အမှီပင်လိုအပ်တဲ့ နံ့သာဖြူပင်စိုက်ပျိုးနည်း

နံ့သာဖြူပင်တွေဟာ အမြဲစိမ်းလန်းတဲ့ အလယ်အလတ်သစ်ပင်မျိုးဖြစ်ပြီး အခြားအပင်တွေရဲ့အစာကို မြေအောက်အမြစ်များမှတဆင့် စုပ်ယူစားသုံးကြလို့ ကပ်ပါးပင်အမျိုးအစားတွေလည်းဖြစ်ကြပါတယ်။ နံ့သာဖြူပင်ရဲ့ အဆီအနှစ်ကို ရေမွှေးထုတ်လုပ်ရာမှာ အဓိကသုံးပြီး အဆီအနှစ်ပါတဲ့ နံ့သာဖြူသားတစ်ပိဿာကို နှစ်သိန်းမှ သုံးသိန်းအထိ တန်းဖိုးရှိပါသတဲ့။ ဒါ့ကြောင့် စိုက်ပျိုးချင်သူများအတွက် စိုက်ပျိုးနည်းလေးကို မျှဝေပေးပါရစေ။

ရာသီဥတု အမျိုးအစား

- နေရောင်ကောင်းစွာရပြီး ပူအိုက်စိုစွတ်တဲ့ ရာသီဥတုမျိုးကို ကြိုက်နှစ်သက်ပါတယ်။နံ့သာဖြူပင်ကို ပင်လယ်ရေမျက်နှာပြင် အထက် ပေ ၂၀၀၀ မှ ပေ ၃၀၀၀ ကျော်အမြင့်အထိ စိုက်ပျိုးနိုင်ပြီး မိုးရေချိန်လက်မ ၃၀ မှ ၇၀ အတွင်း ကောင်းစွာဖြစ်ထွန်းနိုင်ပါတယ်။

မြေအမျိုးအစား

- နံ့သာဖြူပင်က မြေနီ၊ ခဲမြေ၊ ကျောက်စရစ်ဆန်သောမြေ စသောမြေညံ့တွေမှာ ပိုမိုဖြစ်ထွန်းပါတယ်။ စိမ့်မြေ၊ လယ်မြေတွေမှာတော့ စိုက်ပျိုးလို့မရပါဘူး။ နုန်းဆန်ပြီး ရေစိမ့်ဝင်မှုကောင်းတဲ့ မြေတွေမှာစိုက်ရင် ဖြစ်ထွန်းပေမယ့် အဆီအနှစ်ပါဝင်မှုနည်းပြီး ရနံ့သိပ်မမွှေးတာကို တွေ့ရပါတယ်။

ပျိုးထောင်ခြင်း

- နံ့သာဖြူပင်ကို စိုက်မြေမှာတိုက်ရိုက်အစေ့ချပြီး စိုက်လို့လည်းရပေမယ့် ပျိုးပြီးမှစိုက်တာက ပိုကောင်းပါတယ်။ ပလတ်စတစ်အိတ်နဲ့ ထည့်ပျိုးကြတာများပြီး အိတ်အရွယ်မှာ( ၅" ×၆")၊ ( ၅"× ၇") ရှိ ပလတ်စတစ်အိတ်တွေကို သုံးနိုင်ပါတယ်။ ရေစိမ့်ရန်အတွက် အိတ်တွေကို အနည်းဆုံး (၄) ပေါက်ဖောက်ပေးရပါမယ်။

- ပျိုးအိတ်တွေထဲမှာ ထည့်ရမယ့် မြေအချိုးအစားကတော့ နုန်းမြေ (၂) ဆ၊ နွားချေးမြေဆွေး (၁) ဆ၊ သဲ (၁) ဆ တို့ကိုရောစပ်၍ ဇကာချပြီးမှ ထည့်ရပါမယ်။ မျိုးစေ့မထည့်ခင် ပျိုးအိတ်တွေကို ရေလောင်းပေးထားရပြီး၊ ပျိုးအိတ်တစ်အိတ်ကို မျိုးစေ့ (၂) စေ့နှုန်းဖြင့် ပျိုးထောင်ပါ။ ပျိုးအိတ်တွေကို ရေနေ့စဉ်လောင်းပေးရမှာဖြစ်ပြီး ရေမများလွန်းဖို့လည်း ဂရုစိုက်ပေးရပါမယ်။ တစ်လ၊ တစ်လခွဲလောက်ဆို အပင်ပေါက်ပါတယ်။တစ်ပေခွဲ၊ နှစ်ပေအရွယ်ရှိအပင်များကို ပြောင်းရွှေ့စိုက်နိုင်ပါတယ်။ နှစ်ချင်းမစိုက်ချင်သေးပါက အိတ်အရွယ်အစား (၆"× ၈") ၊ (၈"× ၁၀") တို့မှာအိတ်ပြောင်းပြီး တစ်နှစ်ဆက်ထားနိုင်ပါတယ်။

မြေပြင်ခြင်းနဲ့ စိုက်ပျိုးခြင်း

- စိုက်ပျိုးမည့်မြေကို (၁) ပေပတ်လည်ကျင်း တူးရပါမယ်။ တူးလို့ရလာတဲ့မြေတစ်ဆ၊နွားချေးမြေဆွေးတစ်ဆ၊ သဲတစ်ဆရောပြီး စိုက်ကျင်းရေလောင်း၍ (၂-၃) ရက်ကြာ နှပ်ထားပြီးမှ ပျိုးပင်များကိုစိုက်ရပါမယ်။ နံ့သာဖြူပင်များကို တစ်ပင်နဲ့တစ်ပင် (၆)ပေပတ်လည်အကွာ (သို့မဟုတ်) ပင်ကြားတန်းကြား ၆ပေ× ၄ပေ ထားပြီး စိုက်နိုင်ပါတယ်။စိုက်ချိန်ကတော့ မိုးဦးကျချိန် ဇွန်လမှ အောက်တိုဘာလအတွင်း စိုက်သင့်ပါတယ်။

အမှီပင်များ

- နံ့သာဖြူပင်က အခြားအပင်တွေရဲ့အမြစ်ကို မှီတွယ်ပြီးဖြစ်ထွန်းကြလို့ အမှီအပင်တွေလည်း စိုက်ပေးရပါသေးတယ်။ အမှီအပင်တွေအဖြစ် ရှား၊ ထနောင်း၊ မယ်ဇလီ၊ ကုက္ကို၊ဘောဇကိုင်း၊ ပြည်ပန်းညို၊ ဝါးမျိုးနွယ်ပင်များ စသည့်အပင်တွေကို နံ့သာဖြူပင်စိုက်ပျိုးပြီးတာနဲ့ ကြားညှပ်၍ စိုက်ပေးရပါမယ်ဗျ။

အပင်ပြုစုစောင့်ရှောက်ခြင်း

- နံ့သာဖြူပင်က ပထမနှစ်မှာ အထူးဂရုစိုက်ပေးဖို့ လိုအပ်ပါတယ်ဗျ။ အပင်ခြေမှာ ပေါင်းပင်နဲ့ နွယ်ပင်တွေမရှိအောင် ပုံမှန်ရှင်းလင်းပေးရပါမယ်။ အပင်ခြေကို အနည်းဆုံး တစ်လတစ်ကြိမ် မြေဆွပေးဖို့လည်း လိုအပ်ပါမယ်။

- နံ့သာဖြူပင်တွေမှာ ပထမနှစ် အပင်ငယ်လေးတွေက ရောဂါကျရောက်မှုဒဏ်ကို ခံနိုင်ရည်မရှိကြပါဘူး။ ရောဂါကျရောက်လျှင် အရွက်တွေကြွေပြီး သေသွားတတ်ကြပါတယ်။ ဒါကြောင့် မိုးရာသီမှာဆိုရင် တစ်လတစ်ကြိမ် မှိုသတ်ဆေးတစ်မျိုးမျိုးဖျန်းပေးရပါတယ်။ ဆောင်းရာသီမှာဆိုရင်တော့ မှိုသတ်ဆေးကို (၃) ပတ်တစ်ကြိမ် ဖျန်းပေးဖို့ လိုအပ်ပါတယ်။

ခုတ်ယူရိတ်သိမ်းခြင်း

- နံ့သာဖြူပင်တွေကို (၈) နှစ်သားမှစပြီး ခုတ်ယူနိုင်ပါတယ်။ ဒါပေမယ့် နှစ်ကြာလေ တန်ဖိုးမြင့်လေဖြစ်တာမို့ (၁၀-၁၅) နှစ်ထားပြီးမှခုတ်ရင် အနှစ်သားပိုရပါတယ်။ နံ့သာဖြူပင်ကို အနှစ်ထုတ်ယူဖို့ဆိုရင် အမြစ်ကနေတူးထုတ်ပြီးယူရတာမို့ မလိုအပ်သေးလျှင် မတူးသေးပဲ နှစ်ကြာအောင်ထားနိုင်ရင် အကောင်းဆုံးပါပဲဗျာ။

ကိုးကားချက်- "ရွှေမီးအိမ် စာအုပ်စင်၏ နံ့သာဖြူစိုက်ပျိုးနည်း စာအုပ်မှ ကောက်နှုတ်ရေးသားထားပါသည်။"

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...