ရွက်လှပင်( Codiaeum variegatum )

ရွက်လှပင်ရဲ့အင်္ဂလိပ်နာမည်က Codiaeum variegatum ဖြစ်ပါတယ်။ အင်ဒိုနီးရှား၊ မလေးရှား၊ ဩစတေးလျရဲ့ တောထဲမှာ စတင်တွေ့ရှိခဲ့တဲ့ ခြုံနွယ်ပင်ဖြစ်ပါတယ်။ အပင်က ပန်းပွင့်ကြောင့်မထင်ရှားပဲ အရွက်ရဲ့လှပခြင်းကြောင့် ရွက်လှပန်းလို့ မြန်မာနိုင်ငံမှာ လူသိများပါတယ်။ ရွက်လှပင်မှာ အပင်မျိုးပေါင်း သုံးရာကျော်ရှိပါတယ်။ မြန်မာနိုင်ငံမှာတော့ ရွက်လှမျိုးကွဲပေါင်း( ၇၀) ခန့်ရှိပါတယ်။ ရွက်လှပင်က အပူပိုင်းဒေသမှာပေါက်ရောက်တဲ့ အမြဲစိမ်းပင်တစ်မျိုးဖြစ်ပါတယ်။ အရွက်ပုံစံအမျိုးမျိုး၊ အရောင်အမျိုးမျိုးရှိပါတယ်။

စိုက်ပျိုးနည်း

ရွက်လှပင်ဟာ မြေအမျိုးစားမရွေး စိုက်ပျိုးဖြစ်ထွန်းနိုင်ပါတယ်။ ရေစီးရေလာကောင်းတဲ့ မြေမျိုးမှာ ပိုသင့်တော်ပါတယ်။ ရာသီဥတုဒဏ်ကိုလည်း ခံနိုင်ရည်ရှိပါတယ်။ နေပူထဲတွင် စိုက်ပျိုးခြင်းထက် နေအနည်းငယ်ရိပ်သောနေရာတွင် စိုက်ပျိုးခြင်းဖြင့် အရွက်အရောင်ကို မထိခိုက်စေပဲ လှပစေပါတယ်။ မြေတွင် ကျင်းတူး၍ စိုက်ပျိုးနိုင်သလို အိုးများ၊ သံပုံးများထဲတွင်လည်း စိုက်ပျိုးနိုင်ပါတယ်။ မြေမှာကျင်းတူးစိုက်ခြင်းက အမြစ်ပိုထွက်ပြီး အကိုင်းအခက် အရွက်များပို၍ များပြားလှပပါတယ်။ အိုးနဲ့စိုက်ပျိုးမယ်ဆိုရင် ရေပိုရေလျှံထွက်သက်သာအောင် အောက်ခြေမှာ အပေါက်ဖောက်ထားပြီး အုတ်ခဲကျိုး၊ မီးသွေးခဲတို့ကို သုံးလက်မခန့် ထည့်ပေးပါ။

မြေစပ်နည်းနှင့် မျိုးပွားနည်း

ရွက်လှပင်ကို အများအားဖြင့် အကိုင်းဖြတ်စိုက်ပျိုးကျပါတယ်။ အပင်မျိုးပွားရာတွင် ကိုင်းဖြတ်မျိုးပွားခြင်း( မြေထုပ်စည်း)ကို အသုံးပြုမှုများပြားပါတယ်။ အမြစ်ထွက်ဆေးသုံးပြီး မျိုးထုပ်စည်းမျိုးပွားကြပါတယ်။ မြေစပ်တဲ့အခါမှာလည်း စိုက်ပျိုးမဲ့ အိုးအရွယ်အစားပေါ်မူတည်ပြီး အနည်းငယ်ပြောင်းလဲပါတယ်။

အိုး၊ သံပုံးများဖြင့် စိုက်ပျိုးမည်ဆိုပါက

၁။ နွားချေး ( သို့ ) မြေဆွေး တစ်ဆ

၂။ သစ်ပုပ်မြေဆွေး တစ်ဆ

၃။ သဲ တစ်ဆရဲ့ တစ်၀က်

၄။ အင်္ဂတေအကျိုးဟောင်း တစ်ဆ ရဲ့ တစ်၀က်

၅။ ဥယျာဉ်ခြံမြေ တစ်ဆတို့ကို ရောမွှေပြီး အိုးထဲထည့် စိုက်ပျိုးရပါမယ်။ တစ်လ (သို့ ) တစ်လခွဲကြာတဲ့အခါ အမြစ်တွေများလာပြီး အပင်ကို ရွှေ့စိုက်ချင်ပါကလည်း ပြောင်းစိုက်နိုင်ပါတယ်။

မြေတွင်စိုက်ပျိုးပါက ကျင်းတူးရာတွင်

အပင်ငယ်အတွက်(၁ )ပေ ပတ်လည် (၁ ) ပေအနက် စိုက်ကျင်းများ၊
အပင်လတ်အတွက်(၂)ပေပတ်လည် (၂) ပေအနက် စိုက်ကျင်းများ၊
အပင်ကြီးအတွက် (၃) ပေပတ်လည်(၃)ပေအနက် စိုက်ကျင်းများ ပြုလုပ်စိုက်ပျိုးပေးရပါမယ်။

အပင်ပြုစုစောင့်ရှောက်ခြင်း

အိုးထဲတွင်ပဲ အမြဲစိုက်ပျိုးမည်ဆိုပါက တစ်နှစ်တစ်ကြိမ် မြေကိုလဲလှယ်ပေးသင့်ပါတယ်။ လဲလှယ်ချိန်တွင် အမြစ်ဟောင်းအနည်းငယ်ကို ဖြတ်ပေးသင့်ပါတယ်။
အိုးဘေးမှ မြေမာများလည်းဆွပြီး မြေဩဇာအနည်းငယ် ကျွေးပေးသင့်ပါတယ်။
အပင်အရှည်ကို စိတ်ကြိုက်ထားနိုင်ပေမဲ့ နှစ်တောင်ခန့် အထိထားပါက ပိုသင့်တော်ပေသည်။
အပူချိန်က ၁၀ ဒီဂရီမှ ၁၃ ဒီဂရီအောက်မကျဖို့တော့ လိုအပ်ပါတယ်။ အအေးများရင် အရွက်ကြွေကျတာမျိုးတွေ ဖြစ်တတ်ပါတယ်။ မွှား၊ ပင့်ကူများကျရောက်တတ်ပါတယ်။ပင့်ကူများကြောင့် အရွက်မလှပဲ ကုပ်သွားတတ်ပါတယ်။ နေရောင်ပေါ်မူတည်ပြီး အရွက်အရောင်ပြောင်းလဲခြင်းများ ဖြစ်ပေါ်နိုင်ပါတယ်။

ရွက်လှမျိုးများ

ပုလဲမင်းသမီး

ဆာရစ်ချက်ဂတ်

ဆာမတ်အာသာ

လိမ္မော်မင်းသား

ဇာဘုရင်

ဒူရာဘင်္ဂါ မဟာရာဇာ

ဂရန်းဒေး

မကာ သူရိ

ဆန်းဆက်

အယ်လက်ဇန်းဒါး

မြွေဟောက်ပါးပျဉ်း

နေရီရီ

နားပန်းကြီး

မာလာကြီး

လိပ်ခုံး

ကြက်မြီးလိမ်စိမ်း

သရက်ရွက်

မောင့်မမေ့

သော်တာပင်

နေသူရိန်

ပတ္တမြားကြိုးလိမ်

ဗာဂျာတွန့်

လစက်ရောင် စသည့်ဖြင့် အမျိုးမျိုးရှိပါတယ်။

မေမြတ်မော်

https://www.thespruce.com/grow-codiaeum-variegatum-1902750

https://en.m.wikipedia.org/wiki/Codiaeum_variegatum?fbclid=IwAR0U7GZT_0dytAIkqoE2W5uhbAs8FPvueZUfI4tVeD-MMGDkRCsCwQkY1FY

https://my.m.wikipedia.org/wiki/%E1%80%9B%E1%80%BD%E1%80%80%E1%80%BA%E1%80%9C%E1%80%BE%E1%80%95%E1%80%94%E1%80%BA%E1%80%B8%E1%80%95%E1%80%84%E1%80%BA?fbclid=IwAR0KFE2Cjh_OEbJ7GBTn3zyJKtvxpgXnH2qB7Y1Kg8P9E3DSsUOJGNoe4oI

(ဆောင်းပါးများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...