ကြယ်ပဲဈေး ထက်ဝက်ကျော်ကျဆင်း

Photo - Shutter stock

   မြန်မာ့ကြယ်ပဲဈေးနှုန်းများမှာ အရင်နှစ်ထက်  တစ်ကီလိုကို ကျပ် ၃၀၀၀ ဝန်းကျင် ကျဆင်းသွားကြောင်း မြန်မာနိုင်ငံကြယ်ပဲအသင်းမှ သိရပါတယ်။

   ထိုင်းနိုင်ငံမှ ဝယ်လိုအားနည်းနေပြီး လမ်းပန်းဆက်သွယ်ရေး မကောင်းတာကြောင့် ဈေးနှုန်းတွေကျဆင်းရတာဖြစ်တယ်လို့  မြန်မာနိုင်ငံ ကြယ်ပဲအသင်းမှ ဒုတိယဥက္ကဌ ဦးသန်းအောင်ကပြောပါတယ်။

   “ကြယ်ပဲကို အဓိကထားတင်ပို့နေတဲ့ ထိုင်းနိုင်ငံက သူတို့ရာသီထွက်ချိန်တွေရောက်တော့ ဝယ်လိုအားနည်းသွားတယ်။ ပြီးတော့ ကြယ်ပဲကိုတင်ပို့နေတဲ့ လမ်းပန်းဆက်သွယ်ရေးအခြေအနေကလည်း မကောင်းတော့ ဈေးနှုန်းက အရင်နှစ်ထက်ကျဆင်းသွားတယ်”

   ကြယ်ပဲတစ်ကီလိုကို ကျပ် ၆၀၀၀ ဝန်းကျင်ရရှိခဲ့ရာမှ အခုနှစ်မှာ ကျပ် ၃၀၀၀ ဝန်းကျင်သာရရှိကြောင်း မြန်မာနိုင်ငံကြယ်ပဲအသင်းမှ သိရပါတယ်။ 

   ကြယ်ပဲကို ရှမ်းပြည်နယ်(အရှေ့ပိုင်း)၊ မန္တလေးတိုင်းဒေသကြီး၊ ရှမ်းပြည်နယ်(မြောက်ပိုင်း) နဲ့ မကွေးတိုင်းဒေသကြီးတို့မှာ အများဆုံးစိုက်ပျိုးကြောင်း အဆိုပါအသင်းမှသိရပါတယ်။

တိုးတိုးခိုင်(ABM)



ယခုဆောင်းပါးက သင့်အတွက် အသုံးဝင်ပါသလား?

  စကားပုံ  

"တမန်းအိုအို ပျိုးပျိုပျို"