ရော်ဘာအရည်အသွေးအသိအမှတ်ပြုလက်မှတ်များ ထုတ်ပေးတော့မည်

မြန်မာ့ သဘာဝရော်ဘာ အရည်အသွေး စမ်းသပ်စစ်ဆေးရေး ဓာတ်ခွဲခန်းမှ အသိအမှတ်ပြု လက်မှတ်များ ထုတ်ပေးတော့မည် ဖြစ်၍ ပြည်တွင်းစျေးကွက်တွင် စျေးကောင်းရရှိလာတော့မည် ဖြစ်ကြောင်း ရော်ဘာ လုပ်ငန်းရှင်များ အသင်းမှ သိရသည်။
“အသိအမှတ်ပြု လက်မှတ်ရှိထားဖို့လိုတယ်။ တရုတ်၊ ကိုရီးယား ကို ပို့မယ်ဆိုရင် သက်ဆိုင်ရာ နိုင်ငံက သတ်မှတ်ထားတဲ့ စည်မျဉ်းအတိုင်းပဲ လုပ်ရမှာ။ မြန်မာက သဘာဝ ရော်ဘာအများဆုံးတင်ပို့မှု ဆဌမအဆင့်ရှိနေတော့ ပိုပြီး လိုအပ်တယ်။ တခြားနိုင်ငံတွေကလည်း ဒီလက်မှတ်ရဖို့ ကြိုးပမ်းနေကြတယ်" ဟု ကရင်ပြည်နယ်ရှိ ရော်ဘာစိုက်တောင်သူများ ကွန်ရက်ဝင် ဦးဇန်ထူးမောင်က ပြောသည်။
အဆိုပါ ဓာတ်ခွဲခန်းကို စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၊ စားသုံးသူရေးရာဦးစီးဌာန၊ ကုန်ပစ္စည်း စမ်းသပ် စစ်ဆေးရေးနှင့် အရည်အသွေးစီမံခန့်ခွဲမှုဌာနစု(လှည်းကူးမြို့နယ်)တွင် Public Private Partnership ပုံစံဖြင့် ဖွင့်လှစ်ထားပြီး အပြည်ပြည်ဆိုင်ရာ ရော်ဘာအသင်း၏ အသိအမှတ်ပြု လက်မှတ်ရရှိနိုင်ရန် ဆောင်ရွက်လျက်ရှိကြောင်း သိရသည်။ " အရည်အသွေးထောက်ခံချက်လက်မှတ်ကို MSR (Myanmar Standard rubber) ၅၊ ၁၀၊ ၂၀ အစရှိတာတွေကို အသိမှတ်ပြု လက်မှတ် ထုတ်ပေးမှာ ဖြစ်ပါတယ်။" ဟု စားသုံးသူရေးရာ ဦးစီးဌာန ညွှန်ကြားရေးမှူးချုပ် ဦးမြင့်လွင်က ပြောသည်။
လက်ရှိ မြန်မာတစ်နိုင်ငံလုံးတွင် ရော်ဘာစိုက်ဧက ၁၆ သိန်းဝန်းကျင် ရှိနေပြီး ရော်ဘာအစေးခြစ်ရမည့် အပင်ပေါင်း ခုနှစ်သန်းခန့်ရှိကာ အစေးမထွက်တော့သည့် သက်တမ်းရင့်အပင်ပေါင်း ငါးသောင်းဝန်းကျင်ရှိကြောင်း သိရသည်။
စိုက်ပျိုးရေးဦးစီးဌာန ညွှန်ကြားရေးမှူးချုပ် ဒေါက်တာရဲတင့်ထွန်းက " ရော်ဘာကနေ ထုတ်လုပ်တဲ့ ပစ္စည်းတွေ အရည်အသွေး ပိုမိုကောင်းမွန်လာအောင် ရော်ဘာကြိတ်တဲ့ လုပ်ငန်းတွေ ဆောင်ရွက်လာနိုင်အောင် ပုဂ္ဂလိက အခန်းကဏ္ဍက ပိုပြီးတော့ အရေးပါလာပါတယ်။ ရော်ဘာနဲ့ ပတ်သတ်တဲ့ အဖွဲ့အစည်းတွေကိုလည်း အသင်းဝင်အဖြစ်နဲ့ ဝင်ရောက်နိုင်ရေး ကြိုးစားဆောင်ရွက်နေပါတယ်။ ရော်ဘာလုပ်ငန်းစဉ်တွေမှာ တောင်သူတစ်ဦးချင်းစီ လုပ်နေမယ်ဆိုရင် အရည်အသွေးတွေက မတူညီနိုင်ဘူး၊ ရော်ဘာအရည်အသွေးတူညီနိုင်ဖို့အတွက် ပုဂ္ဂလိကလုပ်ငန်းရှင် သို့မဟုတ် စက်ရုံတစ်ခုကနေ ဦးဆောင်ဦးရွက် ပြုပြီးတော့ ဆောင်ရွက်တဲ့ လုပ်ငန်းမျိုးကို တွန်းအားပေးပြီး ဆောင်ရွက်သွားမှာပါ။" ဟု ပြောသည်။ ရော်ဘာစိုက်ပျိုးထုတ်လုပ်မှု ကမ္ဘာ့အဆင်မီစေရေးအတွက် စိုက်ပျိုးရေးဦးစီးဌာန အနေဖြင့် အစိုးရ အဖွဲ့အစည်းများသာ ဝင်ရောက်ခွင့်ရှိသည့် ANRPC သဘာဝ ရော်ဘာထုတ်လုပ်သည့် နိုင်ငံများအသင်းသို့ ဝင်ရောက်နိုင်ရန်လည်း ကြိုးပမ်းလျက် ရှိကြောင်း သိရသည်။
Worldexports.com ၏ ဖော်ပြချက်စာရင်းများအရ ကမ္ဘာလုံးဆိုင်ရာ သဘာဝ ရော်ဘာတင်ပို့မှု၏ ၉၅ ဒသမ ၄ ရာခိုင်နူန်းကို တင်ပို့နိုင်ခဲ့သည့် ၁၅ နိုင်ငံစာရင်းတွင် မြန်မာနိုင်ငံသည် ထိုင်း၊ အင်ဒိုနီးရှား၊ ဗီယက်နမ်၊ မလေးရှားနှင့် အိုင်ဗရီကို့စ် နိုင်ငံများအောက်တွင် ဆဌမမြောက်နိုင်ငံအဖြစ် ရပ်တည်လျက်ရှိကြောင်း သိရသည်။ ကမ္ဘာ့သဘာဝရော်ဘာတင်ပို့ရောင်းချနိုင်မှု၏ ၈၀ ရာခိုင်နူန်းသည် အာရှနိုင်ငံမှ ဖြစ်ပြီး အာဖရိကနိုင်ငံများမှ ၈ ဒသမ ၅ ရာခိုင်နူန်းနှင့် ဥရောပနိုင်ငံများမှ ၄ ဒသမ ၇ ရာခိုင်နူန်း အသီးသီး တင်ပို့လျက်ရှိကြောင်းသိရသည်။
မြန်မာ့အလင်း

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...