ရောဂါခုခံစွမ်းအားကိုမြှင့်တင်ပေးတဲ့ ဇင့်(Zinc)ပါဝင်သော အစားအစာများ

    ခန္ဓာကိုယ်ကျန်းမာသန်စွမ်းပြီး ရောဂါတွေကင်းဝေးချင်တယ်ဆိုရင် နေ့စဉ်အာဟာရမျှတစွာစားပေးဖို့ အထူးလိုအပ်ပါတယ်ဗျ။ အာဟာရမျှတဖို့ဆိုရင် အသားဓာတ်၊ ဗီတာမင်ဓာတ်၊ သတ္တုဓာတ်တွေ ပါအောင်စားပေးရပါမယ်။ အဲ့ဒါကြောင့် ရောဂါခုခံစွမ်းအားကိုကောင်းစေပြီး အဖျားတွေ၊ ရောဂါပိုးတွေ ဝင်ရောက်ခြင်းမှကာကွယ်ပေးတဲ့ ဇင့်ဓာတ်ကိုလည်း နေ့စဉ်ပါဝင်အောင်စားပေးသင့်ပါတယ်။ 

    ဇင့်ဓာတ်က ဘာတွေကောင်းစေလဲဆိုရင်- ကိုယ်ခံအားကောင်းစေမယ်၊ အအေးမိဖျားနာ သက်သာစေမယ်၊ အနာမြန်မြန်ကျက်စေမယ်၊ ဝမ်းပျက်ဝမ်းလျှောဖြစ်နိုင်ခြေ နည်းစေမယ်၊ အရေပြားပြဿနာတွေ သက်သာစေမယ်၊ မှတ်ဉာဏ်နဲ့ စူးစိုက်နိုင်စွမ်းကောင်းစေမယ်၊ အမြင်အာရုံကောင်းစေမယ်၊ နာတာရှည်ရောဂါတွေကို ကာကွယ်ပေးမယ်၊ အရပ်အမောင်းကောင်းခြင်း၊ ဆံပင်သန်ခြင်းအပြင် နောက်ထပ် ကောင်းကျိုးများစွာလည်း ရှိနေပါသေးတယ်။ ဒါ့ကြောင့်လည်း အခုဆို ကိုဗစ်ရောဂါခံစားနေကြတဲ့သူတွေဟာ ကိုယ်ခံအားကောင်းစေဖို့ ဗီတာမင်နဲ့ ဇင့်ဓာတ်ပါတဲ့ ဆေးပြားတွေကို သောက်သုံးနေကြတာကိုတွေ့ရပါတယ်။ ဇင့်က ဆေးပြားတွေထဲတင် ရှိတာမဟုတ်ပဲ နေ့စဉ်အစားအစာတွေထဲကလည်း လုံလောက်စွာရရှိနိုင်တာမို့ ဇင့်ဓာတ်ပါဝင်တဲ့ အစားအစာတွေကို ပြောပြပေးချင်ပါတယ်ဗျ။

၁။ အသားများနဲ့ နို့ထွက်ပစ္စည်းများ

အမဲသား၊ ဆိတ်သား၊ ကြက်သား၊ ဝက်သား၊ ကြက်ဥ၊ နွားနို့၊ ဒိန်ခဲ

၂။ အခွံမာရှိသော ပင်လယ်စာများ

ကမာကောင်၊ ဂဏာန်း၊ ပုစွန်၊ ခရု၊ ယောက်သွား

၃။ ပဲအမျိုးမျိုး

ကုလားပဲ၊ ပဲနီကလေး၊ မြေပဲ၊ ရွှေပဲသီး၊ ပဲပုပ်၊ ပဲကြီးစသောပဲအမျိုးမျိုး၊ တို့ဟူး

၄။ အသီးအရွက်များ

ဆလပ်ရွက်၊ ကိုက်လန်၊ ကညွတ်၊ ပန်းဂေါ်ဖီစိမ်း၊ ဟင်းနုနွယ်၊ ပဲပင်ပေါက်၊ ပူစီနံ(ပူဒီနာ)၊ စမုန်ဖြူ(Thyme)၊ ကျောက်ပွင့်၊ မှို၊ ဆီးဖြူသီး၊ ရွှေဖရုံသီး၊ ရုံးပတီသီး၊ ကီဝီသီး၊ ငှက်ပျောသီး၊ ထောပတ်သီး၊ စတော်ဘယ်ရီ၊ စွံပလွန်သီး

၄။ အစေ့အဆံများ

ဖရုံစေ့၊ နှမ်းစေ့၊ သီဟိုဠ်စေ့၊ နေကြာစေ့၊ ဗန်ဒါစေ့၊ Almonds၊ ကွာစေ့(ဖရဲစေ့)၊ သခွားစေ့၊ အုတ်ဂျုံမှုန့်(oatmeal)၊ ဆန်၊ ဂျုံ စတဲ့ကောက်နှံများ  

၅။ Dark chocolate

ဒီချောကလက်မှာဆိုရင် ဇင့်ဓာတ်များစွာပါဝင်လို့ စားပေးမယ်ဆိုရင် အရေပြားနဲ့ ဦးနှောက်ရဲ့ လုပ်ဆောင်ချက်တွေကို ကောင်းမွန်စေပါတယ်။

    ဒီလောက်ဆိုရင်တော့ ဇင့်ရဲ့အရေးပါပုံတွေနဲ့ ဇင့်ပါဝင်တဲ့အစားအစာကို သိရှိကြပြီးလောက်ပါပြီ။ ဂရုတစိုက်စားသုံးပြီး ရောဂါဘယကင်းဝေးကာ ကျန်းမာတဲ့ခန္ဓာကိုယ်ကိုပိုင်ဆိုင်ကြပါစေဗျာ။

Ref; https://www.healthline.com/nutrition/best-foods-high-in-zinc

https://m.facebook.com/story.php?story_fbid=2016327228439667&id=1829457530459972

https://hellosayarwon.com/healthy-eating/nutrition-facts

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်