သီးနှံများ စိုက်ပျိုးရေးဆိုင်ရာ ကြေငြာချက်

၁။ မြန်မာနိုင်ငံတွင် ပဲမျိုးစုံ (၁၈) မျိုးအား နှစ်စဉ်စိုက်ဧက စုစုပေါင်း (၁၁.၄၅) သန်းခန့် စိုက်ပျိုးလျက်ရှိရာ ပဲတီစိမ်း ၂၆ ရာခိုင်နှုန်း၊ မက်ပဲ ၂၅ ရာခိုင်နှုန်း၊ ပဲစဉ်းငုံ ၁၅ ရာခိုင်နှုန်း၊ ကုလားပဲ ၈ ရာခိုင်နှုန်း စိုက်ပျိုး ထုတ်လုပ်လျက် ရှိပါ သည်။ ပဲမျိုးစုံ စုစုပေါင်းစိုက်ဧက၏ ၆၆ ရာခိုင်နှုန်း မှာ မက်ပဲ၊ ပဲတီစိမ်း၊ ပဲစဉ်းငုံသီးနှံများ စိုက်ပျိုးလျက်ရှိပြီး၊ ဒေသ ရေမြေ ကိုက်ညီမှုပေါ် မူတည်၍ ပဲစဉ်းငုံသီးနှံအား စစ်ကိုင်း၊ မန္တလေး၊ မကွေး၊ ရှမ်းပြည်နယ်တို့တွင် မိုးရာသီ၌ လည်းကောင်း ပဲတီစိမ်းသီးနှံအား မကွေး၊ စစ်ကိုင်း၊ ပဲခူး၊ ရန်ကုန်၊ မန္တလေး၊ ဧရာဝတီတိုင်းဒေသကြီး တို့တွင် မိုးကြို (သို့မဟုတ်) ဆောင်းသီးနှံအဖြစ်လည်းကောင်း၊ မက်ပဲသီးနှံအား ပဲခူး၊ ဧရာဝတီ၊ စစ်ကိုင်း၊ နေပြည်တော်တို့တွင် မိုး/ဆောင်းသီးနှံအဖြစ် လည်းကောင်း အဓိကထားစိုက်ပျိုးပြီး ပြည်နယ်/တိုင်းဒေသကြီး အနှံ့အပြားတွင် စိုက်ပျိုးနိုင် သည့် သီးနှံများဖြစ်ပါသည်။

၂။ မြန်မာနိုင်ငံ၏ ပဲမျိုးစုံသီးနှံ အများဆုံး ဝယ်ယူလျက်ရှိသည့် အိန္ဒိယ သမ္မတနိုင်ငံ စီးပွားရေးနှင့် ကူးသန်းရောင်းဝယ် ရေး ဝန်ကြီးဌာနသည် ၂၀၁၇ ခုနှစ်၊ သြဂုတ်လအတွင်း ပဲစဉ်းငုံ၊ မက်ပဲ၊ ပဲတီစိမ်း သီးနှံများအား ကန့်သတ်ကုန်စည် အမျိုးအစားအဖြစ် သတ်မှတ်ကာ၊ ပဲတင်သွင်းမှု မူဝါဒ ပြောင်းလဲလိုက်ကြောင်း သိရှိရပါသည်။

၃။ မြန်မာနိုင်ငံအတွင်း ရေမြေဒေသရာသီဥတုနှင့် ကိုက်ညီပြီး၊ ပြည်တွင်း စျေးကွက် သာမက ပြည်ပ စျေးကွက်ရှိသည့် ဆောင်းသီးနှံများ အနေဖြင့် ကုလားပဲ၊ ပဲလွမ်း၊ ပဲပုပ်၊ ပဲတီစိမ်း၊ မြေထောက်ပဲ၊ ပဲနီလေး၊ တရုတ်ပဲဝါလေး၊ စားတော်ပဲ၊ နှမ်း၊ မြေပဲနှင့် နေကြာတို့ဖြစ်ကြောင်း တွေ့ရှိရပါသည်။ ထို့ပြင် မြန်မာနိုင်ငံသည် နှစ်စဉ်ဆန်တင်ပို့လျက်ရှိရာ ယခုနှစ် ဆန်တန်ချိန် (၂) သန်း တင်ပို့ရန် ဆောင်ရွက်လျက်ရှိကြောင်း မြန်မာနိုင်ငံဆန်စပါး လုပ်ငန်းရှင်များအသင်းမှလည်း သိရှိရပါသည်။ စပါးသီးနှံအနေဖြင့် ရေရရှိသော ဒေသများတွင် နွေစပါး သီးနှံအနေဖြင့်လည်း စိုက်ပျိုးနိုင်သော သီးနှံ ဖြစ်ပါသည်။

၄။ တောင်သူလယ်သမားများအနေဖြင့် သီးနှံများစိုက်ပျိုးရာတွင် စိုက်ပျိုးမည့်သီးနှံများအား ဓာတုဆေးဓာတ်ကြွင်း မပါဝင်စေဘဲ၊ အစားအစာ လုံခြုံစိတ်ချရမှုရှိမှသာ နိုင်ငံတကာ စျေးကွက်ဝင်သီးနှံများအဖြစ် စိုက်ပျိုး ထုတ်လုပ်ရောင်း ဝယ်နိုင်မည် ဖြစ်သဖြင့် စိုက်ပျိုးရေး ဆိုင်ရာ အလေ့အကျင့်ကောင်း (Good Agriculture Practices, GAP ) စနစ် အသုံးပြုစိုက်ပျိုးရန် လိုအပ်မည်ဖြစ်ပါသည်။ သို့ပါ၍ မျိုးနှင့် နည်းပညာ အကူအညီများရယူလိုပါက နီးစပ်ရာ စိုက်ပျိုး ရေး ဦးစီးဌာန၊ ဦးစီးမှူးရုံးများ၊ ခြံ၊ စိုက်ကွင်းများတွင် လေ့လာဆွေးနွေး၊ အကူအညီရယူနိုင်ပါကြောင်း အသိပေး ကြေငြာအပ်ပါသည်။

စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...