ထောပတ်သီးဆီ အသုံးပြုခြင်းရဲ့ ကောင်းကျိုး (၈) ချက်

ထောပတ်သီးကို ကြိုက်ကြလားရှင့်။

အရသာက တခြားသီးတွေနဲ့တောင်မတူဘဲ တမူထူးခြားကောင်းမွန်ကောင်းမွန်နေတဲ့ ထောပတ်သီးက ခန္ဓာကိုယ်အတွက် လိုအပ်တဲ့ အဆီဓာတ်တွေကြွယ်ဝစွာ ပါဝင်ပါတယ်။ ဒီလိုအာဟာရဓာတ်တွေများစွာ ပါဝင်တဲ့ ထောပတ်သီးကို ဆီကြိတ်လို့လည်းရပါတယ်။

မြန်မာနိုင်ငံမှာတော့ ထောပတ်သီးဆီကြိတ်တာကို Shan Orchard Myanmar ကုမ္ပဏီက ဟဲဟိုးမြို့မှာ လုပ်နေပြီး ဈေးကွက်ထဲကိုလည်း ထောပတ်သီးဆီ၊ ထောပတ်သီးနဲ့လုပ်တဲ့ အလှကုန်တွေကို ဖြန့်ဖြူး ပေးနေပြီဖြစ်တယ်လို့ သိရပါတယ်။

ထောပတ်သီးဆီရဲ့အရသာကတော့ သံလွင်ဆီလိုပါပဲတဲ့။ ခန္ဓာကိုယ်အတွက် အကျိုးရှိတဲ့ အာဟာရ ဓာတ်တွေနဲ့ အန်တီအောင့်စီဒန့်ဓာတ်တွေလည်း ပါဝင်နေပါတယ်လို့ သက်သေပြထားတဲ့ အချက် (၈) ချက်လည်းရှိပါတယ်။ အဲ့ဒါတွေကတော့

(၁) အိုလီအစ် အက်ဆစ်ကြွယ်ဝစွာပါရှိခြင်း (အလွန်ကျန်းမာစေတဲ့အဆီ)

ထောပတ်သီးဆီဆိုတာ ထောပတ်သီးအသားကနေ သဘာဝအတိုင်း ဖိကျိတ်ချေပြီး ထုတ်ယူရရှိလာတဲ့ အဆီပဲ ဖြစ်ပါတယ်။ ထောပတ်သီးဆီရဲ့ ၇၀ ရာခိုင်နှုန်းမှာ နှလုံးကျန်းမာရေးအတွက် အထောက်အပံ့ပေးတဲ့ အိုလီအစ်အက်ဆစ်နဲ့ မပြည့်ဝဆီ တစ်မျိုးဖြစ်တဲ့ အိုမီဂါ ၉ ဖက်တီးအက်ဆစ်တွေ ပါဝင်ပါတယ်။

ဖက်တီးအက်ဆစ်က သံလွင်ဆီထဲမှာဆိုရင်လည်း အဓိကပါဝင်တဲ့ပစ္စည်းဖြစ်ပြီး ကျန်းမာရေး ကောင်းဖို့အတွက် အဓိက လုပ်ဆောင်ပေးတဲ့ဓာတ်လည်း ဖြစ်ပါတယ်။ ထောပတ်သီးဆီမှာ ၁၂ ရာခိုင်နှုန်းက ပြည့်ဝဆီဖြစ်ပြီး ၁၃ ရာခိုင်နှုန်းက မပြည့်ဝဆီအဖြစ် ပါဝင်နေတာပါတဲ့။

ထောပတ်သီးဆီမှာ အိုမီဂါ - 6 နဲ့ အိုမီဂါ - 3 အချိုးပါဝင်မှုက 13:1 ဖြစ်ပါတယ်။ ကျွန်မတို့ ကျန်းမာရေးကောင်းဖို့အတွက် လိုအပ်တဲ့ အချိုးကတော့ ၃ : ၁ သို့မဟုတ် ၂ : ၁ ပါ။ ဒါပေမဲ့ ဒီအပေါ် အရမ်းကြီး စိုးရိမ်ပူပန်တာမျိုးတော့ မဖြစ်လိုက်ပါနဲ့။ ဘာလို့လဲဆိုတော့ အိုမီဂါ-6 က အချိုးအားဖြင့် များတယ်ဆိုတော့ စုစုပေါင်းပါဝင်မှုအားဖြင့်တော့ နည်းနည်းလေးပဲ ဖြစ်လို့ပါရှင့်။

မပြည့်ဝဆီကြွယ်ဝစွာပါဝင်မှုဟာ ကျန်းမာရေးအတွက် အများကြီးအကျိုးပြုတယ်လို့ သုတေသန တွေက ဆိုထားပါတယ်။ ဒါဟာ နှလုံးရောဂါနဲ့ မေ့လျောတတ်တဲ့ ရောဂါတွေလိုမျိုး နာတာရှည်ရောဂါ တွေကို သက်သာစေနိုင်လို့ပါတဲ့။

(၂) ကိုလက်စထရောကို လျှော့ချပေးပြီး နှလုံးကျန်းမာရေးကို ကောင်းမွန်စေခြင်း

အထက်မှာဆိုခဲ့သလိုပဲ ထောပတ်သီးဆီမှာ မပြည့်ဝဆီတွေ အများကြီးပါဝင်နေလို့ နှလုံးကျန်းမာရေးကို ပိုကောင်းမွန်စေလာနိုင်ပါတယ်။

ပြည့်ဝဆီ ၂၅ ဂရမ် သုံးထားတဲ့ အသားဟင်းနဲ့ မပြည့်ဝဆီ ( ထောပတ်သီးဆီ) ကို သုံးထားတဲ့ အသားဟင်း စားထားတဲ့သူတွေကို အစာစားပြီး မိနစ် ၂၄၀ အကြာ (၄ နာရီ) မှာ သူတို့ရဲ့ သွေးတွေကို စစ်ကြည့် လိုက်တဲ့အခါ သွေးတွင်းအဆီ၊ ကိုလက်စထရော၊ ဆိုင်တိုခိုင် ရောင်ရမ်းမှုနဲ့ သွေးတွင်းသကြား ဓာတ်တွေမှာ ထောပတ်သီးဆီစားထားတဲ့ သူတွေက ပိုနည်းနေတာကို တွေ့ရတယ်လို့ ဆိုပါတယ်။

(၃) လူတင်ပါဝင်မှုမြင့်မားခြင်း (မျက်လုံးကျန်းမာရေးအတွက် ကောင်းမွန်သော အန်တီအောင့်ဆီဒန့်)

ထောပတ်သီးနဲ့ သူ့ရဲ့အဆီမှာ မျက်လုံးအတွက်လိုအပ်တဲ့ လူတင်၊ ကာရိုတီနွိုက်နဲ့ အန်တီအောက်ဆီဒန့် တွေ ပါဝင်ပါတယ်။ သုတေသနတွေကတော့ လူတင်နဲ့ အခြားကာရိုတီနွိုက်တစ်မျိုးဖြစ်တဲ့ ဇီယာ ဇန်သင်တွေက မျက်လုံးကျန်းမာရေးအတွက် မရှိမဖြစ်ဖြစ်ပြီး မျက်စိအတွင်းတိမ်နဲ့ အသက်အရွယ် ကြောင့် မျက်စိအားနည်းလာတာတွေကို သက်သာအောင် ထောက်ပံ့ပေးနိုင်တယ်လို့ ဆိုပါတယ်။

ခန္ဓာကိုယ်က လူတင်ဓာတ်ကို မထုတ်လုပ်နိုင်ပေမယ့် စားလိုက်တဲ့ အစားအစာကနေတော့ ရရှိနိုင် ပါတယ်။ ကံကောင်းတာတစ်ခုကတော့ ကျွန်မတို့တွေ အနီးအနားမှာအလွယ်ရနိုင်တဲ့ ထောပတ်သီးနဲ့ ထောပတ်သီးဆီမှာ မျက်လုံးကျန်းမာရေးကို ထောက်ပံ့ပေးနိုင်တဲ့ ဓာတ်တွေပါဝင်နေတာပါပဲ။

(၄) အရေးကြီးတဲ့ အာဟာရဓာတ်တွေကို စုပ်ယူမှုတိုးတက်စေခြင်း

အချို့သော အာဟာရဓာတ်တွေကို ခန္ဓာကိုယ်ကစုပ်ယူနိုင်ဖို့ဆိုရင် အဆီနဲ့ ပေါင်းစပ်ပေးဖို့ လိုအပ်ပါ တယ်။ ဥပမာ အဆီမှာပျော်ဝင်တဲ့ ဗီတာမင်တွေဖြစ်တဲ့ ဗီတာမင် အေ၊ ဒီ၊ အီး၊ ကေ လိုမျိုးတွေပါ။

အထူးသဖြင့် ကာရိုတီနွိုက်တွေဖြစ်တဲ့ ဘီတာကာရိုတင်း၊ လိုင်ကိုပင်း၊ လူတင် နဲ့ ဇီယာဇန်သင် တွေကို အဆီမပါဘဲ စုပ်ယူနိုင်ဖို့ အားနည်းပါတယ်။ ကံဆိုးချင်တော့ ကာရိုတီနွိုက်တွေအများကြီးပါဝင်တဲ့ (ဖရဲသီး၊ ခရမ်းချဉ်သီး) လို အသီးတွေမှာကျတော့ အဆီပါဝင်မှုက နည်းနေပြန်ကော။ ဆိုတော့ ထောပတ်သီးဆီကို စားပေးလိုက်မယ်ဆိုရင်တော့ ဒီအာဟာရတွေကို စုပ်ယူသွားနိုင်စေမှာပါ။

သုတေသနတစ်ချို့ကတော့ မုန်လာဥနီ၊ ဆလတ်ရွက်တွေကို သုပ်စားမယ်ဆိုရင် ထောပတ်သီးဆီလေး ထည့်ပေးလိုက်ခြင်းက ကာရိုတီနွိုက် အန်တီအောင့်စီဒန့်စုပ်ယူမှုကို ၄.၃ ဆကနေ ၁၇.၄ ဆထိ တိုးစေနိုင်တယ်လို့ ဆိုကြပါတယ်။

(၅) အဆစ်အမြစ်ရောင်ရမ်းခြင်းကို လျော့ကျစေနိုင်ခြင်း

ကမ္ဘာပေါ်မှာရှိတဲ့ လူသန်းပေါင်းများစွာက အဆစ်အမြစ် ရောင်ရမ်းခြင်း ရောဂါကိုခံစားနေရတာ ဖြစ်ပါတယ်။ လေ့လာမှုများစွာကတော့ ထောပတ်သီးနဲ့ ပဲပုပ်တို့ကနေ ထုတ်ယူထားတဲ့ ဆီကို စားပေး မယ်ဆိုရင် တင်ပဆုံနဲ့ ဒူးဆစ်တွေ ရောင်ရမ်းနာကျင်တာကို လျော့ကျစေနိုင်တယ်လို့ ဆိုထားပါတယ်။

(၆) အသားအရေပိုလှလာခြင်းနဲ့ အနာကျက်လာစေခြင်း

ထောပတ်သီးဆီမှာက ဖက်တီးအက်ဆစ်နဲ့ အာဟာရဓာတ်တွေက အသားရေက ပိုလှလာစေပါတယ်။ ဘာလို့ဆိုတော့ ထောပတ်သီးမှာက အမြှေးပါးကျန်းမာရေးနဲ့ ချိတ်ဆက်နေတဲ့ ဗီတာမင်အေနဲ့ အီးတွေကြွယ်ဝစွာပါဝင်နေလို့ပါ။

အရေပြားရောဂါရှိတဲ့ လူ ၂၄ ယောက်ကို ထောပတ်သီးဆီ ၂၀% နဲ့ ဗီတာမင် ဘီ၁၂ နဲ့ ရောလိမ်းပေးပြီး ၁၂ ပတ်ကြာအောင်လေ့လာကြည့်တဲ့အခါ သက်သာကောင်းမွန်လာတာကို တွေ့ရပါတယ်။ တခြား အရေပြား ရောဂါရှိတဲ့လူနဲ့ တိရစ္ဆာန်တွေကို စမ်းကြည့်တဲ့အခါမှာလည်း သက်သာကောင်းမွန်ပြီး အနာဖေးတွေပါ တက်လာတာ တွေ့ရပါတယ်။

ဒါပေမဲ့ ထောပတ်သီးဆီကို အနာကို တိုက်ရိုက်သုတ်ပေးတာမျိုးကတော့ မကောင်းပါဘူးတဲ့။ အဲ့ဒီအစား နာမည်ရှိတဲ့ ကုမ္ပဏီတွေက ထုတ်လုပ်ထားတဲ့ ထောပတ်သီးဆီပါဝင်တဲ့ တခြားထုတ်ကုန်တွေကို သုံးပေး ရမှာပါ။

(၇) အန်တီအောင့်စီဒန့်ကြွယ်ဝစွာပါဝင်ခြင်း

အန်တီအောက်ဆီဒန့်တွေ ကြွယ်ဝစွာပါဝင်ခြင်းက ဆဲလ်တွေကို ပျက်စီးစေတဲ့ မတည်ငြိမ်တဲ့ဒြပ်ပေါင်း တွေဖြစ်တဲ့ ဖရီးရယ်ဒီကယ်တွေကို တိုက်ထုတ်ပေးနိုင်ပါတယ်။

ဖရီးရယ်ဒီကယ်တွေကြောင့် ညီညွတ်မျှတမှုတွေမရှိတော့ရင် နှလုံးရောဂါ၊ ဆီးချိုနဲ့ ကင်ဆာရောဂါ တွေကို ဖြစ်စေမှုတွေကို ဦးတည်သွားစေနိုင်ပြီး အန်တီအောက်ဆီးဒင့်တွေက အဲ့ဒီဖရီးရယ်ဒီကယ်တွေ ထဲကို အီလက်ထရွန်ထည့်ပေးခြင်းဖြင့် ဓာတ်ပြယ်သွားစေနိုင်တာပါ။

ကံကောင်းချင်တော့ ထောပတ်သီးဆီမှာ ကာရိုတီနွိုက်၊ တိုကိုဖီရိုနဲ့ အပင်တွေကပဲရရှိတဲ့ ကိုလက်စထရောတွေ အများကြီးပါဝင်နေတာပါပဲ။

(၈) အသုံးပြုရလွယ်ကူခြင်း

ဒီလိုမျိုး စွယ်စုံအသုံးဝင်တဲ့ ထောပတ်သီးဆီရဲ့ ကောင်းကျိုးတစ်မျိုးက အစာတွေထဲမှာလည်း ထည့်စားဖို့လွယ်ကူတာပါပဲ။

ဘယ်နေရာတွေမှာ ထည့်သုံးလို့ရလဲဆိုတော့..

Smoothie (ဖျော်ရည်) လုပ်ရာတွင် လက်ဖက်ရည်စားဇွန်း ၁ ဇွန်း ထည့်နိုင်ခြင်း
အသီးရွက်သုပ် သုပ်စားရာတွင် အပေါ်ကနေ ဆမ်းနိုင်ခြင်း
အသားတွေကင်ရန်အတွက် မချက်မီနယ်ထားနိုင်ခြင်း
မုန့်ဖုတ်ရာတွင် အသုံးပြုနိုင်ခြင်း
အိမ်လုပ် မရော့နိစ် လုပ်ရာတွင် အသုံးပြုနိုင်ခြင်း စတာတွေပဲဖြစ်ပါတယ်။

ref: https://www.healthline.com/nutrition/9-avocado-oil-benefits?fbclid=IwAR33j-Id6Q52gB6OJrfQnFYObMKTf6qdGygebTG7bigBrSGAwpRSVPVh90w#TOC_TITLE_HDR_5

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...