“ ငါးမြစ်ချင်း သမားရိုးကျ တစ်ပိုင်တစ်နိုင်မွေးမြူနည်း ”

ငါးမြစ်ချင်းငါးမှာ စျေးကွက်တွင် ဝယ်လိုအားကောင်းမွန်သောငါးတစ်မျိုးဖြစ်ပြီး မွေးမြူသူလည်း များလှသည်။ ဒါကြောင့် တစ်ပိုင်တစ်နိုင် ငါးမွေးမြူလိုသူများအတွက် ငါးမြစ်ချင်းသမားရိုးကျ မွေးမြူနည်းကို ပြောပြပေးပါမည်။

ငါးမြစ်ချင်း သမားရိုးကျမွေးမြူရာတွင် အရေးပါသော မြေနေရာနှင့် ရေအမျိုးအစားရွေးချယ်ခြင်း

(က) မြေအမျိုးအစားရွေးချယ်ခြင်း

- ငါးမြစ်ချင်း မွေးမြူရန်အတွက် မြေနေရာရွေးချယ်လျှင် လမ်းပန်းဆက်သွယ်ရေးကောင်းပြီး စျေးကွက်နှင့်နီးသည့် နေရာကို ရွေးချယ်သင့်ပါသည်။

- မြေနေရာသည် သဲဆန်သောမြေ မဖြစ်စေဘဲ မြေစေးအမျိုး အစားကို ရွေးချယ်ရပါမည်။ မြေစေးဖြစ်သောကြောင့် ကန်အတွင်းရှိရေသည် ကြာရှည်ခံမည်ဖြစ်သည်။ငါးအတွက်လည်း ပိုမိုကောင်းမွန်ပါသည်။

(ခ) ရေအမျိုးအစားရွေးချယ်ခြင်း

- ကန်အတွင်းရှိရေသည် ထုံးဓာတ်များသောရေ မဖြစ်ရန် သတိပြုရပါမည်။ အကယ်၍ ဂဝံမြေဖြစ်နေသောကြောင့် အချဥ်ပေါက်နေသောရေ ဖြစ်ပါက ပြုပြင်၍ ရနိုင်ပါသည်။

- ပြုပြင်ရမည့်နည်းလမ်းမှာ ထုံးထည့်ခြင်းအားဖြင့် အချဥ်ပေါက်ခြင်းကို ပပျောက်စေပါသည်။ ထုံးဓာတ်ပါသောရေကို ပြုပြင်ရန်မှာမူ စရိတ်အလွန်ကြီးသဖြင့် တွက်ချေကိုက်မည် မဟုတ်ပေ။ သို့အတွက် သင့်လျော်သည့် နည်းစနစ်ကိုကျင့်သုံးဖို့ ဖြစ်လေသည်။

မွေးမြူကန်အရွယ်အစား ရွေးချယ်ရာတွင် -

- ငါးမြစ်ချင်းမွေးမြူရန် ကန်ကို အနည်းဆုံး အလျားပေ ၂ဝဝ၊ အနံ ပေ ၁၀၀ ရှိ ဧကဝက်ခန့် အကျယ်ဖြစ်အောင်တူးပါ။

- တစ်နှစ်ပတ်လုံး ရေအနက် ၄ ပေ ရှိစေရန် ၆ ပေခန့် နက်အောင် ကန်ကိုတူးရပါမည်။ကန်၏ နှုတ်ခမ်းမှနေ၍ နောက်ကို ၅ ပေ ဆုတ်ပြီး ကန်ပေါင်ဖို့ထားပေးပါ။

- ကန်ပေါင်ထိပ်မှနေ၍ အောက်တည့်တည့် ၁ တောင်(သို့မဟုတ်) ၁၈ လက်မ အကွာတွင် ရေလျှံပေါက် ၁ ခုတပ်ထားပြီး ကန်ပေါင်မပြိုစေရန် ကန်ပေါင်တွင် မြက်များအပြည့်ကပ်၍ စိုက်ထားပေးပါ။

ထုံးနှင့် မြေသြဇာထည့်ခြင်း

- ကန်ထဲသို့ရေမထည့်မီ ထုံးမှုန့် ၁၅ဝ ပိဿာ ဖြူးပေးပြီးမှ ရေထည့်ပါ။ ရေထည့်ပြီး ၁ ပတ်အကြာတွင် နွားချေး၊ ကြက်ချေး၊ ဝက်ချေး၊ ဘဲချေး စသည့် တိရစ္ဆာန်ချေးများကို ၄ ဂါလံဝင်ပုံးဖြင့် ပုံး ၁၅၀ ထည့်ပေးပါ။

- ၁ ပတ်အကြာတွင် ကန်ရေစိမ်းလာပါမည်။ ကန်ရေစိမ်းလာသောအခါ ငါးသားပေါက်များကို ထည့်နိုင်ပါပြီ။

ငါးသားပေါက် ထည့်သွင်းနှုန်း

- ငါးသားပေါက်များဝယ်ယူပြီး ကန်အတွင်းသို့ ထည့်သောအခါ ငါးကလေးများ ၄ လက်မအောက်အရွယ်ဖြစ်လျှင်ပိုကောင်းပါသည်။ငါးသားပေါက်လေးများ အရွယ်ငယ်လေ သယ်ယူရလွယ်လေဖြစ်ပါသည်။

- ငါးသားပေါက်များကို သယ်ယူသောအခါ ပလတ်စတစ်အိတ်တွင် အောက်စီဂျင်၊ ရေရောဓာတ်ငွေ့တို့ဖြင့် သယ်ယူလျှင် အနည်းဆုံး ၁၂ နာရီကြာသည်အထိ အသက်ရှူနိုင်ပါသည်။

- ငါးမြစ်ချင်းတစ်မျိုးတည်းကို ကန်အတွင်း၌ ထည့်၍မွေးလျှင် အနံပေ ၁၀၀၊ အလျားပေ ၂၀၀ ရှိ ဧကဝက်ခန့် ငါးကန်တွင် ငါးသားပေါက်ကောင်ရေ ၁၆၅၀ ကောင် ထည့်၍မွေးနိုင်ပါသည်။

အစာကျွေးနည်း

- ငါးမြစ်ချင်း ငါးကလေးများကို အစာကျွေးလျှင် နေ့စဥ် နံနက် ၇ နာရီမထိုးမီ ကျွေးပေးပါ။

- ငါးတစ်ကောင်လျှင် တစ်ကျပ်သားရှိသော ငါးကောင်ရေ ၁၆၅၀ ကောင်အတွက် ဖွဲနုနှင့် နှမ်းဖတ်ရောထားသော အစာ ၆၅ ကျပ်သားကို ရေနှင့် ရောနယ်ပြီး အလုံးလုပ်ကျွေးပါ။

ဤအချိုးအတိုင်း ငါး၏အလေးချိန် များလာသည်နှင့်အမျှ အစာကိုတိုး၍ ကျွေးပါ။

အစာစိမ်းရရန်အတွက်လည်း ဘဲစာပင်များကို ၁ လ ၁ ကြိမ် တင်း ၁ စိတ်လောက် ကျွေးပေးပါ။

ကြီးထွားနှုန်း

- ငါးမြစ်ချင်းငါးသည် ၁ ကျပ်သားအရွယ်မှနေပြီး အစာမှန်မှန်ကျွေး၍မွေးမြူပါက ၁ နှစ်အတွင်း ၁ ကောင်လျှင် ၆၀ ကျပ်သားအထိ ကြီးထွားလာနိုင်ပါသည်။

- ဧကဝက်ရှိသော ကန်တစ်ကန်တွင် ငါးမြစ်ချင်းထည့်၍ မွေးမြူပါက ၁ နှစ်အတွင်း ငါးမြစ်ချင်းပိဿာချိန် ၉၀၀ ကျော် ရရှိနိုင်ပါသည်။

Ref: ငါးလုပ်ငန်းစခန်းတွင် သင်တန်းတက်ခဲ့စဥ်က လေ့လာသင်ယူခဲ့သော အချက်အလက်များ။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

“ ငါးမြစ်ချင်း သမားရိုးကျ တစ်ပိုင်တစ်နိုင်မွေးမြူနည်း ”

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

“ ငါးမြစ်ချင်း သမားရိုးကျ တစ်ပိုင်တစ်နိုင်မွေးမြူနည်း ”

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

စားကျက်ပင် ဘာကြောင့် စိုက်ရတယ်.........

နို့စားနွားအတွက် စားကျက်ပင် စိုက်ပျိုးခြင်း

စားကျက်ပင်အတွက် Arachis Pantoi (ပဲပန်းပင်) စိုက်ပျိုးခြင်း

{{ post.title }}