စပါးစိုက်ပျိုးနည်း (တောင်သူလက်စွဲ- ဦးဘဟိန်း) (၁)

အခန်း (၁)
စပါးမျိုး ရွေးချယ်ခြင်း

၁.၁ ကိုယ့်လယ်ကွက် ကိုယ့်ဒေသနဲ့ ကိုက်ညီတဲ့မျိုးကို ရွေးချယ်စိုက်ပျိုးပါ။

ဘာကြောင့် ရွေးချယ်ရတာလဲ။

သီးနှံပင် သန်စွမ်းတယ်၊ ဖြစ်ထွန်းတယ်။
အထွက်ကောင်းတယ်။
စျေးကွက်ရှိတယ်။

ဘယ်လိုရွေးချယ်မလဲ ... .. .

ကြိတ်ခွဲရာမှာ ဆန်ထွက်ကောင်းရမယ်။
ချက်ပြုတ်ရာမှာ အိုးတက်ရမယ်။
စားသုံးရာမှာ ကောင်းရမယ်။
အထွက်ကောင်းရမယ်။
အထွက်နှုန်း တည်ငြိမ်ရမယ်။
ပိုးမွှားဒဏ် ခံနိုင်ရမယ်။
မိုးလို မိုးခေါင်ဒဏ် ခံနိုင်ရမယ်။
ရေကြီး နစ်မြုပ်ဒဏ်ခံနိုင်ရမယ်။
ပင်ပွားထွက်အားကောင်းရမယ်။ ဒါမှ ပေါင်းမြက်ကို ဖိနှိမ်နိုင်မယ်။ ပင်ပွားများပြီး အထွက်ကောင်းရမယ်။ အပင်ယိုင်လဲမှု ကင်းရမယ်။ ဓာတ်မြေသြဇာ နည်းနည်းထည့်သော်လည်း သင့်တင့်တဲ့စပါးအထွက်ရှိရမယ်။

ဘယ်လိုဆုံးဖြတ်ချက်ချမလဲ ... .. .

ရွေးချယ်ထားတဲ့မျိုးကို သုံးရာသီခန့်စိုက်ပျိုးပါ။ အထက်မှာ ဖော်ပြထားတဲ့ အရည်အချင်းတွေရှိရင် ကိုယ့်လယ်ကွက် ကိုယ့်ဒေသနဲ့ ကိုက်ညီတဲ့မျိုးလို့ ဆုံးဖြတ်ချက်ချနိုင်ပါပြီ။

၁.၂ စိုက်ပျိုးရေး သုတေသန(ရေဆင်း)က ထောက်ခံထားတဲ့ ရေ မြေ ဒေသစိုက်စနစ်အလိုက် ရွေးချယ်စိုက်ပျိုးရမည့် မျိုးများ။

ရေတော် မိုးတော် ဒေသများ ... .. .

ကျော်ဇေယျ၊ မနောသုခ၊ ရွှေဝါထွန်း၊ ရွှေသွယ်ထွန်း၊ ဆင်းသိဂီ၊ ဆင်းဧကရီ-၂၊ ဆင်းဧကရီ-၃၊ ဆင်းသီရိ၊ ဆင်းရွှေဝါ၊ ဆင်းသွယ်လတ်၊ ဆင်းနွယ်ရင်၊ မှော်ဘီ-၁၊ မှော်ဘီ-၂၊ မှော်ဘီ-၃၊ မှော်ဘီ-၅၊ ရွှေသွယ်ရင်၊ ရွှေမြန်မာ၊ ရေဆင်းလုံးသွယ်၊ သုခရင်၊ ပုလဲသွယ်၊ ရွှေသွယ်လေး၊ ရွှေသွယ်ထွန်း၊ လုံးသွယ်မွှေး။

ရေနေရေထိုင် တောင်ဆုပ်/တစ်တောင်ခန့်ရှိ လယ်ကွက်ဒေသများ ... .. .

ကျော်ဇေယျ၊ ဧရာမင်း၊ ရွှေမန်း-၁၊ အင်းမရဲဘော်၊ ငကျွဲ၊ ပေါ်ဆန်းမွှေး၊ပေါ်ဆန်းရင်၊ ရွှေတစ်ဆုပ်၊ ရေနက်-၃၊ ရေနက်-၄။

ရေနက်ကွင်းဒေသများ ... .. .

ရေနက်-၁၊ ရေနက်-၅၊ ဆစ်ပွား၊ တတောင်ပို၊ တောင်ထိ၊ ယိုးဒယား။

ဆားငန်ရေဝင်ဒေသများ ... .. .

ဆားငန်ခံ-၂၊ ဆားငန်ခံ-၃၊ ဆားငန်ခံ-၄၊ လက်ရုံးကြီး၊ ရခိုင်သူမ။

မိုးပါးရေရှားဒေသများ ... .. .

ယာ-၂၊ ယာ-၄၊ ယာ-၅၊ ယာ-၈၊ ယာ-၉၊ ယာ-၂ ထွန်း၊ ခေါက်ဒင်။

တောင်ပေါ်ဒေသများ ... .. .

လယ်စပါးအတွက် - သီးထပ်ရင်၊ ဆင်းရွှေဝါ၊ မှော်ဘီ-၂၊ ဆင်းဧကရီ-၃၊ စိန်တလေး၊ ရွှေရင်အေး၊ ရေဆင်းလုံးသွယ်၊ သုခရင်၊ ဘာစမာတီ-၃၇၀၊ ကုန်းမြင့်-၂၊ ကုန်းမြင့်-၄။
ယာစပါးအတွက် - ဒေသစပါးများ။

နွေစပါး(မျိုးစေ့တိုက်ရိုက်ချစနစ်) ... .. .

ရွှေသွယ်ရင်၊ သီးထပ်ရင်၊ ရတနာအောင်၊ ရွှေမြန်မာ၊ ရေဆင်းလုံးသွယ်၊ သုခရင်၊ ရေဆင်း-၂၊ ဆင်းနွယ်ရင်၊ ရတနာတိုး။

၁.၃ မျိုးစေ့ကောင်းကိုသာ စိုက်ပျိုးပါ။

မျိုးစေ့ကောင်းကို ဘာကြောင့်စိုက်ပျိုးရသလဲ ... ..

မျိုးစေ့နှုန်းကို လျှော့ချနိုင်တယ်။
အစေ့ ၁၀၀ မှာ ၈၀ စေ့ (၈၀ ရာခိုင်နှုန်း) အပင်ပေါက်တယ်။
ကျင်းပျောက်ပင်ပျောက် ဖာထေးရသက်သာတယ်။
အပင်ညီညာတယ်။
အပင်ကြီးထွားမြန်တယ်။ ဒါကြောင့် ပေါင်းကိုစီးနိုင်တယ်။
ပိုးမွှားရောဂါဒဏ်ကို ခံနိုင်ရည်ရှိတယ်။ သာမန်မျိုးစေ့နဲ့ စိုက်ပျိုးလို့ စပါးတင်း ၁၀၀ ထွက်တယ်ဆိုရင် မျိုးစေ့ကောင်းကို အသုံးပြုမယ်ဆိုပါက စပါး ၁၀၅ တင်းမှ ၁၂၀ တင်းအထိထွက်တယ်။ အနည်းဆုံး ၅ တင်းမှ အများဆုံး ၂၀ တင်း (၅ မှ ၂၀ ရာခိုင်နှုန်း) အထိ ပိုမိုထွက်ရှိနိုင်တယ်။

မျိုးစေ့ကောင်းဆိုတာဘာလဲ ... .. .

မျိုးသန့်တယ်။
အစေ့အဆံပြည့်ဖြိုးတယ်။
အစေ့အရွယ်အစားညီညာတယ်။
အပင်ပေါက်နှုန်း ၈၀ ရာခိုင်နှုန်း အထက်ရှိတယ်။ (အစေ့ ၁၀၀ မှာ အနည်းဆုံး ၈၀ စေ့ အပင်ပေါက်တယ်)
ပိုးထိုးလောက်ကိုက်ကင်းတယ်။ ရောဂါကင်းတယ်။
ပေါင်းစေ့၊ အခြားစပါးစေ့နဲ့ အဖျင်းအမှော် ဖုံ၊ခဲ၊သဲ ကင်းစင်တယ်။

မျိုးစေ့ကောင်းကို ဘယ်လိုရနိုင်သလဲ ... .. .

မြန်မာ့စိုက်ပျိုးရေးလုပ်ငန်းနဲ့ စိုက်ပျိုးရေးသုတေသနဌာန (ရေဆင်း၊ ပျဉ်းမနား နေပြည်တော်) တို့ထံမှ ဝယ်ယူရရှိနိုင်တယ်။
ကိုယ့်အားကိုယ်ကိုး၊ ကိုယ့်မျိုးကိုယ်ထားစနစ် ကျင့်သုံးနိုင်တယ်။

၁.၄ ကိုယ့်အားကိုယ်ကိုး ကိုယ့်မျိုးကိုယ်ထားစနစ် ဆောင်ရွက်ပုံနည်းလမ်း။

မြေဆီထက်သန်တဲ့ လယ်မြေကို ရွေးချယ်ပါ။
မြန်မာ့စိုက်ပျိုးရေးလုပ်ငန်း (သို့) စိုက်ပျိုးရေးသုတေသနဌာန(ရေဆင်း/ပျဉ်းမနား-နေပြည်တော်)မှ မျိုးစေ့ကို ဝယ်ယူပါ။
သမန်းပြင်ညီညာအောင်၊ သမန်းပုတ်အောင်၊ သမန်းညက်အောင်၊ ကောက်မစိုက်မီ သမန်းအိပ်အောင် လုပ်ဆောင်ပါ။
တိုတုတ်သန်မာပြီး အမြစ်ဖွံ့ဖြိုးတဲ့ ပျိုးပင်တွေရရှိအောင် ဧရိယာကျဉ်း အစိုပျိုးထောင်နည်းစနစ်ကို ကျင့်သုံးပါ။
ပျိုးသက်(၁၅-၂၀)ရက်သားကို ၁ ကျင်း ၂ ပင်နှုန်းနဲ့ ပင်ကြား ၉ လက်မ၊ တန်းကြား ၉ လက်မ အကွာအဝေးထားပြီးစိုက်ပါ။
ဓာတ်မြေသြဇာကို ထောက်ခံနှုန်းထားအတိုင်း အသုံးပြုပါ။
ပင်ပွားအများဆုံးထွက်ချိန်၊ အနှံထွက်ချိန်နဲ့ စပါးမရိတ်သိမ်းမီအချိန်မှာ မျိုးကွဲပေါင်းမြက်နဲ့ ပိုးမွှားရောဂါကျရောက်နေတဲ့ အပင်များကို နှုတ်ပယ်ပါ။
မောင်းညိုချိန် (အစေ့ ၁၀၀ မှာ အစေ့ ၈၀ မှ ၈၅ စေ့ခန့် ကောက်ရိုးရောင်ပြောင်းချိန်) မှာ ရိတ်သိမ်းပါ။
သီးခြားချွေလှေ့ ပြာတီးသန့်စင်ပါ။ ချွေစက်နှင့် တောင်းများအတွင်း အခြားစပါးမျိုးစေ့များ လုံးဝမပါအောင်သန့်စင်ပါ။)
အစိုဓာတ် ၁၂ မှ ၁၄ ရာခိုင်နှုန်းအထိ ရောက်ရှိအောင် အခြောက်လှန်းပါ။ (စပါးစေ့ကို ရှေ့သွားနဲ့ ဖိညှပ်ပြီးကိုက်လို့ ထောက်ခနဲအသံမည်ပါက အစိုဓာတ် ၁၂ မှ ၁၄ ရာခိုင်နှုန်း ရှိတယ်လို့သတ်မှတ်နိုင်ပါတယ်။)
ခြောက်သွေ့တဲ့စပါးကို စည်ပိုင်း၊ စဉ့်အိုး၊ ပလပ်စတစ်ပုံး၊ ပုတ် စသည်တို့အတွင်း အပြည့်အသိပ်ထည့်သွင်းပြီး လေလုံသိုလှောင်ထားပါ။
အေးပြီး ခြောက်သွေ့သန့်ရှင်းတဲ့နေရာမှာ ထားပါ။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...