မွန်ပြည်နယ်၊ ပေါင်မြို့နယ်တွင် မေမြို့ပန်းစိုက်ပျိုးရေးလုပ်ကိုင်သူများ ဈေးကွက်ကောင်းမွန်နေ

    မွန်ပြည်နယ်၊ ပေါင်မြို့နယ်တွင် မေမြို့ပန်းစိုက်ပျိုးရေးလုပ်ကိုင်သူများ ဈေးကွက်ကောင်းမွန်နေကြောင်း ဒေသခံများထံမှ သိရသည်။

မေမြို့ပန်းကို ၂၀၁၆ ခုနှစ်လောက်က စတင်စိုက်ပျိုးခဲ့ပါတယ်။ မြန်မာနိုင်ငံက ဗုဒ္ဓဘာသာနိုင်ငံဆိုတော့ ၁၂ လ ရာသီလုံး ဘုရားပန်းအသုံးပြုတာရယ်၊ မေမြို့ပန်းက စိုက်သက်တမ်းတိုတိုနဲ့ ဝင်ငွေရတာရယ်၊ ပန်းစိုက်ရတာဝါသနာပါတဲ့အတွက်ရယ်၊ စိုက်ဖြစ်ခဲ့တာပါ။ မေမြို့ပန်း အပင်ရေ (၁၀,၀၀၀) ကျော်လောက် စိုက်ပျိုးထားပါတယ်။ မျိုးဖိုး၊ ထယ်ထိုးထွန်ယက်ခ၊ ဆေးဖိုး၊ မြေသြဇာဖိုး၊ အလုပ်သမားခတွေက ပျမ်းမျှ (၅) သိန်းကျပ်လောက် ကုန်ကျပါတယ်။ အပင်ရေ (၂၀,၀၀၀) စိုက်ရင်တော့ ငွေ သိန်း(၂၀) ပြန်ရပါတယ်။

ဟု မွန်ပြည်နယ်၊ ပေါင်မြို့နယ်၊ လက်ပံကျွန်းသဲကုန်းမှ မေမြို့ပန်းစိုက်ပျိုးသူ ကိုစိုးလင်းထွန်း က ပြောသည်။

    မေမြို့ပန်းသည် စိုက်ပျိုးပြီး (၃) လခွဲအကြာတွင် ဈေးကွက်ဝင် ရောင်းချနိုင်သဖြင့် အချိန်ကုန်သက်သာ ဝင်ငွေရရှိကာ အကျိုးအမြတ်တိကျမှုရှိကြောင်းသိရသည်။

ကျွန်တော်တို့ဒေသက မြစ်ဝကျွန်းပေါ်ဒေသဆိုတော့ နိုဝင်ဘာလကုန်လောက်ကစပြီး စိုက်ပျိုးပါတယ်။ စိုက်ပျိုးပြီး (၃) လခွဲမှာ ပန်းစတင်နှုတ်ပြီး (၅) ရက်တစ်ကြိမ်  ဈေးကွက်ထဲ တင်ပို့ရောင်းချပါတယ်။ ဈေးကွက်ကတော့ ကိုယ့်ကျေးရွာမှာ အနည်းအကျဉ်းရောင်းပြီး မော်လမြိုင်မြို့ပေါ်က ပန်းဒိုင်ကို တင်ပို့ရောင်းချပါတယ်။ ဈေးနှုန်းက မေမြို့ပန်းတစ်ပင်ကို အမြင့်ဆုံးဈေး (၁၂၀) ကျပ်ကနေ အနိမ့်ဆုံးဈေး တစ်ပင် (၇၀) ကျပ်လောက်ရတယ်။

ဟု ၎င်းက ဆက်လက်ပြောသည်။

     မေမြို့ပန်းဈေးကွက်တင်ပို့ရာတွင် နေပူဒဏ်ထိခြင်းမှကာကွယ်ရန် အထူးလိုအပ်ပြီး၊ နေပူချိန်မြင့်မားပါက ပန်းအရည်အသွေးထိခိုက်ခြင်း၊ ပန်းနာ/ပန်းနွမ်းခြင်း၊ ဈေးနှုန်းကျဆင်းခြင်းများ ကြုံတွေ့ရတတ်ကြောင်း သိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။

Read more