ဂလာလမ်း၊ အင်းစိန်မြို့နယ်၊ ရန်ကုန်မြို့။ Hotline: 09 263 709 553, 09 267 287 608, Email: [email protected] #MILS #PROBIO
Read more မွေးမြူရေး အကူအညီရယူရန် နှိပ်ပါ

ဆွေးနွေးချက်များ

ဆွေးနွေးရန်