ရန်ကုန်ဘုရင့်နောင်ဈေးကွက်မှာ တစ်ပိဿာကို ၂၅၀ ကျပ်ဈေးတက်လာတဲ့ ပဲတီစိမ်းအပါအဝင် တစ်ပတ်စာဈေးကွက်သုံးသပ်ချက်

ပဲစင်းငုံနီ

ပြီးခဲ့တဲ့အပတ်နဲ့ယှဉ်ရင် ဈေးအနည်းငယ်ပြန်မြင့်တက်လာပါတယ်။ ဒေါ်လာဈေးအနည်းငယ်ပြန်မြင့်တက်လာတဲ့အတွက် ဈေးပြန်မြင့်လာတာဖြစ်ပြီး အရောင်းအဝယ်ကတော့ အေးတယ်လို့သိရပါတယ်။ ရေကြီးမှုတွေကကြောင့် ဈေးကွက်ထဲ အဝင်လည်း မရှိသလောက် ရှားနေပြီး ဈေးကွက်ဖွင့် ထားတဲ့ အခြေအနေသာရှိတယ်လို့ နယ်ကုန်သည်အချို့ကတော့ ဆိုပါတယ်။

အိန္ဒိယနိုင်ငံတွင်းမှဦတော့ ပဲစင်းငုံနီကတော့ဆက်ပြီး မြင့်တက်နိုင်ဖို့ ရှိတယ်လို့ ခန့်မှန်းထားပြီး လက်ရှိပြည်တွင်း မှာလည်း လက်ကျန်မရှိသလောက် ဖြစ်နေတဲ့အတွက် ပဲစင်းငုံနီဈေးကတော့  ဆက်ပြီးမာနိုင်ဦးမယ်လို့သုံးသပ်မှုတွေရှိပါတယ်။ ဒါပေမယ့် FOB ဈေးနှုန်းက ဆက်ပြီး ကျဆင်းနေဆဲ အခြေအနေလည်း ဖြစ်ပါတယ်။

ရန်ကုန်စျေးကွက်မှာ ပြီးခဲ့တဲ့ အပတ်သောကြာနေ့က ပဲစဥ်းငုံနီတစ်တန်ကို ကျပ် ၄၈၀၀၀၀၀  ကျပ်၊ တနင်္လာနေ့မှာ တစ်တန်ကို ၄၇၅၀၀၀၀ ကျပ် ၊ အင်္ဂါနေ့မှာ တစ်တန်ကို ၄၇၃၇၀၀၀၊ ဗုဒ္ဓဟူးနေ့မှာ တစ်တန်ကို ၄၇၅၀၀၀၀၊ ကြာသပတေးနေ့မှာ တစ်တန်ကို ၄၈၀၀၀၀၀ နဲ့ သောကြာနေမှာတော့ ၄၈၇၅၀၀၀၀ ပေါက်ဈေးရှိပြီး  ပြီးခဲ့တဲ့ အပတ် သောကြာနေ့နဲ့  ယှဉ်ရင် တစ်တန်ကို ၇၅၀၀၀ ကျပ်ဈေးမြင့်တက်လာပါတယ်။

ပြည်တွင်း FOB ဈေးနှုန်းကတော့  တစ်တန်ကို ၁၀၇၀ မှ ၁၀၈၀ ဒေါ်လာ ရှိပြီး တ ဒေါ်လာ ၅၀ ဈေးကျဆင်းသွားပါတယ်။  

ပဲတီစိမ်း

ပဲတီစိမ်းကတော့ နေ့စဉ် ဈေးကွက်ထဲ အဝင်ပေါ် မူတည်ပြီး အတက်အကျ အနည်းငယ်သာ ရှိနေပါတယ်။ နေရာအနှံ့မိုးရွာတာတွေကြောင့် အရောင်းအဝယ်ကတော့ အေးပါတယ်။

ရန်ကုန်ဘုရင့်နောင်ဈေးကွက်မှာ ပဲတီစိမ်း(ခရမ်းရွှေဝါ)၊ (ပဲခူးရွှေဝါ)၊ ဝါးခယ်မ၊ အညာတို့က တစ် ပိဿာ ကို ၄၃၃၀ ကနေ ၅၈၅၀  ကြားပေါက်ဈေးရှိနေပြီး  တစ်ပိဿာကို ၂၅၀ ကျပ်ဈေးတက်ပါတယ်။ 

မန္တလေးဈေးကွက်မှာတော့ ပဲတီစိမ်း(အညာ) အသစ်က က သုံးတင်းဝင်တစ်အိတ်ကို ၁၈၅၀၀၀  မှ ၂၅၀၀၀၀ ပေါက်ဈေးရှိပြီး ဈေးငြိမ်ပါတယ်။

နယ်ဈေးကွက်တွေမှာတော့ ပဲတီစိမ်း တစ်တင်းကို ၄၀၀၀၀ မှ ၆၀၀၀၀ ကြားရှိနေပြီး ၂၀၀၀ ကျပ်ဈေးကျဆင်းသွားပါတယ်။

ပြောင်း 

ပြောင်းကတော့ ဈေးကွက်ထဲ အသစ်တွေ အဝင်ရှိနေပေမယ့် ရှမ်းပြည်နယ်ဘက် ရေကြီမှုများကြောင့် ပျက်စီးတာတွေ ရှိခဲ့တဲ့အတွက် အဝင်မရှိသလောက် ဖြစ်ကာ အတက်ဈေးနဲ့ ရှိနေပါတယ်။  ပြည်ပတင်ပို့ရာမှာလည်း လမ်းပန်းဆက်သွယ်‌ရေး အခြေအနေများကြောင့် ဝယ်ယူမှုကတော့ လျော့နည်းသွားပါတယ်။

ရန်ကုန်ဈေးကွက်မှာတော့ ပြောင်းဆံ တစ်ပိဿာကို ၁၇၃၀ မှ ၁၇၅၀ ကြား ရှိပြီး ဈေးငြိမ်ပါတယ်။

မန္တလေးဈေးကွက်မှာတော့ ၃ ရက်နီးပါး ဈေးဖွင့် ခြင်းမရှိပါဘူး။မုံရွာ ဈေးကွက်မှာတော့ စီပီပြောင်း တစ်တင်း ကို ၃၂၀၀၀ ကြားရှိပြီး တစ်အိတ်ကို ၂၀၀၀လောက်ဈေးတက်ပါတယ်။

ကြက်သွန်ဖြူ

ကြက်သွန်ဖြူ(ကြူကုတ်)ရော ရှမ်းရော အဝင်များလာပေမယ့် အဝယ်သွက်နေတဲ့အတွက်ကြောင့် ဈေးက ပြန်မြင့်တက်လာပါတယ်။ နေ့စဉ် ဈေးကွက်ထဲကို ပိဿာချိန် တစ်သောင်း နဲ့ အထက် အဝင်ရှိနေပါတယ်။

ရန်ကုန်ဈေးကွက်မှာ ကြက်သွန်ဖြူ(ကြူကုတ်)က တစ်ပိဿာကို ၁၈၃၀၀ မှ ၁၈၅၀၀ ပေါက်ဈေးရှိပြီး တစ်ပိဿာကို ၁၅၀၀ ကျပ်ဈေးမြင့်တက်လာပါတယ်။

ကြက်သွန်ဖြူ(ရှမ်း)ကတော့ တစ်ပိဿာကို ၁၀၀၀၀ မှ ၁၃၀၀၀ ပေါက်ဈေးရှိပြီး တစ်ပိဿာကို ၁၅၀၀ ကျပ် ဈေးတက်ပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်