ကာဘွန် နေရာမှန်အထိုင်ချခြင်း

   မှန်လုံအိမ်ဓာတ်ငွေ့များတွင် ထုထည်အားဖြင့် အများဆုံးဖြစ်သော ကာဘွန် ( ကာဘွန်ဒိုင်အောက်ဆိုက်) များမှာ နေရာမှားနေသည်ဟု ပညာရှင်များက တင်စားကြသည်။ မူလက ကာဘွန်အများစုသည် ရေနံ၊ ကျောက်မီးသွေးကဲ့သို့ မြေသားအနက်နေရာတွင် ရှိခဲ့ကြသည်။ သစ်တောကြီးများအတွင်း သစ်သားများတွင်ရှိနေသော ကာဘွန်များမှာလည်း နေရာမှန်တွင် ရှိနေခြင်းကြောင့် ရာသီဥတုပြောင်းလဲခြင်းအပေါ် ထိခိုက်မှုမရှိပါ။ ထိုရေနံများ၊ ကျောက်မီးသွေးများနှင့် သစ်တောများကို ဖျက်ဆီးပစ်ခြင်းက လေထုအတွင်းသို့ ကာဘွန်များ ရောက်ရှိပြီး အဆုံးတွင် အာကာသထဲမှနေ၍ ကမ္ဘာကြီးကို ပူနွေးစေသည်။

   အလွယ်ကူဆုံးဥပမာဖြင့် တင်ပြရလျှင် ခြေနင်းနေရာတွင်ရှိရမည့် ဖိနပ်က ဦးထုပ်နေရာတွင် ရောက်ရှိနေသကဲ့သို့ ဖြစ်သည်။ ထို့ကြောင့် ပညာရှင်များက ကာဘွန်များကို မူလနေရာမှန် မြေထဲသို့ပြန်ပို့ရန် သုံးသပ်လာကြသည်။ ကာဘွန်များ မူလနေရာမှန်ဖြစ်သော မြေတွင်းသို့ ပြန်၍ အထိုင်ချခြင်းကို ကာဘွန်နေရာမှန် အထိုင်ချခြင်း Carbon Sesquistartion ဟု ခေါ်သည်။ 

   လက်တွေ့အနေဖြင့် အဓိကပြုလုပ်ပုံမှာ ကာဘွန်ပစ္စည်း၊ အော်ဂဲနစ်ပစ္စည်းများကို မြေထဲသို့ ပမာဏများများ ပို့ဆောင်ထားခြင်းဖြစ်သည်။ ထိုသို့ ပို့ဆောင်ထားသော အော်ဂဲနစ်ပစ္စည်းများတွင်လည်း  အချိန်ကာလအားဖြင့် တာရှည်ခံသော ပစ္စည်းများရှိသကဲ့သို့ တာရှည်မခံသော ပစ္စည်းများလည်း ရှိနေပါသည်။ ဥပမာ- ဆဲလ်လျူးလို့စ် Celluloss ကဲ့သို့ တာရှည်မခံသော သစ်စိမ်းဓာတ်မြေသြဇာ Green Manure ကို အသုံးပြုပါက လျင်မြန်စွာ ဆွေးမြေ့ပြီးယင်းမှ နိုက်ထရပ်စ်အောက်ဆိုက်များ ပိုမိုလျင်မြန်စွာ များပြားစွာ ထွက်လာမည်ဖြစ်သည်။ အကယ်၍ ဆွေးမြေ့ရန် ခက်ခဲသော ကာဘွန်ပစ္စည်းဖြစ်သည့် လစ်နင် Lignin ပါ၀င်သော သစ်မာလွှစာမှုန့်မျိုးကိုသုံးပါက မြေဆီလွှာအတွင်း အချိန်ကြာမြင့်စွာ ကာဘွန်များ ရှိနေနိုင်မည်ဖြစ်သည်။

ဦးဖရက်သိန်းဖေ

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်