ဂျပန်နိုင်ငံမှ ကြယ်ပဲကိုဝယ်ယူရန်ကမ်းလှမ်း

19/09/2019 12:00 PM တွင် အစိမ်းရောင်လမ်း အစိမ်းရောင်လမ်း မှ ရေးသား ပြီး Greenovator Greenovator မှ ပေးပို့ထားပါသည်။

   ကြယ်ပဲကို ဂျပန်နိုင်ငံမှ ဝယ်ယူရန်ကမ်းလှမ်းမှုများရှိကြောင်း မြန်မာနိုင်ငံ ကြယ်ပဲအသင်းမှသိရပါတယ်။

   အခုနှစ်အတွင်း ဂျပန်နိုင်ငံမှ မြန်မာ့ကြယ်ပဲဝယ်ယူရန် ကမ်းလှမ်းမှုများရှိတယ်လို့ မြန်မာနိုင် ငံကြယ်ပဲအသင်းမှ ဒုတိယဥက္ကဌဦးသန်းအောင်ကပြောပါတယ်။

   “ဒီနှစ်မှာ ဂျပန်နိုင်ငံကနေ မြန်မာ့ကြယ်ပဲကိုဝယ်ယူဖို့ ကမ်းလှမ်းခဲ့တယ်။ ဒါပေမယ့် ဒီမှာကတင်ပို့နိုင်တဲ့ဧက လောက်ငှစွာမရှိသေးတော့ တင်ပို့လို့မရသေးဘူး။ ဒါကြောင့် တင်ပို့နိုင်ဖို့အတွက်တော့ စီစဉ်လုပ်ဆောင်နေတာတွေရှိပါတယ်”

   ကြယ်ပဲကို ထိုင်းနိုင်ငံကို အဓိကထားတင်ပို့နေပြီး အခြားပြည်ပနိုင်ငံဈေးကွက်သစ်များကို လည်း တင်ပို့နိုင်ရန် စီစဉ်လုပ်ဆောင်နေကြောင်း သိရပါတယ်။

   မြန်မာ့ကြယ်ပဲကို ရှမ်းပြည်နယ်မြောက်ပိုင်း၊ တောင်ပိုင်း၊ မန္တလေးတိုင်းဒေသကြီးနဲ့ မကွေး တိုင်းဒေသကြီးတို့မှာ အများဆုံးစိုက်ပျိုးကြောင်း မြန်မာနိုင်ငံ ကြယ်ပဲအသင်းမှသိရပါတယ်။

တိုးတိုးခိုင်(ABM)