ငါးသားပေါက်များကို သန့်စင်ခြင်း၊ ပိုးသတ်ခြင်း၊ သယ်ယူပို့ဆောင်ပြီး ကန်ရေသစ်တွင်နေသားကျစေရန် လေ့ကျင့်ပေးခြင်း၊ ငါးသားပေါက်စတင်မွေးမြူခြင်းနှင့် ရှင်သန်မှု ခန့်မှန်းခြင်း။

 ကျန်းမာသန်စွမ်းသောငါးသားပေါက်ရွေးချယ်ခြင်း

 (၁)ကျန်းမာ သန်စွမ်းသော ငါးသန်၏ လက္ခဏာများ

• အရည်အသွေးတောက်ပြောင် လင်းလက်နေသည်။

• ကိုယ်ခန္ဓာ ချွဲကပ်နေသည်၊

• ခန္ဓာကိုယ် ပုံစံမှန် ဖြစ်သည်။

• ကိုယ်ပေါ်တွင်လည်းကောင်း၊ ပါးဟပ်တွင်လည်းကောင်း၊ အနက်အစက်ပျောက်များမရှိ

• အမြီးမှ ကိုင်မြှောက်ထားလျှင် ဦးခေါင်းကို သွက်လက်စွာ ခါယမ်းသည်။

• ငါးသားပေါက်များ ထည့်ထားသော ပုံးတို့ကို ရိုက်ပုတ်လျှင် ငါးများခုန်ကူးသည်။
  ရေစီးတွင် အမြဲကူးခတ်လျက် ရှိပြီးထောင့်ကပ်နားနေခြင်းမရှိပါ။

 (၂) မသန်စွမ်းသော ငါးသန်၏ လက္ခဏာများ

• ကိုယ်ပေါ်နှင့် ပါးဟပ်တွင် အနီစက် အမဲစက်များ ရှိနေမည်။

• အရောင်အသွေးတောက်ပြောင်မှု မရှိ၊ ကြေးခွံကြမ်းတမ်းသည်။

• နှေးကွေးစွာ ကူးခတ်သည် အမြီးကို ကိုင်ဆောင်လည်း သွက်လက်စွာ တုံ့ပြန်မှုမရှိပါ။

• ငါးသားပေါက်များ ထည့်ထားသောပုံး၊ အိုးကိုရိုက်ပုတ်လျှင် ငါးများမှာ သွက်လက်စွာ တုံ့ပြန်မှုမရှိပါ။

• ငြိမ်သက်လျက် ရှိပြီး ငါးထည့်ထားသောပုံး၊ အိုးကို ရေလှယ်ပေးရာတွင် ရေစီးနှင့်အတူတူမျှောပါ ကူးခတ်သည့် ရေဆန်ကူးခတ်နိုင်ခြင်း မရှိပါ။

(က) ကျန်းမာသန်စွမ်းသော ငါးသောက်ပေါက် မွေးမြူရန် အရေးကြီးပါသည်။

• ငါးသေပျောက်နှုန်း နည်းပါးခြင်း။

• ရေဂါ အလွယ်တကူ ကူးစက်မှုမရှိခြင်း။

• ငါးကြီးထွားမှုထုတ်လုပ်မှု ကောင်းမွန်ခြင်း။

 (ခ) ငါးသားပေါက်များကို သန့်စင်ခြင်း၊ ပိုးသတ်ခြင်းမှာ အရေးကြီးပါသည်။

• ငါးသားပေါက်များကို သယ်ယူပို့ဆောင်ရာတွင်လည်းကောင်း၊ ကန်တွင်စတင်မွေးမြူရာတွင်လည်းကောင်း၊ ပိုးသတ်ခြင်း ပြုလုပ်ပါက ငါးရှင်သန်ကြီးထွားမှု ကောင်းမွန်ပြီး ထုတ်လုပ်မှု တိုးတက်ရရှိမည် ဖြစ်ပါသည်။ ငါးများကို သယ်ပို့ရန် ကိုင်တွယ်ခြင်းတွင် အကြေးခွံများ ကျွတ်ခြင်း၊ ကိုယ်ပေါ်တွင် အနာများဖြစ်ခြင်း ကြုံတွေ့နိုင်ပါသည်။ ထိုမှ တစ်ဆင့် ရောဂါပိုးများ ဝင်ရောက်ခြင်း၊ မွေးကန်အတွင်းကိုလည်း ရောဂါကူးစက်ခြင်းများ ဖြစ်ပေါ်နိုင်ပါသည်။ ငါးသားပေါက်များကို ပိုးသတ်ခြင်းဖြင့် သယ်ယူပို့ဆောင်ခြင်းနှင့် ကန်တွင်မွေးမြူခြင်းတွင် ရောဂါဝင်ရောက်မှုကို ကာကွယ်ပြီး ငါးသေပျောက်မှုလည်း လျော့ကျစေပါသည်။

(ဂ) ငါးသားပေါက်များကို ပိုးသတ်ခြင်း နည်းလမ်း

• ပိုတက်ဆီယမ် ပါမင်ဂရိတ်(ခရမ်းရောင်ဆေးမှုန့်) ၅ ဂရမ်၊ လက်ဘက်ရည်ဇွန်း(သို့) ဆား ၂၀၀ ဂရမ်(လက်တဆုပ်ခန့်) ကို ရေ ၁၀ လီတာတွင်ဖျော်စပ်ပြီး ငါးသားပေါက်များကို ၁၀ စက္ကန့်ခန့် စိမ်ထားခြင်းဖြင့် ပိုးသတ်နိုင်ပါသည်။ ၃၀၀-၅၀၀ ဂရမ်(၁၉ ကျပ်သားခန့် - ၃၂ ကျပ်သားခန့်) အရွယ်သားပေါက်(ငါးဖျန်း) များကို ဤနည်းဖြင့် ပိုးသတ်ခြင်း(၃-၄) ကြိမ်ပြုလုပ်ရပါသည်။ ငါးသားပေါက်များကို သယ်ယူပို့ဆောင်ရန် ထုတ်ပိုးထားသောအခါတွင် ဤပိုးသတ်နည်းကို အသုံးပြုရပါမည်။

 (ဃ) ငါးသားပေါက်များကိုသယ်ယူပို့ဆောင်ခြင်း

• ပုံးများဖြင့် သယ်ယူခြင်း

• မြေအိုး

• ပလက်စတစ်ပုံးအောက်ဆီဂျင်ဖြင့် သယ်ယူခြင်း

• အောက်ဆီဂျင် ဖြည့်ထားသော ပေါ်အီအက်သလင်းအိတ်တွင် ငါးနှင့်ရေကိုထည့်ပြီး အောက်ဆီဂျင်ဓါတ်ငွေ့ ဖြည့်ရန် အလုံပိတ် သယ်ပို့ဆောင်ရပါမည်။

 သယ်ယူပို့ဆောင်ရမည့်အချိန်

• နံနက်(သို့)ညနေအပူချိန်လျော့နည်းသောအခါများတွင် ငါးသားပေါက်သယ်ယူပို့ဆောင်ရပါမည်။

• သယ်ယူပို့ဆောင်ရန် ငါးသားပေါက်ထုတ်ပိုးရန်ကောင်ရေ

• သာမာန်အားဖြင့် ရေ(၁၀) လီတာ (၂.၅ဂါလံ) ခန့်တွင် ငါးသားပေါက် ၁ ကီလိုဂရမ်(၆၂.၅ကျပ်သား)မှ ၂ ကီလိုဂရမ်(၁ပိဿာ ၂၅ ကျပ်သားခန့်) သယ်ယူပို့ဆောင်နိုင်ပါသည်။ ခရီးအကွားအဝေးကို မူတည်၍ ၃ ကီလိုဂရမ်(၂ပိဿာခန့်)မှ ၄ ကီလိုဂရမ်(၂ပိဿာခွဲခန့်) အထိ သယ်ယူနိုင်ပါသည်။ ငါးသားပေါက် ထုတ်ပိုးသယ်ယူသင့်သော ကာလတို ဇယား ၂ နှင့် ဇယား ၃ ဖြင့် ဖော်ပြထားပါသည်။

ငါးသားပေါက်သယ်ယူပို့ဆောင်ခြင်းတွင် သတိပြုရန်အချက်များ

(က) ငါးသားပေါက်သယ်ပိုးသောရေသည် သန့်ရှင်ပြီး အမြဲတစေ အပူချိန်လျော့နည်းစေရန်၊ ရေအပူချိန် မြင့်မားလာပါက သန့်ရှင်းသော ရေအေးကို ဖြည့်ပေးရန်၊

(ခ) အပူချိန်လျော့နည်းသော အချိန်များတွင် သယ်ပိုးရန် ငါးသားပေါက်ကို လျော့ထည့်သယ်ပိုးရန် ငါးအသေများကို ဖယ်ရှားရန်၊

(ဂ) သယ်ပိုးမည့် ငါးသားပေါက်များကို တစ်ရက်ကြိုတင်၍ ပါးသောလှောင်အိတ်တွင် ထည့်ထားပြီး ဝမ်းဗိုက်တွင် အစာမရှိစေရန် ဆောင်ရွက်ပြီးမှသာ သယ်ပို့ရန်။

(ဃ) ငါးသားပေါက်ကို ပုံး၊ ရေတိုက်ကီဖြင့် သယ်ပို့ရာတွင် ပိုက်စိပ်ဖြင့် ဖုံးအုပ်ရန်၊ ရေကိုလက်ဖြင့် အမြဲမွှေပေးလှည့်ပေးရန်

(င) အောက်ဆီဂျင်ဖြည့်ထားသောအိတ်များဖြင့် သယ်ပို့ရာတွင်အနီး၌ ဆေးလိပ်သောက်ခြင်းမပြုရန်၊ ချွန်ထက်နေရာအနီးတွင် ငါးသားပေါက်အိတ်များမထားရန်။

ငါးသားပေါက်များကို ကန်ရေအသစ်တွင် နေသားကျစေရန် လေ့ကျင့်ပေးခြင်းနှင့် ကန်အတွင်း ငါးသားပေါက်ထည့်ခြင်း

ငါးသားပေါက်များကို မွေးမြူမည့် ကန်အတွင်း ချက်ချင်း ထည့်ခြင်း မပြုလုပ်ရန် ငါးသားပေါက်ထည့်သောအိုး၊ ပုံး၊ အောက်ဆီဂျင်လေအိတ်ကို ဖွင့်ပြီး ငါးကန်ရေတွင် ၁၅-၂၀ မိနစ်ခန့်မျှောထားရန်၊ ထို့နောက် ကန်ရေငါးသားပေါက်ထည့်ထားသော ပုံး အိတ်အတွင်း ဖြည်းညင်းစွာ ရောပေးရန်၊ ထို့နောက် ငါးသားပေါက်ထည့်ထားသော အိတ်ကို ဖြည်းညင်းစွာ စောင်းပြီး ငါးသားပေါက်များ အလိုအလျောက် ကန်ရေပြင်သို့ ကူးခတ်သွားစေရန်၊ ဤအစီအစဉ်ကို ၁၀-၁၅ မိနစ် အချိန်ယူပါ။

ငါးသားပေါက်ရှင်သန်မှုခန့်မှန်းခြင်း

(က) ငါးလွှတ်ပြီး ၆-၈ နာရီအကြားတွင် ကမ်းစပ်၌ ငါးများကူးခတ်သွားလာခြင်းကို ကြည့်ရှုရပါမည်။ ငါးအသေများ ရှိ/မရှိ စစ်ဆေးရပါမည်။ ကန်ဘောင်ကမ်းစပ်တွင်ရှိနေသော ငါးသေများကို ချက်ချင်း ဖယ်ရှားပြီး သေပျောက်နေသောကောင်ရေကို ပြန်လည် အစားဖြည့်ပေးရန်သေပျောက်နေသော ငါးကောင်ရေထက် ၁၀ ရာခိုင်နှုန်းခန့် ပို၍ ဖြည့်ပေးရန်။

(ခ) ငါးသားပေါက်ရှင်သန်နှုန်းခန့်မှန်းခြင်းကို အရေးကြီးလုပ်ငန်းအဖြစ် ဆောင်ရွက်ရန် သယ်ယူပို့ဆောင်ရေးတွင် ငါးသားပေါက်များကို အလွယ်တကူ သေဆုံးစေသော အကြောင်းများ ရှိနေပါသည်။ ငါးသားပေါက်များကို ကန်ရေသစ်တွင် နေသားကျစေရန် စနစ်တကျ မပြုလုပ်ပါကလည်း သေပျောက်မှုများ ဖြစ်စေပါသည်။ ကန်အတွင်း ငါးသေပျောက်မှုများကို သေချာ မသိရှိသော်လည်း အစာကျွေးခြင်း မြေသြဇာထည့်ပေးခြင်းတို့ ရှိပါမည်။ ငွေကြေးကုန်ကျမှု လေလွင့်မှုများ ဖြစ်စေပါသည်။ နောက်ဆုံးတွင် ငါးထုတ်လုပ်မှု စရိတ်မြင့်မားပြီး အကျိုးအမြတ် မရှိနိုင်ပါ။ ထို့ကြောင့် ကန်အတွင်း ငါးသားပေါက်များ ရှင်သန်မှုကောင်းမွန်ရန် လိုအပ်ပြီး၊ ရှင်သန်မှု အခြေအနေကို သိရှိရန်မှာ အရေးကြီးကြောင်း ဖော်ညွှန်းလျက် ရှိပါသည်။

Source - World Fish

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်