မြေပဲပင်တွင်ကျရောက်တက်သော ဘက်တီးရီးယားပင်ညိုးရောဂါ

ဦးကြီးတို့ရေ မင်္ဂလာပါဗျ။

ဦးကြီးတို့ရဲ့ မြေပဲခင်းတွေမှာ မြေပဲပင်တွေညိုးပြီးသေနေတာတွေ တွေ့ဖူးမယ်လို့ ထင် ပါတယ်။ ဘာကြောင့်ဖြစ်တယ်ဆိုတာ လေ့လာကြရအောင်။

ရောဂါလက္ခဏာများ

ရောဂါဖြစ်သောအခါ ဘယ်အချိန်မှာ ရောဂါလက္ခဏာစတွေ့ရသလဲ။ မြေပဲစိုက်ပျိုးပြီး ၂-၃ ပတ်ကြာသောအခါ ရောဂါဖြစ််နေသောအပင်များ၏ မြေပဲအရွက်များသည် အနည်းငယ် ငိုက်ကျနေပြီး အရွက်များလိပ်နေပါသည်။ ထိုအပြင် မြေပဲအရွက်များ၏ ရွက်ကြောများကြားတွင် အစိမ်းရောင်ဖျော့နေပြီး အရွက်အနားသတ်များသည် အဝါရောင်ပြောင်းသွားပါသည်။ နောက်ပိုင်းတွင် အပင်များသည် အဖျားမှ အောက်ကိုကွေးသွားပြီး အရွက်များခြောက်လာပါ သည်။ နောက်ဆုံးတွင် အပင်များသည် အညိုရောင်ပြောင်းသွားကာ ညိုး၍ သေသွားပါသည်။ ရောဂါတိုက်ခိုက်ခံထားရသော အပင်များမှာ အရောင်ပျက်သွားပြီး အမြစ်များပုပ်နေပါသည်။ ထို့အပြင် မြေပဲအတောင့်များလည်း ပုတ်သွားပါသည်။ မြေပဲဘက်တီးယားပင်ညိုးရောဂါ ဖြစ်သောအခါ အသိသာဆုံး လက္ခဏာမှာ မြေပဲပင်စည်များကို ခွဲကြည့်သောအခါ အထဲတွင် မဲပုတ်နေပါသည်။

ရောဂါကူးစက်ပုံ

မြေပဲပင်ညိုးရောဂါဖြစ်စေသော သက်ရှိမှာ Ralstonia solanacearum E Yabuuchi ဖြစ်ပါသည်။

ထိုရောဂါသည် မြေဆောင်ရောဂါဖြစ်သလို မျိုးစေ့ဆောင်ရောဂါလည်း ဖြစ်ပါသည်။ ရောဂါဖြစ်စေသော သက်ရှိသည် အပင်များမရှိသော မြေကြီးတွင် အသက်ရှင်မနေနိုင်ပါ။ ထိုရောဂါသည် ယာခင်းတစ်ခင်းမှတစ်ခင်း ဖြတ်သန်းစီးဆင်းသွားသော မိုးရေများမှလည်း ကောင်း၊ သွင်းရေများမှလည်းကောင်း ကူးစက်ပါသည်။

၎င်းသက်ရှိများ အသက်ရှင်နေနိုင်သော လက်ခံအပင်များမှာ ခရမ်းချဥ်၊ ဆေးရွက်ကြီး၊ ခရမ်း၊ မြေပဲ၊ ဟင်းစားပဲပုတ်၊ ငှက်ပျော စသည့်အပင်တို့ဖြစ်ပါသည်။

ကာကွယ်ရန်နည်းလမ်းများ

ရောဂါကင်းစင်သော မျိုးများကို ရွေးချယ်စိုက်ပျိုးရပါမည်။
ထိုရောဂါမရှိသောမြေများတွင် ကျန်းမာသန်စွမ်းသော မျိုးစေ့များကို စိုက်ပျိုးရပါမည်။
သီးလှည့်စိုက်ပျိုးရပါမည်။
ခံနိုင်ရည်ရှိသောမျိုးများကို ရွေးချယ်စိုက်ပျိုးရပါမည်။
ရောဂါကူးစက်ခံထားရသောအပင်များတွေ့လျှင် ချက်ချင်းနှုတ်၍ မီးရှို့ဖျက်စီးပစ်ရပါ မည်။
ထယ်ထိုး၍ မြေလှပ်ထားကာ ထွန်မကြာခဏ မွှေပေးရပါမည်။
နောက်ဆုံးမတတ်နိုင်မှသာ ဘက်တီးရီးယားများသေစေသော ဆေးများကို အချိုးအဆ မှန်ကန်စွာသုံးစွဲသင့်ပါသည်။

ချမ်းသာဦး

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...