ဖြစ်လာနိုင်သည့် လုပ်ငန်းခွင်ဘေးကင်းလုံခြုံရေးနှင့် ကျန်းမာရေးအန္တရာယ်များကို လေ့လာဆန်းစစ်ခြင်း

လွန်ခဲ့သည့်လတွင် လုပ်ငန်းခွင်ဘေးကင်းလုံခြုံရေးနှင့်ကျန်းမာရေး (OSH) ကဏ္ဍ စိုက်ပျိုးထုတ်လုပ်မှုလုပ်ငန်းများတွင် တောင်သူအတွက် လိုက်နာဆောင်ရွက်ရန် အရေးကြီးပုံကို တင်ပြသွားခဲ့ဖြစ်ပါသည်။ ယခုတစ်ပတ် တင်ပြသွားချင်သည့် အကြောင်းအရာကတော့ စိုက်ပျိုးရေးလုပ်ငန်းခွင်မှာ ဖြစ်လာနိုင်ခြေရှိသည့် အန္တရာယ်များကို ကြိုတင်လေ့လာ ဆန်းစစ်ရန်အတွက် လိုအပ်တာများကို တင်ပြသွားမည်ဖြစ်ပါသည်။ ကျေးရွာအဆင့်ထိသင်တန်းများတွင် အဆိုပါဆန်းစစ်မှုများမှာ စိုက်ခင်းနှင့် ကုန်သိုလှောင်ရုံနေရာတို့၌ ဘေးအန္တရာယ်ဖြစ်လာနိုင်သည့်အခြေအနေများကို  တွေ့ရှိရပါသည်။ မြေဩဇာနှင့် အစားအသောက်ရောထားခြင်း၊ လယ်ယာသုံးပစ္စည်းကိရိယာများ စနစ်တကျမထားခြင်း၊ ပိုးသတ်ဆေးဗူးများကို ကလေးလက်လှမ်းမမီသည့်နေရာတွင် ထားသော်လည်း အိတ်ဖြင့်သာချိတ်ထားခြင်း (အောက်တွင် အစားအသောက်သိုလှောင်ထားခြင်း)စသည်တို့ဖြစ်ပါသည်။ 

လယ်ယာလုပ်ငန်းခွင်အတွင်းရှိ ဘေးအန္တရာယ်များကို လေ့လာဆန်းစစ်ပြီး အန္တရာယ်ဖြစ်နိုင်သည့် အခြေအနေရှိပါက ပြုပြင်ဆောင်ရွက်ရန်လိုအပ်ပါသည်။ မိသားစု ဘေးအန္တရာယ်ကင်းမှသာ ငွေများကို ချွေတာနိုင်ပြီ လုပ်ငန်းများလည်း တွင်တွင်ကျယ်ကျယ်ဆောင်ရွက်နိုင်မည် ဖြစ်ပါသည်။ 

ဖော်ပြပါပုံများမှာ လယ်ယာလုပ်ငန်းခွင်မှာရှိသည့် ဘေးအန္တရာယ်များကို အစက်ချသည့်နည်းဖြင့် ဆန်းစစ်ခြင်းဖြစ်ပါသည်။

ဘေးအန္တရာယ်များကို ရှာဖွေမှတ်သားထားပါ 

အောက်ဖော်ပြပါပုံ၌ အနီရောင်အဝိုင်းသည် အန္တရာယ်ဖြစ်နိုင်ချေရှိသည့်အမှတ်အသားဖြစ်ပါသည်။ 

တောသူဉီးကြီးများလည်း မိမိတို့လယ်ယာလုပ်ငန်းခွင်မှာ ဖြစ်လာနိုင်သည့်အန္တရာယ်များကို ဆန်းစစ်ခြင်းပြီး ကြိုတင်ကာကွယ်ခြင်းဖြင့် ကျန်းမာပြီး ဘေးကင်းလုံခြုံသည့် လုပ်ငန်းခွင်ဖြစ်ပါစေ။ 

ILO-Myanmar

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်