သင့်မျက်စိကျန်းမာရေးအတွက် စားသုံးပေးသင့်သော အစားအစာများ

သင်ဟာ ကိုယ့်ရဲအမြင်မှာ ကြည့်လို့ကောင်းတဲ့အစားအစာကို ရွေးချယ်လေ့ရှိတဲ့သူလား။ ဒါမှမဟုတ် ကိုယ့်ရဲ့အမြင်အာရုံ (မျက်စိ) ကျန်းမာရေးအတွက် ကောင်းစေမယ့် အစားအစာကိုရွေးချယ်လေ့ရှိတဲ့သူလား သိပါရစေ။

ကျွန်ုပ်တို့အနေနဲ့ ခန္ဓာကိုယ်တစ်ခုလုံး ကျန်းမာသန်စွမ်းနေစေဖို့အတွက် သင့်တင့်မျှတပြီး အာဟာရနဲ့ပြည့်စုံတဲ့ အစားအစာတွေစားဖို့ လိုအပ်ပါတယ်။ ဒါ့အပြင် အမြင်အာရုံအတွက် အရေးပါလှတဲ့ မျက်စိကျန်းမာရေးအတွက်ဆိုရင် အာဟာရပြည့်ဝတဲ့အစားအစာတွေ ပိုလို့တောင်စားဖို့ လိုအပ်ပါတယ်။ ယနေ့ခေတ်လို ဖုန်းတွေ၊ ကွန်ပျူတာတွေ အမြဲကြည့်ရှူနေရတဲ့ အခြေအနေမျိုးမှာ မျက်စိကျန်းမာရေးကို ပိုပြီးဂရုစိုက်သင့်ပါတယ်။ မျက်စိကျန်းမာရေးအတွက် လိုအပ်တဲ့ ဗီတာမင်၊ သတ္တုဓာတ်၊ ကယ်ရိုတီးနွိုက်စ် စတဲ့အာဟာရတွေဟာ ကျွန်ုပ်တို့ ပတ်ဝန်းကျင်မှာရှိတဲ့ ဟင်းသီးဟင်းရွက်တွေ၊ သစ်သီးတွေနဲ့ အသားတွေထဲမှာ ပါဝင်နေတာဖြစ်ပါတယ်။ ဘယ်အစားအစာတွေလဲဆိုတာ ဆက်ပြီး လေ့လာကြည့်လိုက်ရအောင်။

ကန်စွန်းဥ

ကန်စွန်းဥတစ်လုံးမှာဆိုရင် တစ်နေ့တာအတွက်လိုအပ်တဲ့ ဗီတာမင်စီ ထက်ဝက်ကျော်နဲ့ ဗီတာမင်အီး အနည်းငယ်လည်း ပါဝင်ပါတယ်။ ဘီတာကယ်ရိုတင်း မြင့်မားစွာပါ၀င်တာကြောင့် ညဘက်မှာရှိတဲ့အမြင်အာရုံကို အထောက်အကူပြုပြီး သင့်မျက်လုံးရဲ့ အလင်းအမှောင်ကို ထိန်းညှိပေးနိုင်ပါတယ်။

ငါး

တူနာ၊ ဆယ်လ်မွန် စတဲ့ငါးတွေဟာဆိုရင် အိုမီဂါ ၃ ဖတ်တီးအက်ဆစ်တွေ ကြွယ်ဝစွာပါဝင်နေပြီး ကျန်းမာရေးအတွက် များစွာအထောက်အကူပြုစေပါတယ်။ ဒီ အက်ဆစ်ဓာတ်ဟာဆိုရင် အပေါ်ယံမျက်ကြောလွှာနဲ့ အမြင်အာရုံအတွက်ကောင်းစေပြီး မျက်စိခြောက်သွေ့ခြင်းမှလည်း ကာကွယ်ပေးနိုင်ပါတယ်။

မုန်လာဥနီ

မုန်လာဥနီဟာ မျက်စိကျန်းမာရေးအတွက် ကောင်းတယ်ဆိုတာ လူတော်တော်များများ သိပြီးသားအချက် ဖြစ်မယ်ထင်ပါတယ်။ မုန်လာဥနီမှာပါဝင်တဲ့ အာဟာရဓာတ်တွေဟာ ခန္ဓာကိုယ်ထဲရောက်တဲ့အခါ ဗီတာမင် အေအဖြစ်သို့ ပြောင်းလဲသွားပါတယ်။ မုန်လာဥနီစားခြင်းဖြင့် အမြင်အာရုံကိုကောင်းစေပြီး ဆိုးရွားတဲ့ ရောဂါဝင်ရောက်မှုများမှလည်း ကာကွယ်ပေးနိုင်ပါတယ်။

ကိုက်လန်

ကိုက်လန်မှာပါဝင်တဲ့ အာဟာရဓာတ်တွေ၊ ဗီတာမင်နဲ့ သတ္တုဓာတ်တွေဟာ မျက်စိကျန်းမာရေးအတွက် အကျိုးရှိလှပါတယ်။ ကိုက်လန်စားသုံးပေးခြင်းဖြင့် မျက်စိတိမ်စွဲတဲ့ရောဂါများနဲ့ အမြင်အာရုံကြွက်သားတွေ အားနည်းခြင်းများကနေ ကာကွယ်ပေးနိုင်ပါတယ်။

ကြက်ဥ

ကြက်ဥရဲ့အနှစ်မှာဆိုရင် ဗီတာမင်အေ၊ ဇင့်နဲ့ အခြားသော အရေးကြီးအာဟာရဓာတ်တွေ ပါဝင်တာကြောင့် မျက်စိကျန်းမာရေးကို အထောက်အကူပြုစေပါတယ်။ ဗီတာမင်အေဟာဆိုရင် မျက်ကြည်လွှာပျက်စီးခြင်းကို ကာကွယ်ပေးနိုင်ပြီး ဇင့်ဓာတ်ကတော့ အပေါ်ယံမျက်ကြောလွှာ ထိခိုက်ပျက်စီးခြင်းကနေ ကာကွယ်ပေးနိုင်ပါတယ်။

နို့ထွက်ပစ္စည်းများ

နို့ထွက်ပစ္စည်းတွေဖြစ်တဲ့ နွားနို့၊ နို့ချဥ်၊ ဒိန်ချဥ် စတာတွေမှလည်း ဗီတာမင်အေနဲ့ ဇင့်ဓာတ်တွေပါဝင်နေပါတယ်။ ဇင့်ဓာတ်ဟာဆိုရင် ဗီတာမင်အေကို အသည်းကနေ မျက်စိသို့ ပို့ဆောင်ပေးပြီး အမြင်အာရုံကောင်းမွန်အောင် လုပ်ဆောင်ပေးပါတယ်။ အထူးသဖြင့် ညဘက်မှာရှိတဲ့ အမြင်အာရုံကို ပိုကောင်းအောင် အထောက်အကူပြုပေးပါတယ်။

လိမ္မော်သီး

လိမ္မော်သီးဟာဆိုရင် ဗီတာမင် စီ ပါဝင်နေပြီး ခန္ဓာကိုယ်မှာရှိတဲ့ သွေးကြောတွေကို အထောက်အကူဖြစ်စေပါတယ်။ ကိုယ်ခံစွမ်းအားကောင်းစေပြီး မျက်စိရောင်ရမ်းခြင်းများကို လျော့နည်း သက်သာစေနိုင်ပါတယ်။

အနီရောင် ငရုပ်သီးအပွ

အနီရောင် ငရုပ်သီးအပွမှာဆိုရင် ဗီတာမင် အေ၊ ဗီတာမင် စီ၊ ဗီတာမင် အီးနဲ့ အခြား အရေးကြီး အာဟာရဓာတ်များ ပါဝင်ပါတယ်။ ညဘက်မှာရှိတဲ့ အမြင်အာရုံကို ပိုမိုကောင်းစေပြီး မျက်စိမှုန်ခြင်းကိုလည်း ကာကွယ််ပေးနိုင်ပါတယ်။

ပဲအမျိုးမျိုး

ပဲမှာဆိုရင် အရေးကြီးတဲ့ အာဟာရဓာတ်အမျိုးမျိုးပါဝင်နေပြီး အမြင်အာရုံကောင်းမွန်စေသလို မျက်စိနဲ့ပတ်သက်တဲ့ရောဂါများ ဖြစ်ပွားခြင်းမှလည်း ကာကွယ်ပေးနိုင်ပါတယ်။

နောက်ဆုံးအနေနဲ့ အကြံပြုချင်တာကတော့ မျက်စိကျန်းမာရေးအတွက် အာဟာရပြည့်ဝတဲ့ အစားအစာတွေ စားဖို့လိုအပ်သလို မျက်စိခြောက်သွေ့ခြင်းကနေကာကွယ်နိုင်ဖို့ ရေများများ သောက်ဖို့လည်း လိုအပ်ပါတယ်။ သကြားစားသုံးမှုကို ထိန်းညှိသင့်ပြီး ဆေးလိပ်သောက်ခြင်းကိုလည်း ရှောင်ကျဥ်ဖို့လိုအပ်ပါတယ်။ သန့်ရှင်းကောင်းမွန်တဲ့ အစားအစာတွေကို ကျန်းမာသန်စွမ်းတဲ့မျက်စိနဲ့ ရွေးချယ်ဝယ်ယူပြီး စားသုံးနိုင်ကြပါစေ...

Source : https://neoretina.com/blog/top-10-healthy-foods-for-eye-care/

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...