Plastic bottle (ရေဘူး) အသုံးပြု ရေအစက်ချစနစ် ပြုလုပ်ခြင်း အပိုင်း (၁)

               ရေမကြာမကြာလောင်းရန် အချို့အပင်များ လိုအပ်ပေမဲ့ အပင်တိုင်းတော့ မလိုအပ်ပါ။ ရေလိုအပ် ချက်များသော အပင် များကို ကိုယ်တိုင် မကြာခဏတွေ့ရပေမဲ့ ရေမကြာခဏမလောင်းချင်ရင် (Drip irriagation) အစက်ချရေပေးတဲ့စနစ် ကိုတပ်ဆင်အသုံးပြုနိုင်ပါသည်။

               PreMade (အသင့်သုံး အစက်ချရေပိုက်များ) ကို စတိုးဆိုင်များမှ အလွယ်တကူဝယ်ယူနိုင်ပေမဲ့ ဈေးကြီးပါသည်။ ( Plastic bottle) ရေဘူးများကို အသုံးပြု၍ အလွယ်တကူ ကိုယ်တိုင်ပြုလုပ်ခြင်းဖြင့် ဈေးနှုန်းသက်သာစွာဖြင့် ရေ အစက်ချစနစ်ကို အသုံးပြုနိုင်စေမှာ ဖြစ်ပါတယ်။ ထို့ပြင် စွန့်ပစ်ပစ္စည်းများကို ပြန်လည်အသုံးချအားဖြင့် ပတ်ဝန်း ကျင်ကို အကောင်းဆုံးကူညီမှုလည်း ဖြစ်စေပါမည်။

( Plastic bottle ) ရေဘူးများကို အသုံးပြု၍ အစက်ချရေပေးနည်း(၃)နည်းရှိပါသည် -

ပထမနည်း

- ရေကို နှေးကွေးစွာ အစက်ချရေပေးစနစ်ပြုလုပ်ခြင်း(Making a slow release irrigation )

အဆင့် ၁ - ရေဘူးတစ်လုံးကိုယူပါ။ (၂) လီတာဝင်ရေဘူးဆိုရင် ပိုကောင်းပါသည်။ ဒါပေမဲ့ အပင်ငယ်အတွက် ရေဘူးအငယ်ကို အသုံးပြုနိုင်ပါသည်။ ရေဘူးကို ရေသန့်စင်အောင်ဆေးပါ။ တံဆိပ်များကိုဖြုတ်ပါ။

အဆင့် ၂ - ဘူးအဖုံးကိုဖွင့်ပါ။ သံ နှင့်တူကို အသုံးပြုပြီးအဖုံးပေါ်တွင် အပေါက် ပြုလုပ်ပါ။ အပေါက် များလျှင် ရေကျ မြန်မည်ဖြစ်ပါသည်။ ပြီးလျှင်အဖုံးကိုပြန်၍ ဖုံးပါ။

(မှတ်ချက်။ အလွန်သေးသောအပေါက်များနှင့် သဲပိတ်နိုင်သည့်အပေါက်ငယ်များ မဖြစ်ရန်ရှောင်ကြဉ်ပါ။)

အဆင့် ၃ - ဘူးအောက်ခြေမှ (၁လက်မ = 2.54 cm) အမြင့်ကိုဖြတ်ပါ။ တကယ်လို့ Soda (အချိုရည်) ဘူး အခြေမှာလိုင်းရှိနေလျှင် အဲဒီလိုင်းပေါ်မှာဖြတ်ပါ။

အဆင့် ၄ - သုံးစွဲမည့်ဘူး၏ တစ်ဝက်ခန့်မြှုပ်သောအနက် ရောက်သည်အထိ ကျင်းတူးပါ။ အပင်၏ ပင်စည်မှ (4 - 6 လက်မ) (10.11-15.24 cm) အကွာတွင်ကျင်းတူးပါ။ နေရာပြုလုပ်ပါ။ စိုက်ပျိုးထွက်ရှိနေသာ အပင်ဘေးတွင် ကျင်း တူးမည်ဆိုပါက အမြစ်ကိုမဖြတ်မိရန်သတိပြုပါ။

အဆင့် ၅ - ဘူးကိုအဖုံးပြန်ဖုံးပြီး အဖုံးပါသောဘက်ကို တွင်းထဲသို့မြှုပ်ပါ။ ဘူးကိုမြေကြီးထဲသို့ နစ်အောင် မြှုပ်နိုင် ပေမဲ့ မြေကြီးအပေါ်မျက်နှာပြင်မှာ အနည်းဆုံး ( ၁လက်မ = 2.54 cm) ရေဘူးဖြတ်ထားသောအပိုင်း၏ နှုတ်ခမ်းအဝကျန် ရမည်။ သို့မှသာ ရေဘူးထဲသို့ ရေထည့်တိုင်း မြေကြီးဝင်ရောက်ခြင်းမှ ကာကွယ်နိုင်မည်။

အဆင့် ၆ - ဘူးကို အပေါက်ဖောက်ထားသောအဖုံးဖြင့် ပြန်ဖုံးပြီး အဖုံးပါသောဘက်မှ တွင်းထဲသို့မြှုပ်ပြီး ရေဖြည့်ပါ။

Aye Thandar Soe

https://www.wikihow.com/Make-a-Drip-Irrigator-from-a-Plastic-Bottle

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်