သလဲသီး စိုက်ပျိုးခြင်း

သလဲပင်၏ မူရင်းဒေသသည် အီရန်နိုင်ငံဖြစ်၍ အီရန်နိုင်ငံမှ အိန္ဒိယမြောက်ပိုင်းသို့ ကျယ်ပြန့်လာပြီး မြေထဲပင်လယ်ဒေသတစ်လျှောက်တွင် စိုက်ပျိုးလာကြသည်။ ၁၆ရာစုနှောင်းပိုင်းတွင် စပိန်အမေရိကားနှင့် ကယ်လီဖိုးနီးယားတို့တတွင် စတင်စိုက်ပျိုးလာကြသည်။

သလဲသီးကို ကမ္ဘာ့မြောက်ပိုင်းတွင် စက်တင်ဘာလမှ ဖေဖော်ဝါရီလတွင် စိုက်ပျိုးကြပြီး ကမ္ဘာ့တောင်ပိုင်းခြမ်းတွင် မတ်လမှ မေလတွင် စိုက်ပျိုးဖြစ်ထွန်းသည်ဟု သိရသည်.။

သလဲပင်သည် ချုံပုတ်ပင်အမျိုးအစားဖြစ်သည်။ သလဲပင်၏အပွင့်သည် အနီရောင်တောက်ပသောအရောင်ရှိပြီး အချင်းဝက် ၁ လက်မခန့်ရှိသည်။ သလဲသီး၏အရောင်သည် မမှည့်ခင် စိမ်းဝါရောင်ရှိပြီး မှည့်ပါက အနီရောင်အဖြစ် တွေ့ရပါသည်။ သလဲသီး၏အရွယ်အစားမှာ အချင်း ၂လက်မ မှ ၄.၅လက်မ အထိ ရှိနိုင်သည်။ သလဲပင်ကို အသီးရရှိရန်အတွက် စိုက်ပျိုးကြသကဲ့သို့ ပန်းခြံများနှင့် ဥယျာဥ်များတွင် အလှစိုက်သစ်ပင်/ ချုံပုတ်ပင်ငယ်များအဖြစ် စိုက်ပျိုးကြသည်။ သလဲပင်၏ အပင်အမြင့်သည် ပြုစုသည့်အခြေအနေပေါ်တွင် မူတည်၍ (၁၆)ပေမှ (၃၃)ပေအထိ ရှိနိုင်သည်။

အင်္ဂလိပ်အမည် - Pomegranate

ရုက္ခဗေဒအမည် - Punica granatum

မျိုးရင်း - Punicaceae

သလဲသီးစိုက်ပျိုးခြင်း

သလဲသီးပင်သည် ရေငတ်ဒဏ်ကို ကောင်းစွာခံနိုင်ပြီး အအေးဒဏ်ကိုလည်း အတော်ခံနိုင်သည်။ မြေမရွေး စိုက်ပျိုးနိုင်ပြီး နုန်းဆန်သောမြေတွင် ပိုမို ထွက်ရှိနိုင်သည်။ သလဲပင်သည် မိုးခေါင်ရေရှားမှုဒဏ်ကို ခံနိုင်ရည်ရှိပြီး မြေထဲပင်လယ်ဆောင်းရာသီမိုးရွာသွန်းမှု နှင့် နွေရာသီမိုးရွာသွန်းမှုအခြေအနေတို့တွင်လည် စိုက်ပျိုးနိုင်သည်။ သလဲပင်သည် နှင်းခါးရိုက်ဒဏ်ကို အသင့်အတင့်ခံနိုင်ရည်ရှိ၍ -၁၂ ဒီဂရီစင်တီဂရိတ် (၁၀ဒီဂရီဖာရင်ဟိုက်) တွင်လည်း စိုက်ပျိုးနိုင်သည်။

သလဲသီးသည် မြေမရွေးစိုက်ပျိုးနိုင်သော အပင်မျိုးတွင် ပါ၀င်ပါသည်။ သလဲပင်ကို အစေ့မှလည်း စိုက်ပျိုးနိုင်သည်။ ကိုင်းဖြတ်စိုက်ခြင်း၊ မြေထုပ်စည်းခြင်းတို့ဖြင့် စိုက်ပျိုးနိုင်သည်။ ကိုင်းဖြတ်၍ စိုက်ပျိုးလိုပါက (၉) လက်မမှ (၁)ပေခန့် ဖြတ်ယူပြီး ကိုင်းတစ်ခုလုံးကို မြေတွင် မြုပ်၍ ပျိုးထောင် ရသည်။ ပျိုးဘောင်တွင် တစ်နှစ် ၊ နှစ်နှစ်ခန့် ထားပြီးနောက် စိုက်ခင်းသို့ ရွှေ့ပြောင်းစိုက်ပျိုးရသည်။

စိုက်ခင်းတွင် စိုက်ကျင်းများကို (၂)ပေပတ်လည် (၂)ပေအနက်တူးပြီး မြေဆွေး သုံးလေးတင်း ထည့်ပေးရသည်။ စိုက်ကျင်းများကို ဆယ်ပေခန့်ခွာ၍ တြိဂံပုံ စိုက်စနစ်အရ တူးဖော်စိုက်ပျိုးသင့်သည်။ နွေရာသီတွင် အပင်ငယ်များကို ရေမကြာမကြာ လောင်းပေးရသည်။ မိုးဦးကျတွင် တစ်ကြိမ်နှစ်ကြိမ် မြေဆွေးကောင်းကောင်း ဖလှယ်၍ ထည့်ပေးရသည်။

စိုက်ခင်းတွင် နှစ်နှစ် သုံးနှစ်ရှိသောအခါ အသီးစသီးရာ အပင်ခြေမှ နှစ်ပေခွဲခန့်အကွာတွင် ခြောက်လက်မမှ ရှစ်လက်မ အနက် မြောင်းဝိုင်းတူးဖော်ပြီး မြေဆွေးကောင်းကောင်း နှစ်စဉ် ဖလှယ်ပေးရမည် ဖြစ်သည်။ စိုက်ခင်းတွင် လေးနှစ်မပြည့်မီ ပွင့်သော အပွင့်များကို ဖယ်ရှားခြင်းဖြင့် နောင်အသီးများကို ကောင်းမွန်စေနိုင်သည်။

လေးနှစ်သားမှစ၍ အသီးကောင်းစွာ သီးသည်။ ဒီဇင်ဘာ၊ ဇန်နဝါရီတွင် တစ်ခါ ၊ စက်တင်ဘာလတွင် တစ်ခါ ၊ အသီးများဆွတ်ခူးနိုင်သည်။

စက်တင်ဘာ အသီးသည် ပိုမိုကောင်းပြီး ဈေးလည်းပိုကောင်းသည်။ မှည့်မှခူးသော အသီးကို ရက်သတ္တပတ် အနည်းငယ်သာ ထားနိုင်ပြီး မမှည့်မီ ခူးသော အသီးများကို ခြောက်သွေ့၍ အေးသော အခန်းတွင် ခြောက်လခန့် သိုလှောင်ထားနိုင်သည်။

သလဲတွင်ကျရောက်တတ်သော ဖျက်ပိုးမျာ

(၁) သလဲသီးလိပ်ပြာ

ပိုးတုံးလုံးတို့သည် အပွင့်မှ အသီးကို ဖျက်ဆီးသည်။

(၂) ပင်စည်ဖောက်ပိုး

အကိုင်းထိုးဖောက် ဝင်ရောက်ဖျက်ဆီးသည်။

အသီးမှည့်များသည် ပုရွက်ဆိတ်များကျရောက်မှုကို အားပေးသည်။

သလဲတွင် ကျရောက်တတ်သော ရောဂါမျာ

(၁) သလဲအရွက်နှင့်သီးပြောက်ရောဂါ (မှိုရောဂါ)

(၂) ရွက်ပြောက်ရောဂါ (ဘက်တီးရီးယား ရောဂါ)

အရွက်ပေါ်တွင် အပြောက်များဖြစ်ပေါ်ပြီး ပြင်းထန်က အရွက်ကြွေကျတတ်သည်။

(၃) အသီးပုပ်ရောဂါ (မှိုရောဂါ)

သလဲသီးကို Smoothie ဖျော်ရည်အနေဖြင့် အသုံးပြုကြပြီး ပေါင်မုန့်ဖုတ်ခြင်း၊ ချက်ပြုတ်ခြင်း၊ ဖျော်ရည်ရောစပ်ခြင်း၊ ယမကာဖျော်ရည်အနေဖြင့် ကော့တေး၊ ဝိုင်တို့တွင် အသုံးပြုကြသည်။ သလဲသီးအရည်သည် ကင်ဆာပြန့်နှံ့မှုကို တားဆီးနိုင်ကြောင်း တွေ့ရပါသည်။

သလဲသီးသည် ကျန်းမာရေးဆိုင်ရာ အကျိုးကျေးဇူးများသော အသီးလည်းဖြစ်သည်။ သလဲသီး၏ ကျန်းမာရေးဆိုင်ရာကောင်းကျိုးများအကြောင်းကို အစိမ်းရောင်လမ်း၏ အာဟာရနှင့်ကျန်းမာရေးဆိုင်ရာကဏ္ဍတွင် ဝင်ရောက်ဖတ်ရှုနိုင်ပါသည်။

ကျမ်းကိုး

- စိုက်ပျိုးရေးဦးစီးဌာန

- https://en.wikipedia.org/wiki/Pomegranate

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...