အစွမ်းထက်သဘာဝဆေးတစ်လက်ဖြစ်တဲ့ ဖရဲသီးအခွံ

22/08/2019 09:00 AM တွင် ကျော့နန္ဒာစိုး ကျော့နန္ဒာစိုး မှ ရေးသား ပြီး Greenovator Greenovator မှ ပေးပို့ထားပါသည်။

   များသောအားဖြင့် ကျွန်မတို့တွေက ဖရဲသီးရဲ့ နီနီရဲရဲအတွင်းသားလေးများကိုသာစားပြီး ကျန်နေတဲ့ အဖြူသားပါတဲ့အခွံကို လွှင့်ပစ်တတ်ကြပါတယ်။ ဒါပေမဲ့ ဖရဲသီးရဲ့အခွံကိုလည်းစားလို့ရပါတယ်တဲ့။ ထိုဖရဲသီးအခွံဟာ လူတွေရဲ့ကျန်းမားရေးကို ဘက်ပေါင်းစုံကအကျိုးပြုနေလို့ပါပဲ။

ဖရဲသီးတွင်ပါဝင်သောဓာတ်များ

  ထိုလွှင့်ပစ်လိုက်တဲ့ ဖရဲသီးအခွံမှာဆိုရင်ဖြင့် အကျိုးပြုဗီတာမင်များနှင့် အမိုင်နိုအက်ဆစ်ဓာတ်များပါရှိပါတယ်။ နေ့စဉ် လူတို့၏ခန္ဓာကိုယ်အတွက် လိုအပ်သော ဆေးဆိုင်များတွင် ဝယ်ယူစားသုံးနေရသည့် ဗီတာမင် စီ နှင့် ဘီဓာတ်များက ထိုအခွံတွင်ပါရှိပါတယ်။ အမိုင်နိုအက်ဆစ်ဓာတ်သည်လည်း ပုံမှန်သွေးလည်ပတ်ခြင်းနှင့် နှလုံးကျန်းမာရေးတို့အတွက် အရေးကြီးပါသည်။ ဖရဲသီးအခွံသည် သွေးကြောများကို ကျယ်ကားလာစေကာ သွေးလည်ပတ်မှုအားကို မြှင့်တင်ပေးပါသည်။ အသားမှာလိုပဲ ရေဓာတ်အပြည့်အဝပါတဲ့အတွက် ကျောက်ကပ်ရဲ့စွန့်ထုတ်နိုင်စွမ်းကိုလည်း ပိုမိုအားကောင်းစေပါသည်။

ဖရဲသီးအခွံကိုစားရင် ဘာအကျိုးကျေးဇူးတွေရမလဲ

   ဖရဲသီးအခွံကိုစားသုံးခြင်းဖြင့် သွေးအားနည်းခြင်းကိုလည်း သက်သာစေပါသည်။ ရေဓာတ်ပါဝင်မှုကြောင့် ကျောက်ကပ်မှာပါတဲ့ကျောက်တွေကို ကြေစေပါတယ်။ ဗီတာမင် စီ ပါဝင်မှုကြောင့် diet လုပ် ဝိတ်ချနေသူတွေအတွက်  အထာက်အကူဖြစ်ပါတယ်။ ဖရဲသီးမှာပါဝင်တဲ့ လိုင်ကိုပင်း (lycopene) ဓာတ်တစ်မျိုးဟာလည်း အဆစ်ရောင် နာကျင်ကိုက်ခဲတာကို သက်သာစေတဲ့အပြင် ဘီတာကယ်ရိုတင်း (beta carotene) ဓာတ်က မျက်စိကျန်းမာရေးအတွက် အတော်လေးကောင်းမွန်ပါတယ်တဲ့နော်။ သွေးတိုး၊ သွေးပေါင်ကျတတ်တဲ့ သူတေအတွက်လည်း အလွယ်ကူဆုံး စားသောက်နိုင်တဲ့နည်းကတော့ ဖရဲသီးအခွံကို ရေပြောင်အောင်ဆေးပါ၊ (အဖြူရောင်အသားနှင့်အတူ) အတုံးသေးသေးလေးတွေရအောင် ဓားဖြင့်လှီးပါ။ ပြီးရင် (Blender) မွှေစက်ဖြင့် ခပ်ပျစ်ပျစ်ရအောင်မွှေပါ။ ထိုအရည်ပျစ်ပျစ်ကို အခြားအရည်များထဲသို့အနည်းငယ်ထည့်ရော၍ သောက်သုံးနိုင်ပါတယ်။ 

   နောက်တစ်နည်းကတော့ ဖရဲသီးအတွင်းသား (ပုံမှန်စားသည့်အပိုင်း) နှင့် လှီးထားသောအဖြူရောင်အသားနှင့် အခွံတို့အားလုံးကို မွှေစက်ထဲတွင် စတော်ဘယ်ရီပါထည့်၍မွှေပါ။ လိမ္မော်ရည်အနည်းငယ်ပါ ထပ်ထည့်ပြီး နေ့စဉ်ကျန်းမာရေးအတွက် သောက်သုံးနိုင်ပါသည်။ 

   ဖရဲသီးအောက်ခံအဖြူအသားကို ပါးပါးလေးလှီး၍ မျက်နှာပေါ်နာရီတော်တော်ကြာ ကပ်ခြင်းဖြင့်လည်း မှည့်ခြောက်နှင့် တင်းတိတ်ကို သက်သာစေပါသည်။ ဒီနည်းကိုမလုပ်ခင် မျက်နှာကိုသန့်စင်အောင် အရင်ဆုံး ဆေးကြောရပါမည်။ နှင်းခူရောဂါဖြစ်ပွားပါကလည်း ဖရဲသီးအခွံဖြင့် ပွတ်တိုက်ပေးပါက ပျောက်ကင်းနိုင်ပါသည်။

    ကဲ အခုမှာတော့ ဖရဲသီးတစ်လုံးလုံးဟာ လွှင့်ပစ်စရာမရှိအောင် အသုံးဝင်မှန်းသိသွားပြီပေါ့နော်။ နီနီရဲရဲအတွင်းသားလေးတွေကိုစားပြီး အဖြူသားပါတဲ့အခွံကို လွှင့်မပစ်ပဲ ကျန်းမာရေးနဲ့ညီညွတ်အောင်စားသုံး အသုံးပြုနိုင်စေရန် တင်ပြပေးလိုက်ရပါတယ်။

ကျော့နန္ဒာစိုး

ကိုးကား - popolay

             - https://myanmar.mmtimes.com/news/126865.html

         


ဗွေဆော်ဦး ကြော်ငြာ
ရောဂါပိုးမွှားတွေ ဝင်မလာနိုင်ဖို့ဆို အားရှိနေမှဖြစ်မှာနော်.. ဒါက လူတွေမှာတင်မဟုတ်ပါဘူး..မွေးမြူထားတဲ့ တိရစ္ဆာန်လေးတွေမှာလည်း အလားတူပါပဲ။ ဆိုတော့ ငါး၊ ပုစွန်မွေးမြူသူတွေအတွက်လည်း.. သူတို့လေးတွေ အားရှိနေဖို့ အားဆေးလေးတွေ ကျွေးပေးဖို့ လိုပါတယ်ရှင့်။ ဒီအတွက် အခက်အခဲလေး ရှိမယ်ဆိုရင်… ‘ဗွေဆော်ဦး’ မှာရှိတဲ့ ‘Aqua Booster’ လေးက ဖြေရှင်းပေးနိုင်ပါတယ်ရှင့်။ Aqua Booster ဆိုတာ… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝ ကမ္မဆိုင်ရာ အာဟာရအားတိုးဆေးမျိုးပါ။ သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်ပြီး ပုစွန်တွေရဲ့ ကျန်းမာ ရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်။ ဇီဝနည်းဖြင့် ဆွေးမြည့်ပျက်စီးပြီး ရေရှည်တည်တံ့တဲ့စွမ်းအင်မျိုးရှိတာကြောင့် ဘယ်လို ရေလုပ်ငန်း မျိုးနဲ့မဆို သင့်တော်ပြီး အမြတ်အစွန်းတိုးပွားစေနိုင်ပါတယ်။ ဘယ်လိုအကျိုးကျေးဇူးတွေ ရှိစေနိုင်လဲ… ပုစွန်များရဲ့ ကျန်းမာရေးကောင်းမွန်စေလို့ အူလမ်းကြောင်းထဲက pH ကို လျှော့ချပေးပြီး ရောဂါဖြစ်စေဘတ်တီးရီးယားများ လျော့ပါးစေ နိုင်ပြီး သဘာဝအကျိုးပြုဘက်တီးရီးယားများ တိုးပွားစေလို့ ကြီးထွားနှုန်းနှင့် ရှင်သန်နှုန်း မြင့်တက်စေခါတယ်။ ဘက်တီးရီးယားဒဏ်ကို အကောင်းဆုံးခံနိုင်ရည်ရှိစေပြီး အစာမှအသားဖြစ်စေနှုန်းနဲ့ ပရိုတင်း ချေဖျက်မှုကို မြှင့်တင်ပေးလို့ အထွက်နှုန်းကိုလည်းတိုးစေနိုင်ပါတယ်။ (ပဋိဇီဝဆေး မဟုတ်လို့ နောက်ဆက်တွဲပြဿနာများလည်းမရှိသောကြောင့် ထုတ်ကုန်တန်ဖိုးလျော့ကျစေမဲ့ ဓာတ်ကြွင်းအာနိသင်များမရှိပါ။) ကဲ...ဘာစဉ်းစားနေဦးမလဲ...ကိုယ့်ရဲ့ ငါး၊ ပုစွန်လေးတွေကို ‘ Aqua Booster’ နဲ့ အားတွေ မြှင့်ပေးလိုက်တော့လေ...။
Read more မှာယူရန် နှိပ်ပါ

ဆွေးနွေးချက်များ

ဆွေးနွေးရန်