“မရမ်းပင်တွေစိုက်မယ်အတူ၊ သားစဉ်မြေးဆက်ဝင်ငွေယူ”

အင်္ဂလိပ်နာမည် MARIAN TREE ၊ ရုက္ခ⁠ဗေဒအခေါ်အဝေါ် Boueaburmanica ၊ မျိုးရင်းအမည်ကတော့ ANACARDIACEAE လို့ခေါ်တွင်ကြတဲ့ မရမ်းပင်ဟာ သားစဉ်မြေးဆက် စိုက်ပျိုးထုတ် လုပ် စီးပွားဖြစ်ထွန်းစေတဲ့ အပင်မျိုးတစ်ခုပါ။ အချို၊ အချဉ် အရသာ (၂)မျိုးရှိပြီး၊ မရမ်းသီးအစိမ်းအတိုင်းကို မရမ်းသီးထောင်း၊ မရမ်းသီးကြော်အဖြစ် စားသောက်ကြသလို၊ အခြောက်လှမ်းပြီး မရမ်းပြား၊ မရမ်းပေါင်း (မရမ်းယို) တွေ အဖြစ်နဲ့လည်း စားသုံးကြပါတယ်။ မွန်လူမျိုးတွေ ဟင်းချက်တဲ့အခါ မရမ်းပြားကို ထည့်ချက်လေ့ရှိတာကို တွေ့ရပါတယ်။ မရမ်းသီးအမှည့်ကတော့ အထူးဆိုဖွယ်မရှိပါဘူး။ အရောင်က တဝင်းဝင်းနဲ့ ရာသီပေါ်ချိန်ဆို အရောင်းသွက်လှပါတယ်။

လူတိုင်း ခံတွင်းတွေ့၊ ကြိုက်နှစ်သက်မှုရှိတဲ့ မရမ်းသီးတွေကို ကျွန်မတို့တတွေလည်း ကိုယ်တိုင်စိုက် ပျိုးထုတ်လုပ်ကြည့်နိုင်ဖို့ ကနဦးလေ့လာရအောင်လားရှင်…။

မရမ်းပင်က ဘယ်လိုမြေ၊ ဘယ်လိုရာသီဥတုမျိုးကို ကြိုက်နှစ်သက်သလဲ?

⁠မရမ်းပင်တွေဟာ မြေစေးဆန်တဲ့ ⁠နုန်း⁠မြေကို ကြိုက်နှစ်သက်ပါတယ်။ ပူအိုက်စွတ်စို⁠တဲ့ ရာသီဥတုတွေကို ကြိုက်⁠နှစ်သက်ပါတယ်။ မိုးရေချိန် လက်မ (၅၀)ကနေ လက်မ (၁၅၀) အတွင်းဟာ မရမ်းပင်စိုက် ပျိုးဖို့အတွက် အသင့်⁠တော်ဆုံးလို့ သိရပါတယ်။ တနင်္သာရီတိုင်း၊ ရန်ကုန်တိုင်း၊ ပဲခူးတိုင်း၊ မန္တလေး တိုင်း၊ ဧရာဝတီတိုင်း၊ မွန်⁠ပြည်နယ်၊ ကရင်⁠ပြည်နယ် စတဲ့ဒေသတွေမှာ မရမ်းပင်တွေကို အဓိကစိုက်ပျိုးတွေ့ရှိရပေမယ့် မရမ်းပင် စိုက်ပျိုးလို့ အကောင်းဆုံးကတော့ ကယ်လစီယမ်ဓာတ်များတဲ့ဒေသတွေပါပဲ။

သတိပြုရမယ့်အချက်လေးကတော့ - မရမ်းပင်ရဲ့ သဘာဝက နိုက်ထရိုဂျင်ဓာတ်ကို သိပ်မကြိုက်တတ်ပါဘူး။ နိုက်ထရိုဂျင်ဓာတ်များတဲ့ မရမ်းပင်တွေဟာ ပင်စည်အခေါက်မှာ ကြီးပေါင်းရောဂါကဲ့သို့ (အထွတ်အထွတ်တွေ) ဖြစ်ပေါ်တတ်ပါတယ်။ အဲ့ဒီကြီးပေါင်းရောဂါမျိုးကို ကြိုတင်ကာကွယ်နိုင်အောင် ကယ်လစီယမ်ဓာတ်ကို များများကျွေးပေးရပါတယ်။ မြေခံမှာကကို ကယ်လစီယမ်ဓာတ် နည်းပါးတဲ့ဒေသတွေလည်း ရှိတာကြောင့် ဒီအချက်လေးကို သတိပြုစိုက်ပျိုးသင့်ပါတယ်။

မရမ်းစိုက်တော့မယ်ဆိုရင် …

မရမ်းသီးအမှည့် မျိုး⁠ကောင်းမျိုးသန့်ကို ⁠ရွေးချယ်ဝယ်ယူပါ။ အသီးအခွံကို ခွာပစ်⁠ပြီး၊ အသားမဖယ်ပဲ ⁠ပြာနဲ့လူးနယ်ပေးပါ။ အဲ့ဒီနောက် နေရိပ်တဲ့နေရာမှာ အချိန်ကာလ (၃)လောက်ထားပြီး၊ ပျိုးထောင်ထားပါ။ အခုလိုမျိုး ပျိုးထောင်ထားတဲ့ ပျိုးသက်တမ်း (၁)⁠ နှစ်အ⁠ကျော်ကြာရင်တော့ မရမ်းပင်ကို စတင်စိုက်ပျိုးလို့ ရပါပြီ။

အထက်ပါနည်းအတိုင်း ပျိုးထောင်ထားတဲ့ အစေ့ကနေစိုက်ပျိုးတဲ့ မရမ်းစိုက်ပျိုးနည်းအတွက် စိုက်ကျင်းကို (၂)⁠ ပေပတ်လည်ထားသင့်ပြီး၊ ပင်ကြားတန်းကြား အကွာအ⁠ဝေးကို (၁၅)ပေ×(၂၀)ကြားကနေ၊ ပေ(၃၀) ပတ်လည်လောက်အထိ၊ စိုက်ပျိုးလေ့ရှိကြပါတယ်။ အခုနောက်ပိုင်း စိုက်ပျိုးလာတဲ့ ကိုင်းကူးကိုင်းဆက်စနစ်နဲ့ မရမ်းပင် စိုက်ပျိုးနည်းစနစ်မှာတော့ ပင်ကြားတန်းကြားကို (၇)ပေ×(၇)ပေ လောက်ထားစိုက်လေ့ရှိကြပြီး၊ အပင်ကို အကြီးမခံကြတော့ပါဘူး။ ကိုယ်လိုချင်တဲ့ အချိန်ကာလမှာ အသီးတင်ဖို့ အဖူး၊ အပွင့်တွေကိုအတွက်ကိုလည်း မလိုအပ်သေးတဲ့ အပွင့်အဖူးတွေကို ခြွေပစ်ပေးကြပါတယ်။

အဖူးအပွင့်တွေ ခြွေပေးတာ ဘာကြောင့်လဲ?

မရမ်သီးက တစ်နှစ်ကို (၃) ကြိမ် (၃)ခါ ပေါ်ပါတယ်။ ပထမဆုံးပေါ်ချိန် (ဈေးအကောင်းဆုံးကာလ) ကတော့ ဇန်နဝါရီလဆန်းပိုင်းပါ။ ဒီအစောဆုံးကာလမှာပေါ်တဲ့ မရမ်းပင်တွေဟာ ဒီဇင်ဘာလ (၁၀) ရက်လောက်မှာ ပန်းစပွင့်လို့၊ ဇန်နဝါရီလဆန်းမှာ အသီးတင်တာပါ။ ဒုတိယအကြိမ်အနေနဲ့ ဒီဇင်ဘာ လ ရက်(၂၀)နောက်ပိုင်းမှာ ပန်းပွင့်ရင်တော့ မရမ်းသီး သီးချိန်နောက်ကျသွားမှာဖြစ်တယ်။ တတိယအကြိမ်ကတော့ ဇန်နဝါရီလဆန်းလောက်မှာ အပွင့်ပွင့်တဲ့ မရမ်းပင်တွေပဲ ဖြစ်ပြီး၊ သူတို့ကတော့ အနောက်ကျဆုံးအသီးတွေပဲ ဖြစ်ပါတယ်။

ဇန်နဝါရီလဆန်းလောက်မှာ စောစောပေါ်တဲ့ မရမ်းသီးက ဈေးအလွန်ပဲကောင်းပါတယ်။ ပဲခူးတိုင်းဒေသကြီးမှာ ဇန်နဝါရီလဆန်းအချိန်ဆိုရင် မရမ်းသီးတစ်ပိဿာကို (၃၀၀၀၀) ကျပ်ကနေ (၄၀၀၀၀) ကျပ်အထိ ဈေးရလေ့ရှိပါတယ်။ ဒါ့ကြောင့် ဒီအချိန်ပေါ်ဦးပေါ် ဖျားကာလကို အမှီရအောင် စိုက်ပျိုးထုတ်လုပ်နိုင်ဖို့အတွက် မလိုအပ်သေးတဲ့ အဖူးအပွင့်တွေကို ချွေပေးကြရတာပဲ ဖြစ်ပါတယ်။

မရမ်းပင်တွေအတွက် မြေသြဇာကို သဘာဝမြေသြဇာတွေ ကျွေးပေးမယ်ဆိုရင် အပင်ငယ်စဉ်မှာ တစ်ပင်ကို ⁠နွားချေး (၁)တင်းနဲ့၊ အပင်⁠ကြီးပြီးဆိုရင်တော့ တစ်ပင်ကို နွားချေး (၃)တင်းလောက် အလျဉ်းသင့်သလို ထည့်သွင်းပေးနိုင်ရင် အဆင်ပြေပါပြီ။

ရေဘယ်အချိန်မှာပေးရမလဲ?

မရမ်းပင် အသီးတုန်းသွားပြီး ရွက်နုထွက်ခါနီးအချိန်မှာ ရေပေးလေ့ရှိပါတယ်။ ပင်ခြေနဲ့မြစ်မွှားတွေရှိတဲ့ တည့်တည့်နေရာကို မြေသားသက်သက်ပဲထားသင့်ပြီး၊ ရေမဝပ်အောင် သတိပြုသင့်ပါတယ်။

နန်းထက်ထက်ချစ်(ABM)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...