ဆားခါးကို အပင်အတွက်ဘယ်လိုအသုံးချကြမလဲ?

17/09/2020 17:30 PM တွင် နန္ဒာအိလှိုင် နန္ဒာအိလှိုင် မှ ရေးသား

     အပင်ပြုစုစိုက်ပျိုးရာမှာ ဆားခါးကိုအသုံးပြုခြင်းက အထူးအဆန်းတော့မဟုတ်ပါဘူး။ ကျွန်ုပ်တို့ မိရိုးဖလာမှာ ဆားခါးကို ကျန်းမာရေးအတွက် ဆေးဖော်စပ်ရာမှာလည်းကောင်း၊ ဥယျာဉ်စိုက်ပျိုးရာမှာ အပင်အာဟာရအဖြစ်လည်းကောင်း အသုံးဝင်ကြောင်း ကျွန်ုပ်တို့ နားယဉ်ပြီးသားဖြစ်မှာပါ။ ကဲ ဆားခါးက အပင်အတွက် တကယ်ရောအသုံးဝင်ရဲ့လား ဆိုတာ ဆက်ကြည့်လိုက်ရအောင်!!!!!!

ဆားခါးက အပင်အတွက် ကောင်းရဲ့လား?

     ဟုတ်ကဲ့။ ကောင်းပါတယ်လို့ပြောဖို့အတွက်ကို အကြောင်းပြချက် ခိုင်ခိုင်လုံလုံရှိပါတယ်။ ဆားခါး မှာ ရေဓာတ်ပြည့်ဝပြီး မက်ဂနီဆီယမ်၊ ဆာလ်ဖာ(ကန့်)ဓာတ်တွေပါဝင်တာကြောင့် အပင်ကိုသန်စွမ်းစေ ပါတယ်။ ပန်းပွင့်နှုန်းအားကောင်းစေပြီး အပင်ရဲ့အစိမ်းရောင် ရောင်ခြယ်ဖြစ်ပေါ်မှုကိုလည်း အားပေးရုံ သာမက အပင်အုံလည်းထူလာစေပါတယ်။

ဘာကြာင့်ဆားခါးကို အပင်တွေမှာ အသုံးပြုကြတာလဲ?

     ဆားခါးမှာပါဝင်တဲ့ မက်ဂနီဆီယမ်ဓာတ်ဟာ အပင်အတွက်အရေးပါတဲ့ နှိုက်ထရိုဂျင်၊ ဖော့စဖောရပ်စ် ဓာတ်တွေလို အာဟာရများကို လွယ်ကူစွာရယူစေပါတယ်။ အပင်အစာချက်ဖို့အတွက် လိုအပ်တဲ့ ကလိုရိုဖီးလ်(စိမ်းရောင်ခြယ်ဓာတ်)ဖြစ်ပေါ်မှုကိုလည်းအားပေးပြီး  အပင်ရဲ့ပန်းပွင့် ပွင့်နိုင်စွမ်း နှင့် အသီးတင်နိုင်စွမ်းကိုလည်းအားပေးပါတယ်။ ဒါ့အပြင် စိုက်ပျိုးမြေမှာ မက်ဂနီဆီယမ်ဓာတ် ချို့ယွင်း ခဲ့ရင်လည်း ဆားခါးကိုအသုံးပြုပေးနိုင်ပါတယ်။ ဆားခါးက ဓာတုစိုက်ပျိုးရေးဆေးတွေလို အန္တရာယ်မများ တဲ့အတွက် ဆေးနှုန်းထားအနည်းအများကို ပူစရာမလိုပါဘူး။ မိမိကိုယ်တိုင် သင့်တော်သလို ချိန်ဆအသုံး ပြုနိုင်ပြီး စိတ်ချလက်ချအသုံးပြုနိုင်တယ်။ အဲ့ဒီအချက်တွေကြောင့်ပဲ အပင်တွေမှာ ဆားခါးကို အသုံးပြု ကြတာပေါ့။

ဆားခါးကို အာဟာရရည်အဖြစ် ဘယ်လိုပြုလုပ်သုံးစွဲကြမလဲ?

     ဆားခါးကို ရေနဲ့ဖျော်စပ်ပြီး အာဟာရရည်အဖြစ် ရိုးရိုးရှင်းရှင်းပြုလုပ်သုံးစွဲနိုင်ပါတယ်။ အပင်တွေကို ရေပေးတဲ့အချိန်တွေမှာ ဆားခါးကို တစ်လတစ်ကြိမ်သော်လည်းကောင်း နှစ်ကြိမ်သော် လည်းကောင်းထည့်ဖျန်းပေးနိုင်ပါတယ်။ ဆားခါးကိုဖျော်စပ်ရာမှာလည်းသီးနှံပေါ်မူတည်ပြီး ဖော်မြူလာ အမျိုးမျိုးအသုံးပြုကြပါတယ်။ မိမိအဆင်ပြေရာကိုရွေးချယ်အသုံးပြုနိုင်ပါတယ်။ ဆားခါးကို အသုံးပြုတော့ မည်ဆိုလျှင် မိမိရဲ့စိုက်ပျိုးမြေကို မက်ဂနီဆီယမ် ချို့ယွင်းမှုရှိမရှိ ဆန်းစစ်ကြည့်ရင် ပိုကောင်းတာပေါ့။ ပြီးတော့ သတိထားရမဲ့အချက်က ဆားခါးက သီးနှံတိုင်းအတွက်အသုံးမဝင်ပါဘူး။ ပဲအမျိုးမျိုး၊ အရွက်စား ဟင်းသီးဟင်းရွက်တွေက မက်ဂနီဆီယမ်ဓာတ် မရှိလည်း ကောင်းကောင်းကြီးထွားနေနိုင်တဲ့အတွက် ၎င်း သီးနှံတွေမှာ ဆားခါးကိုအသုံးပြုဖို့မလိုပါဘူး။ ဒါပေမဲ့ နှင်းဆီ။ ခရမ်းချဉ်သီး၊ နဲ့ ငရုတ်ကောင်းတို့လို သီးနှံ မျိုးမှာတော့ မက်ဂနီဆီယမ်ဓာတ်အမြောက်အမြားလိုအပ်တာကြောင့် အဲဒီအပင်တွေမှာဆိုရင်တော့ ဆားခါးအာဟာရရည်ကိုသုံးပါလိမ့်။။။။။။

     ဆားခါးကို ရေနဲ့ဖျော်လိုက်တဲ့အခါမှာ (အထူးသဖြင့် အရွက်ဖျန်းဆေးအဖြစ်အသုံးပြုတဲ့အခါ) အပင်က အလွယ်တကူအာဟာရဓာတ်ကို ပိုရရှိစေပါတယ်။ ယေဘုယျအားဖြင့် အပင်အများစုအတွက် အသုံးပြုနိုင်တဲ့အချိုးအစားကတော့ ရေ(၁)ဂါလံမှာ ထမင်းစားဇွန်း(၂)ဇွန်းစာ ရောစပ်ပြီး တစ်လတစ်ကြိမ် အသုံးပြုနိုင်ပါတယ်။ မကြာခဏ အသုံးပြုလိုလျှင်(ဥပမာ-တစ်ပတ်လျှင်တစ်ကြိမ်) ရေ(၁)ဂါလံမှာ ထမင်းစားဇွန်း (၁)ဇွန်းသာလျှင်ဖျော်စပ်ပါ။ 

     နှင်းဆီပန်းမှာအသုံးပြုတဲ့အခါ ရေ(၁)ဂါလံမှာ လက်ဖက်စားဇွန်း(၁)ဇွန်းစာရောစပ်ပြီး နှင်းဆီပန်းရဲ့ ဆူးကိုင်း(၁)ပေမြင့်တိုင်း အသုံးပြုပေးနိုင်ပါတယ်။ နှင်းဆီပန်းအရွက်တွေထွက်တဲ့ နွေဦးအခါမှာလည်း အသုံးပြုပေးနိုင်သလို ပန်းပွင့်ပြီးနောက်ပိုင်းလည်း အသုံးပြုပေးနိုင်ပါတယ်။ 

     ခရမ်းချဉ်နဲ့ ငရုတ်ကောင်းပင်တွေမှာ သုံးမယ်ဆိုရင်တော့ ရေ(၁)ဂါလံမှာ လက်ဖက်ရည်ဇွန်း(၁)ဇွန်း ရောစပ်၍သော်လည်းကောင်း၊ ရေနဲ့မရောစပ်ဘဲ အမှုန့်အနေဖြင့်သော်လည်းကောင်း ပျိုးပင်ရွှေ့စိုက်ချိန်၊ ပထမဦးဆုံးပန်းပွင့်ချိန်၊ နဲ့ အသီးတင်ချိန်တွေမှာ အသုံးပြုပေးနိုင်ပါတယ်။

      ကဲ စာဖတ်သူတို့ရေ အခုဆိုရင် မိရိုးဖလာအရ ဆေးမှီးတိုအဖြစ်သိကြတဲ့ ဆားခါးဟာ အပင်အတွက်လည်း အကျိုးရှိပြီး အသုံးဝင်တယ်ဆိုတာ သိကြရောပေါ့။ အကယ်၍ မယုံခဲ့ရင်တောင် ဓာတုဆေးမဟုတ်တဲ့အတွက် စိတ်ချစွာလက်တွေ့အသုံးပြုကြည့်ပါ။ အကျိုးထူးတာကို တွေရပါလိမ့်မယ်။ ဆားခါးကို အပင်အတွက်အာဟာရအဖြစ်အသုံးပြုနိုင်လို့ တောင်သူတွေကြုံတွေ့ရတတ်တဲ့ စိုက်ပျိုးရေးဆေး ကုန်ကျစရိတ်ပြူနာကို တစ်ဖက်တစ်လမ်းကနေပြီး အနည်းငယ်ဖြေရှင်းပေးနိုင်တာပေါ့။

လက်တွေ့အသုံးချကြည့်ကြဖို့ တိုက်တွန်းရင်း ဆောင်းပါးကို ဒီမှာပဲ အဆုံးသတ်ပါရစေ။

နန္ဒာအိလှိုင်

https://www.gardeningknowhow.com/garden-how-to/soil-fertilizers/epsom-salt-gardening.htm

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်