မြို့နယ်(၃)မြို့နယ်ကို သီးနှံအာမခံစနစ် စမ်းသပ်ဖော်ဆောင်နေ

07/08/2019 11:30 AM တွင် ဒေါ်နန်းထက်ထက်ချစ် ဒေါ်နန်းထက်ထက်ချစ် မှ ရေးသား ပြီး Greenovator Greenovator မှ ပေးပို့ထားပါသည်။

မြို့နယ်(၃)မြို့နယ်ကို သီးနှံအာမခံစနစ် စမ်းသပ်ဖော်ဆောင်နေ

ဧရာဝတီတိုင်းဒေသကြီးအတွင်းရှိ မြို့နယ်(၃)မြို့နယ်ကို သီးနှံအာမခံစနစ် စမ်းသပ်ဖော်ဆောင်နေ ကြောင်း Global World Insuranceကုမ္ပဏီ မှသိရပါတယ်။ ဒုတိယနှစ်အတွက် သီးနှံအာမခံစနစ်ကို မြို့နယ်(၃) မြို့နယ်မှာ လုပ်ဆောင်နေပြီး ဧက(၃၀၀) ဖော် ဆောင်သွားမှာဖြစ်တယ်လို့ Global World Insuranceကုမ္ပဏီ မှဒါရိုက်တာဦးစိုးဝင်းသန့်ကပြော ပါတယ်။

“ဧရာဝတီတိုင်းကမြို့နယ်(၃)မြို့နယ်ကို ဒီနှစ်အတွက်လက်သင့်ခံပေးနေပါတယ်။ တစ်မြို့နယ် ဧက (၁၀၀)စီနဲ့ ဧက(၃၀၀)ဖော်ဆောင်ပေးနေပါတယ်။ ကွင်းဆင်းနေတယ်။ဟင်္သာတကို ဒီတစ်ပတ်ထဲမှာ စပြီးလက်သင့်ခံနေပါပြီ။ စပါးတစ်မျိုးကိုပဲလုပ်ဆောင် နေတာပါ” ဧရာဝတီတိုင်းဒေသကြီးအတွင်းရှိ ဟင်္သာတ ၊ ပုသိမ် နဲ့ လပွတ္တာမြို့နယ်တို့ကို ယခုနှစ်မှာစမ်းသပ် ဖော်ဆောင်သွားမှာဖြစ်ကြောင်းလည်းသိရပါတယ်။

ယခုနှစ်အတွင်းမှာ ထပ်မံ၍ ပဲခူးတိုင်းဒေသကြီးနဲ့မကွေးတိုင်းဒေသကြီးကို သီးနှံအာမခံစနစ်ဖော် ဆောင်နိုင်ရန်အတွက် စီစဉ်လုပ်ဆောင်နေကြောင်း Global World Insuranceကုမ္ပဏီမှသိရပါတယ်။

တိုးတိုးခိုင်(ABM)