ကန္တာရကျိုင်းကောင်(နှံကောင်) (Desert Locust) အန္တရာယ်နှိုးဆော်ချက်

01/07/2020 15:15 PM တွင် အစိမ်းရောင်လမ်း အစိမ်းရောင်လမ်း မှ ရေးသား ပြီး စိုက်ပျိုးရေးဉီးစီးဌာန စိုက်ပျိုးရေးဉီးစီးဌာန မှ ပေးပို့ထားပါသည်။

ကန္တာရကျိုင်းကောင်(နှံကောင်) (Desery Locust) မှာ သိပ္ပံအခေါ် Schistocerca gregaria ဖြစ်ပြီး နှံကောင်မျိုးနွယ်ဝင်ဖြစ်ပါသည်။ ၎င်းတို့သည် သဲကန္တာရဆန်သောမြေများတွင် အုချလေ့ရှိပြီး လိုအပ်သောအစိုဓာတ်ရရှိသည်နှင့် နှံကောင်ငယ်များ ပေါက်ပွားလာပေသည်။ အတောင်ပေါက်၍ ပျံနိုင်သည့်အဆင့်သို့ရောက်ရှိလာသည့် နှံကောင်အုပ်စုငယ်များ အုပ်စုတစ်စုနှင့်တစ်စု စုပေါင်းမိကြသည့်အခါ ရှည်လျားသည့်နှံကောင်အုပ်စုကြီးများအဖြစ် မိုင်ထောင်ပေါင်းများစွာ ပျံသန်းသွားနိုင်၍ သွားရာလမ်းတစ်လျှောက် စိမ်းစိမ်းမြင်သမျှ အကုန်စားသောက်ဖျက်ဆီးတတ်ပါသည်။

ကန္တာရကျိုင်းကောင်(နှံကောင်)များ၏ ပေါက်ပွားရာဒေသမှာ အာဖရိကတိုက်အလယ်ပိုင်းမှတစ်ဆင့် ပါကစ္စတန်၊ အိန္ဒိယတို့ရှိ ကန္တာရလွင်ပြင်များသို့ ရောက်ရှိလာပြီး လေကြောင်းလမ်းအတိုင်း နီးစပ်ရာနိုင်ငံပေါင်းများစွာသို့ ချင်းနင်းဝင်ရောက်တိုက်ခိုက်တတ်ပါသည်။

စားသောက်ဖျက်ဆီးပုံသဘာဝ

နှံကောင်ကြီးများ၏သက်တမ်းမှာ (၃ မှ ၅) လရှိပြီး နှံကောင်အုပ်စုများသည် လေစုန်တနေ့လျှင် (၅၀မှ ၁၀၀) ကီလိုမီတာအထိ ပျံသန်းနိုင်ကြပြီး သီးနှံမျိုးစုံ အကုန်စားသောက်ဖျက်ဆီးတတ်ပါသည်။

မြန်မာနိုင်ငံသို့ ကျူးကျော်လာနိုင်သည့်အန္တရာယ်

မြန်မာနိုင်ငံတွင် နှံကောင်အုပ်စုများ ကျရောက်ဖျက်ဆီးမှုသာဓကမရှိသေးသော်လည်း အနောက်ဘက်အိမ်နီးချင်းနိုင်ငံများဖြစ်သည့် အိန္ဒိယနှင့် ပါကစ္စတန်တို့တွင် ကျရောက်ဖျက်ဆီးခဲ့သည့် အထောက်အကူများရှိနေပြီးဖြစ်ပါသဖြင့် လက်တကမ်းအကွာအဝေး၌ရှိနေသော အန္တရာယ်ကို အစဉ်သတိရှိစွာဖြင့် စောင့်ကြည့်သွားရန်လိုအပ်ပါသည်။ (၁၉၈၂)ခုနှစ်တွင်လည်း အလားတူနှိုးဆော်ချက် ထုတ်ခဲ့ဖူးပါသည်။

သတိထားစောင့်ကြည့်ရမည့်ဒေသများ

ကန္တာရကျိုင်းကောင်( နှံကောင်)များ ဖြတ်သန်းဝင်ရောက်လာနိုင်မည့် အန္တရာယ်ကို မြန်မာနိုင်ငံ အနောက်ဘက်ခြမ်းရှိ အောက်ပါဒေသများတွင် သတိထားစောင့်ကြည့်ရန် သတ်မှတ်ပါသည် 

(က) ရခိုင်ပြည်နယ် 

မောင်းတော 

ဘူးသီးတောင်

ရသေ့တောင်

စစ်တွေ

ကျောက်ဖြူ

(ခ) ချင်းပြည်နယ်

တွန်းဇံ

ထန်တလန်

ပလက်ဝ

(ဂ) စစ်ကိုင်းတိုင်း

လေရှီး

ဟုမ္မလင်း

တမူး

(ဃ) ကချင်ပြည်နယ်

ပူတာအို 

မချမ်းဘော

ဆက်သွယ်ရမည့် ဌာနများ

ကန္တာရကျိုင်းကောင်(နှံကောင်)များတွေ့လျှင် တွေ့ရှိခြင်း ထိရောက်သောနှိမ်နင်းမှုများ ဆောင်ရွက်နိုင်ရန် သက်ဆိုင်ရာစိုက်ပျိုးရေး ဦးစီးဌာနအဆင့်ဆင့်နှင့် ဆက်စပ်အဖွဲ့အစည်းများကို ချက်ခင်းအကြောင်းကြားရန်ဖြစ်ပါသည်။

*အစိမ်းရောင်လမ်းဆော့ဝဲ လူရုပ်ပုံထဲတွင် ဆက်သွယ်ရန်လိပ်စာများဟူ၍ပါရှိသည် ဖုန်းနံပါတ်များကို ရယူပါ။*

ကန္တာရကျိုင်းကောင် (နှံကောင်)၏ ရုပ်သွင်ပြင် လက္ခဏာ 

ကန္တာရကျိုင်းကောင် ( နှံကောင်)ကို စစ်ဆေးသိရှိနိုင်ရန် အတွက် ရုပ်သွင်ပြင်လက္ခဏာကို အောက်တွင် ရှင်းလင်းဖော်ပြထားပါသည် ။ အကောင်ကြီးများ၏ အရွယ်အစားမှာ အထီး ( ၄- ၅) စင်တီမီတာ ၊ အမ( ၅-၆) စင်တီမီတာ ရှည်လျားပြိး အဝါရင့်ရောင် ( သို့မဟုတ်) ပန်းရောင်ရှိပါသည် ။ အတောင်တွင် အညိုရင့်ရောင်အပြောက်များတွေ့ရှိရပါသည်။

ကန္တာရကျိုင်းကောင်(နှံကောင်) (Schistocerca gregaria)

(A) ကန္တာရ နှံကောင် အကောင်ငယ် နောက်ဆုံးအဆင့် ( Gregarious) အုပ်စုဖွဲ့နေခြင်း

(B) ကန္တာရ နှံကောင် အကောင်ကြီး (Gregarious ) အုပ်စုဖွဲ့နေခြင်း

(C) ကန္တာရ နှံကောင် အကောင်ငယ် နောက်ဆုံးအဆင့် (Solitarious) ထီးတည်းနေခြင်း

(D) ကန္တာရ နှံကောင် အကောင်ကြီး (Solitarious ) ထီးတည်းနေခြင်း

စိုက်ပျိုးရေးဦးစီးဌာန

သီးနှံကာကွယ်ရေးဌာနခွဲ (www.ppdmyanmar.org)

(ဆောင်းပါးများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)

 

 


မာလာမြိုင် ကုမ္ပဏီ ကြော်ငြာ
ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။
Read more Facebook page သို့သွားရန်

ဆွေးနွေးချက်များ

ဆွေးနွေးရန်