ပဲယင်းစိုက်ပျိုးနည်း

ရာသီဥတု အမျိုးအစား

ပဲယင်းက ပူနွေးတဲ့ရာသီဉတုကို ကြိုက်နှစ်သက်ပါတယ်။ အပူချိန် (၁၈ မှ ၃၇)ဒီဂရီစင်တီဂရိတ်အထိ စိုက်ပျိုးဖြစ်ထွန်းနိုင်ပါတယ်။ စိုက်ချိန်ကတော့ ဇူလှိုင်လအတွင်း စိုက်ခြင်းက အသင့်တော်ဆုံးဖြစ်ပြီး ဩဂုတ်၊စက်တင်ဘာလအထိ စိုက်ပျိုးနိုင်ပါတယ်။

စိုက်ပျိုးထုတ်လုပ်သော ဒေသများ

ပဲယင်းကို မကွေးတိုင်း၊ မန္တလေးတိုင်း၊ ဧရာဝတီတိုင်းတို့မှာ အများအပြားစိုက်ပျိုးကြပြီး ချင်းပြည်နယ်၊ စစ်ကိုင်းတိုင်းနဲ့ ရှမ်းပြည်နယ်တို့မှာလည်း အသင့်အတင့်စိုက်ပျိုးကြပါတယ်။

မြေအမျိုးအစား

ပဲယင်းကို မြေအမျိုးအစား အတော်များများမှာ စိုက်ပျိုးဖြစ်ထွန်းနိုင်ပါတယ်။ ရေစီးရေလာကောင်းတဲ့ နုန်းမြေတွေနဲ့ မြေဩဇာကြွယ်ဝတဲ့ သဲနုန်းမြေတွေမှာတော့ ပိုပြီးသင့်တော်ပါတယ်။ ဒါပေမယ့် ဆားပေါက်တဲ့မြေ၊ သဲဆန်တဲ့မြေနဲ့ ရေဝပ်တဲ့မြေတွေမှာတော့ မစိုက်သင့်ပါဘူးဗျ။

မျိုးစေ့နှုန်းထား

အတန်းလိုက်စိုက်မယ်ဆိုရင် ၁ ဧကကို (၆ မှ ၈) ပြည်နှုန်း သုံးစွဲနိုင်ပြီး ကြဲပက်စိုက်မယ်ဆိုရင်တော့ (၁၀-၁၂) ပြည်အထိ သုံးစွဲပေးရပါမယ်။

မြေပြင်ခြင်းနဲ့ စိုက်ပျိုးခြင်း

- ပဲယင်းစိုက်မယ့်မြေကို ထယ်နက်နက်တစ်ကြိမ်နဲ့ ထွန်ရေးနှစ်ကြိမ်ဝင်ပြီး မြေပြင်သင့်ပါတယ်။ စိုက်မယ့်မြေမှာရှိတဲ့ ပေါင်းမြက်အမှိုက်တွေနဲ့ ရိုးပြတ်တွေကို ရှင်းပေးပါ။

- ထယ်ထိုးထွန်မွှေနေစဉ်အတွင်း သဘာဝမြေဆွေးများ၊ နွားချေးများ ထည့်ပေးပါ။ ဓာတ်မြေဩဇာများအဖြစ် ပုလဲ (၆-၈) ပြည်၊ တီစူပါ (၂၀-၂၄) ပြည်နှုန်းဖြင့် ထည့်ပေးပါ။

- ပဲယင်မျိုးစေ့တွေကို တန်းကြား (၁၀-၁၂) လက်မ၊ ပင်ကြား (၄-၅) လက်မ ထား၍ အတန်းလိုက်စိုက်ပါ။ မျိုးစေ့တွေကို မြေကြီးအနက် တစ်လက်မထားစိုက်ပြီး ရေအနည်းငယ်ဖျန်းပေးပါ။

မြေဩဇာကျွေးခြင်းနဲ့ ရေသွင်းခြင်း

- စိုက်ပျိုးနောက်ပိုင်းမှာတော့ မြေဩဇာကျွေးခြင်းကို အထူးတလည်ထပ်ပြီး လုပ်စရာမလိုတော့ပါဘူး။ မြေပြင်ချိန်တုန်းက ကျွေးခဲ့တာတွေနဲ့ လုံလောက်မှုရှိပါတယ်ဗျ။

- ရေသွင်းခြင်းကိုတော့ မိုးရာသီမှာ လုပ်စရာမလိုပါဘူး။ နွေရာသီမှာတော့ (၂-၃) ကြိမ်ရေသွင်းပေးဖို့ လိုအပ်ပါတယ်။

ပေါင်းနှိမ်နင်းခြင်း

သီးနှံသက်တမ်းတစ်လျှောက်မှာ ပေါင်းကျရောက်ခြင်းက အဓိကပြဿနာတစ်ရပ်ပါပဲ။ ပေါင်းမြက်တွေက မြေကြီးထဲမှာရှိတဲ့ ပဲပင်အတွက်လိုအပ်တဲ့ အာဟာရဓာတ်တွေကို လုယူစားသုံးကြတာမို့ အထူးကာကွယ်နှိမ်နင်းဖို့ လိုအပ်ပါတယ်။ စိုက်ပြီးရက်ပေါင်း (၃၀-၅၀) အတွင်း (၂-၃) ကြိမ် ကြားပေါင်းလိုက်ပေးဖို့ လိုအပ်ပါမယ်။ မြေဖုံးခြင်းလုပ်ပေးနိုင်မယ်ဆိုရင်တော့ ပေါင်းနှိမ်နင်းဖို့ အသင့်တော်ဆုံးနည်းလမ်းဖြစ်သလို မြေကြီးရဲ့အစိုဓာတ်ပါထိန်းထားပေးနိုင်ပါတယ်။

ကျရောက်တတ်သော ပိုးမွှားနဲ့ ရောဂါများ

- ပဲယင်းမှာဆိုရင်တော့ သီးလုံးဖောက်ပိုးနဲ့ ကျိုင်းနက်ကောင်တွေသာ အဓိကကျရောက်တာကို တွေ့ရပါတယ်။ ခူးမွေးရှည်တွေလည်း ကျရောက်တတ်ပါတယ်။ သီးလုံးဖောက်ပိုးကို Acephate အဆီဖိတ် 75 SP၊ ကျိုင်းနက်ကောင်တွေကို Deltamethrin ဒယ်တာမီသရင် 2.8 EC ဖြင့် နှိမ်နင်းနိုင်ပါတယ်။

- ရောဂါတွေအနေနဲ့ကတော့ အဝါရောင်မိုစေ့ရောဂါနဲ့ အရွက်ပုပ်၊ အရိုးပုပ်ရောဂါတွေ ကျရောက်တတ်ပါတယ်။ အဝါရောင်မိုစေ့ရောဂါကို ကာကွယ်ဖို့ဆိုရင် အပင်တွေ စဝါကတည်းက နှုတ်ပစ်ခြင်းဖြင့် ကာကွယ်နိုင်ပါတယ်။

ခူးဆွတ်ရိတ်သိမ်းခြင်း

- ပဲယင်းကို စိုက်ပျိုးပြီး (၃-၄) လ အကြာ ရက်ပေါင်း (၉၀-၁၂၀) အတွင်း ခူးဆွတ်ရိတ်သိမ်းကြပါတယ်။

- တစ်နည်းအားဖြင့် သီးတောင့်တွေရဲ့ ၈၀% က အညိုရောင်ပြောင်းနေတဲ့အချိန်မှာ စတင်ခူးဆွတ်နိုင်ပါပြီ။

- ခူးဆွတ်ခြင်းကို မနက်ခင်းပိုင်းမှာလုပ်ဆောင်ခြင်းက ပိုသင့်တော်စေပါတယ်။ ခူးဆွတ်ပြီးတဲ့သီးတောင့်တွေကို နေလှန်းအခြောက်ခံပြီး အစေ့ထုတ်ကာ သိုလှောင်ထားနိုင်ပါတယ်။

ထွန်းရာဇာ

Ref; https://www.apnikheti.com/en/pn/agriculture/crops/pulses/ricebean

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...