ပြောင်းဖူးတွင်ကျရောက်တတ်သော အင်းဆက်ဖျက်ပိုးများနှင့် ကာကွယ်နှိမ်နင်းနည်းများ

၁။ ပင်စည်ထိုးယင် (Stem fly: Atherigona orientalis)

ဖျက်ဆီးပုံလက္ခဏာများ

ယင်ကောင်သည် ငယ်ရွယ်ကြီးထွားနေသော ရွက်ညွန့်များကို စားသောက်ပြီး “အူပုပ်ခြင်း” ကိုဖြစ်စေသည်။ 

ဖျက်ပိုး၏ဝိသေသလက္ခဏာ

အရွယ်ရောက်ကောင် - မီးခိုးရောင်ရှိသော ယင်ကောင်ငယ်ဖြစ်သည်။ 

ကာကွယ်နှိမ်နင်းခြင်း

ရိတ်သိမ်းပြီးမကြာမီ ထယ်ထိုးပြီး ရိုးပြတ်များကို ဖယ်ရှားဖျက်ဆီးပါ။ 

မိမိစိုက်ခင်းပတ်လည်က ပြောင်းဖူးခင်းများနှင့် တစ်ပြိုင်တည်းစိုက်ပါ။

အောက်ပါပိုးသတ်ဆေးတစ်မျိုးမျိုးကို ဆေးဘူး/အိတ်ပါ အညွှန်းစာအတိုင်း အသုံးပြုပါ။  

ဒိုင်မီသိုအိတ်  (Dimethoate)

အင်မီဒါကလိုပရစ်ဒ် (Imidacloprid)

အဆီတာမီပရစ်ဒ် (Acetamiprid)

၂။ ပင်စည်ထိုးပိုး (Stem borer: Chilo partellus)

ဖျက်ဆီးပုံလက္ခဏာများ

လောက်ကောင်များသည် အလယ်အူရိုးကို ထိုးဖောက်ဝင်ရောက်ပြီး “အူပုပ်ခြင်း” ကိုဖြစ်စေသည်။ 

အတွင်းပိုင်းကို စားသောက်ခြင်းကြောင့်ဗဟိုအညွန့်များ ညှိုးနွမ်းသွားသည်။  

လောက်ကောင်ငယ်သည် နူးညံ့သော ရွက်ခေါက်အား စားသောက်ပြီး အတွေ့ရများသော “အညွန့်ဟောင်းလောင်းပေါက်” လက္ခဏာကို ဖြစ်စေသည်။ 

ဖျက်ဆီးပုံလက္ခဏာများ 

လောက်ကောင်သည် ပြောင်းဖူးမြိတ်စနှင့် ဖွံ့ဖြိုးကြီးထွားလာသော အစေ့များကို စားသောက်သည်။  

ဖျက်ပိုး၏ဝိသေသလက္ခဏာ

ဥ - ပုံသဏ္ဍာန်အားဖြင့် စက်လုံးပုံရှိကာ အရောင်အားဖြင့် နို့နှစ်ဖြူရောင်ရှိသည်။ 

လောက်ကောင် - အစိမ်းရောင်သန်းသည့်အရောင်မှ အညိုရောင်အထိ အရောင်ကွဲပြား သည်။ 

အရှည်လိုက်အဖြူရောင် အရေးကြောင်းများနှင့်အတူ ကိုယ်ခန္ဓာပေါ်တွင် ညိုရင့်ရောင် အရေးကြောင်းများပါရှိသည်။ 

ရုပ်ဖုံး - အညိုရောင်ရှိပြီး မြေကြီး၊ အရွက်၊ ပြောင်းဖူးနှင့် သီးနှံအကြွင်းအကျန်များတွင် တွေ့ရသည်။ 

အရွယ်ရောက်ကောင် - ခရမ်းနုညိုရောင်သန်းပြီး တုပ်ခိုင်သည့် အဝါရောင်ဖလံဖြစ်သည်။ 

ရှေ့တောင်ပံများသည် သံလွင်စိမ်းရောင်မှ ခရမ်းညိုရောင်ရှိပြီး အလယ်တွင် ညိုရင့်ရောင်စက်ဝိုင်းပုံ အစက်ပါရှိသည်။ နောက်တောင်ပံများသည် မီးခိုးဖြူဖျော့ရောင်ရှိပြီး အပြင်ဖက် အနားသားတွင် အနက်ရောင်ရှိသည်။ 

ကာကွယ်နှိမ်နင်းခြင်း

စိုက်ခင်းပတ်လည် ပင်စိမ်းပင်များစိုက်ပေးပါ။ 

အလင်းရောင်ထောင်ချောက်များကို တပ်ဆင်ပါ။ 

တစ်ဧကလျှင် ဖီရိုမုန်းထောင်ချောက် (၅) ခုနှုန်း တပ်ဆင်ပါ။ 

စိုက်ပြီး ၃၃ - ၃၅ ရက်အတွင်း ၃ - ၄ရက်ခြားတစ်ခါ ထရိုင်ဂိုဂရားများနဂျီ လွှတ်ပေးပါ။

ပြောင်းဖူးမဟုတ်သောအခြားသီးနှံတစ်မျိုးမျိုးနှင့် သီးလှည့်စိုက်ပါ။ 

အောက်ပါပိုးသတ်ဆေး တစ်မျိုးမျိုးကို ဆေးဘူး/အိတ်ပါ အညွှန်းစာအတိုင်း အသုံးပြုပါ။  

ဒိုင်မီသိုအိတ် (Dimethoate)

အင်မီဒါကဘိုပရစ်ဒ် (Imidacloprid)

အဆီဖိတ် (Acephate)

၃။ ပြောင်းဖူးစားကြမ်းပိုး (Ear head bug: Calocoris angustatus) ဖျက်ဆီးပုံလက္ခဏာ

ပြောင်းဖူးစေ့များ နို့ရည်ထွက်သည့်အဆင့်တွင် အစေ့များအတွင်းမှ ရုပ်ဖုံးများနှင့် အရွယ်ရောက်ကောင်သည် နို့ရည်များကို စုပ်ယူသည်။  

အစေ့များ တွန့်ရှုံ့သွားပြီး အနက်ရောင်ပြောင်းသွားကာ အဆန်မပြည့်ဖြစ်သွားသည် (သို့မဟုတ်) အခွံသာကျန်တော့သည်။ 

ပြောင်းဖူးတွင် လိမ္မော်ရောင်နှင့် စိမ်းနုရောင် အကောင်ငယ်များနှင့် ကောင်ကြီးများကို တွေ့ရသည်။ 

ဖျက်ပိုး၏ဝိသေသလက္ခဏာ 

ဥ -  အပြာရောင် ဆေးပြင်းလိပ်ပုံသဏ္ဍာန်ရှိကာ ပန်းပွင့်ငယ်များအောက် သို့မဟုတ် ပန်းပွင့်များအလယ်တွင် အုသည်။ 

ရုပ်ဖုံး - သေးသွယ်ပြီး အစိမ်းရောင်ရှိသည်။ 

အရွယ်ရောက်ကောင် - အထီးသည် အစိမ်းရောင်ရှိသည်။ အမသည် အညိုရောင်အနားသားနှင့်အတူ အစိမ်းရောင်ရှိသည်။ 

ကာကွယ်နှိမ်နင်းခြင်း

အောက်ပါ ပိုးသတ်ဆေးတစ်မျိုးမျိုးကို ဆေးဘူး/အိတ်ပါ အညွှန်းစာအတိုင်း အသုံးပြုပါ။  

အင်မီဒါကလိုပရစ်ဒ် (Imidacloprid)

အဆီဖိတ် (Acephate)

တမာကြိတ်ဖတ်စစ်ကျရည် ၅% 

အဇာဒီရက်ခ်တင် ၁% 

၄။ မီးခိုးပြာရောင်ကျိုင်း (Ash weevil: Myllocerus sp.)

ဖျက်ဆီးပုံလက္ခဏာများ

လောက်ကောင်သည် မြစ်ပွားများကို စားသောက်ပြီး အရွက်ရောက်ကောင်များသည် အရွက်များကို စားသောက်သည်။  

ဖျက်ပိုး၏ဝိသေသလက္ခဏာ

အရွယ်ရောက်ကောင် - မီးခိုးရောင်ရှိသော ကျိုင်းကောင်ဖြစ်သည်။  

ကာကွယ်နှိမ်နင်းခြင်း

အောက်ပါပိုးသတ်ဆေးများအနက်တစ်ခုခုကို ပက်ဖျန်းပါ။  

ကာဘာရိုင်းလ် (Carbaryl) 

လန်ဘ်ဒါဆိုင်ဟာလိုသရင် (Lambda –cyhalothrin)

၅။ ရွက်စားဖြုတ်ပိုး ( Leafhopper:  Pyrilla perpusilla)

ဖျက်ဆီးပုံလက္ခဏာများ

အရွက်များ အဝါရောင်ပြောင်းလာသည်။ 

ကြပ်ခိုးမှုများဖြင့် ဖုံးလွှမ်းနေသည်။ 

ထိပ်ရွက်များခြောက်လာပြီး ဘေးဖူးများ အညှောင့်ပေါက်လာသည်။ 

ဖျက်ပိုး၏ ဝိသေသလက္ခဏာ

အကောင်ငယ် - နူးညံ့သောကိုယ်ခန္ဓာရှိသည်။ ကျောဖက်အားဖြင့် ညိုနုရောင်ရှိပြီး ဝမ်းဗိုက်ပိုင်းတွင် လိမ္မော်နုရောင်ရှိသည်။ 

အရွယ်ရောက်ကောင် - ကောက်ရိုးရောင်ရှိပြီး ဦးခေါင်းသည် နှာတံကဲ့သို့ ချွန်ထွက်နေသည်။ 

ကာကွယ်နှိမ်နင်းခြင်း

နိုက်ထရိုဂျင်မြေသြဇာ အလွန်အကျွံသုံးစွဲခြင်းကို ရှောင်ကြဉ်ပါ။ 

အလင်းရောင်ထောင်ချောက် တပ်ဆင်ပါ။ 

အောက်ပါပိုးသတ်ဆေးတစ်မျိုးမျိုုးကို ဆေးဘူး/အိတ်ပါ အညွှန်းစာအတိုင်း အသုံးပြုပါ။

မာလာသီယွန် (Malathion)

အဆီတာမီပရစ်ဒ် (Acetamiprid)

၆။ ပျပိုး (Aphid or Plant lice: Rhopalosiphum maidis)

ဖျက်ဆီးပုံလက္ခဏာများ

အရွက်များဝါခြင်း

ဗဟိုရွက်အုံတွင် ပျပိုးအမြုံလိုက်ကို တွေ့ရသည်။

ဖျက်ပိုး၏ဝိသေသလက္ခဏာ

စိမ်းရင့်ရောင်ခြေထောင်များရှိပြီး ကိုယ်ခန္ဓာ အဝါရောင်ရှိသည်။ 

ကာကွယ်နှိမ်နင်းခြင်း

ခံနိုင်ရည်ရှိသောမျိုးကိုစိုက်ပါ။

အောက်ပါပိုးသတ်ဆေးတစ်မျိုးမျိုုးကို ဆေးဘူး/အိတ်ပါ အညွှန်းစာအတိုင်း အသုံးပြုပါ။

အင်မီဒါကလိုပရစ်ဒ် (Imidacloprid)

အဆီဖိတ် (Acephate)

၇။ ညွန့်ဖူးစားကြမ်းပိုး (Shoot bug: Peregrinus maidis)

ဖျက်ဆီးပုံလက္ခဏာများ

အပင်များ ပုသွားပြီး ဝါသွားကြသည်။ 

အရွက်များထိပ်မှအောက်သို့ ညှိုးနွမ်းသွားကြသည်။ 

ပန်းခိုင်ထွက်ခြင်းကို ဟန့်တားခံရပြီး ဆိုးဝါးစွာတိုက်ခိုက်ခံရပါက အပင်များ သေသွား ကြသည်။ 

ကြမ်းပိုးစစ်ထုတ်သော ပျားရည်ချိုးသည် အရွက်များတွင် ကြပ်ခိုးမှိုကို ဖြစ်စေသည်။

ဖျက်ပိုး၏ဝိသေသလက္ခဏာ

ဥ - အရွက်တစ်ရှုးအတွင်းတွင် အုပြီး အဖြူရောင်ဖယောင်းပစ္စည်းဖြင့် ဖုံးထားသည်။ 

အရွယ်ရောက်ကောင် - အလင်းဖောက်နိုင်သော တောင်ပံများရှိပြီး ကိုယ်ခန္ဓာ ဝါညိုရောင်ရှိသည်။ 

ကာကွယ်နှိမ်နင်းခြင်း

အောက်ပါပိုးသတ်ဆေးတစ်မျိုးမျိုးကို ဆေးဘူး/အိတ်ပါ အညွှန်းစာအတိုင်း ပက်ဖျန်းပါ။ 

ဒိုင်မီသိုအိတ် (Dimethoate) 

ဒိုင်နိုတီဖျူရမ် (Dinitefuran)

ဒေါက်တာကိုကို၏စိုက်ပျိုးရေးဆောင်းပါးများလေ့လာရန်

ပြောင်းဖူးတွင်ကျရောက်တတ်သော အင်းဆက်ဖျက်ပိုးများနှင့် ကာကွယ်နှိမ်နင်းနည်းများဆောင်းပါးကို KMSS အဖွဲ့က ကူညီပံ့ပိုးထားပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။

Read more

Facebook page သို့သွားရန်