နှင်းဆီလှလှလေးတွေစိုက်လို့ ဘဝအမောတွေဖြေဖျောက်ကြပါစို့..

07/03/2019 15:21 PM တွင် ဒေါ်နန်းထက်ထက်ချစ် ဒေါ်နန်းထက်ထက်ချစ် မှ ရေးသား ပြီး Greenovator Greenovator မှ ပေးပို့ထားပါသည်။

နှင်းဆီပင် စစိုက်တော့မယ်ဆိုရင် ပထမဦးဆုံး သိချင်ကြတာကတော့ ဘယ်စနစ်နဲ့ စိုက်ပျိုးရမှာလဲ ဆိုတာပါပဲ။ စနစ်သစ်တွေ၊ စနစ်ဟောင်းတွေဆိုတာ အသာဘေးဖယ်ထား။ တောင်သူနားလည်မယ့် ရိုးရိုးရှင်းရှင်းစာသားလေးနဲ့ပဲ ပြောပြချင်ပါတယ်။

နှင်းဆီပင်စိုက်ပျိုးရာမှာ မြေစေးနဲ့ သဲဆန်တဲ့မြေအမျိုးအစားမဟုတ်ဘူးဆိုရင် စိုက်ပျိုးလို့ အဆင်ပြေပါတယ်။ မြေချဉ်ငံကိန်း pH ကတော့ ၅.၅ နဲ့ ၆.၅ ကြားရှိရင် ပိုကောင်းပါတယ်။

စီးပွားဖြစ်နှင်းဆီစိုက်ကြသူအများစု စိုက်ပျိုးလေ့ရှိတဲ့ နည်း (၂) မျိုးကတော့- ကိုင်းကူးကိုင်းဆက် စိုက်ပျိုးတဲ့စနစ်နဲ့၊ အဖူးမြှုပ်စိုက်ပျိုးတဲ့နည်းစနစ်ပါ။

(၁) ကိုင်းကူးစနစ်မှာတော့ ကနဦး နှင်းဆီရိုင်းပင်ပေါ်မှာ ကိုယ်နှစ်သက်ရာ နှင်းဆီမျိုးကောင်းမျိုးသန့်ရဲ့ ကိုင်းလေးတွေကို ကူးဆက်စိုက်ပျိုးတာပါ။

(၂) အဖူးမြှုပ်စိုက်ပျိုးတဲ့ စနစ်မှာတော့ နှင်းဆီအယဉ်ပင်က မျက်စိဖူးလို့ ခေါ်တဲ့ အတက်ကလေးကို ခွာယူပြီး ကနဦးပျိုးထားပြီး၊ အမြစ်ထွက်နေတဲ့ အရိုင်းကိုင်းထဲကို မြှုပ်ပြီး စိုက်ပျိုးတာပါ။

နှင်းဆီပင်ကို ကိုင်းကူးစိုက်ပျိုးတာနဲ့ အဖူးမြှုပ်စိုက်ပျိုးတာ ဘာတွေပိုထူးခြားမလဲ?

- နှင်းဆီပင် ကိုင်းကူးစိုက်ပျိုးတဲ့စနစ်ဟာ စိုက်သက်တမ်း (၄)နှစ် ပတ်ဝန်းကျင်လောက်အထိ၊ စီးပွားဖြစ် အရည်အ သွေးမီ၊ ထွက်နှုန်းအားကောင်းတဲ့ (အပွင့်ခူးဆွတ် ရောင်းချလို့ရတဲ့) အပင်သက်တမ်းရှိပါတယ်။ အဖူးမြှုပ်စနစ်နဲ့ နှင်း ဆီပင်စိုက်မယ်ဆိုရင်တော့ အပင်သက်တမ်း(၇)နှစ်လောက်အထိကို အပွင့်ကောင်းတွေ ဆက်တိုက်ရနိုင်ပါတယ်။

မြေပြင်ပြီး နှင်းဆီစစိုက်တော့မယ်….

- အများအားဖြင့် နှင်းဆီပင်ကို တန်းကြား (၅)ပေ၊ ပင်ကြား (၁)ပေ ထားပြီး စိုက်လေ့ရှိကြပါတယ်။ နှင်းဆီစိုက်ပျိုးချိန်ကတော့ ဇူလိုင်လနဲ့၊ သြဂုတ်လပိုင်းတွေပဲ ဖြစ်ပါတယ်။ အကယ်၍ မိမိတို့ဒေသမှာ ရေသွယ်မှု လွယ်ကူတယ်၊ မိမိကလည်း ပြုစုထိန်းသိမ်းနိုင်စွမ်း အားရှိတယ်ဆိုရင်တော့ သြဂုတ်လထက် နောက်ကျပြီးမှ စတင်စိုက်ပျိုးလို့လည်းရပါတယ်။

- စိုက်ပျိုးပြီးလို့ (၄)လလောက်အကြာမှာ အပင်ကို မြေဆွပေးပြီး အပင်ခြေကို သဘာ၀ မြေသြဇာတွေ (ဒါမှမဟုတ်) နှစ်သက်ရာ အားသန်ရာ မြေသြဇာတစ်မျိုးမျိုး ထည့်သွင်းပေးသင့်ပါတယ်။

- ရေပေးသွင်းတဲ့အခါမှာတော့ မြောင်းသွင်းစနစ်နဲ့ အပင်တွေရဲ့ကြား အလယ်ခေါင်မှာ ရေမြောင်းဖောက်ပြီး ရေပေးလေ့ရှိကြတယ်။ နှင်းဆီက ရေကြိုက်ပေမယ့်လည်း ရေဝပ်ဒဏ်မခံနိုင် (ရေဝပ်တဲ့နေရာတွေမကြိုက်) တာ သတိပြုပါ။ ရေပေးတဲ့အခါ အမြစ်ကို ရေမြုပ်စေတာမျိုး လုံးဝမလုပ်သင့်ပါဘူး။ ရှမ်းပြည်နယ်လိုပတ်ဝန်းကျင် လေထု အစိုဓာတ်၊ အအေးဓာတ်များတဲ့ ဒေသတွေမှာဆိုရင် နှင်းဆီပင်တွေဟာ ရေအရမ်းပေးစရာမလိုအပ်တော့ပဲ ရှင်သန်ဖြစ်ထွန်းနိုင်ပါတယ်။

နှင်းဆီပန်းတွေ ဘယ်အချိန်မှာစပြီး ဈေးကွက်တင်သွင်းနိုင်မှာလဲ?

- ဒေသတစ်ခုနဲ့တစ်ခု၊ စိုက်ခြံတစ်ခုနဲ့တစ်ခု မတူညီနိုင်ပါဘူး။ စိုက်ပျိုးထားတဲ့ မြေသားအနေအထားနဲ့ စိုက်ပျိုးတဲ့သူရဲ့ ပြုစုထိန်းသိမ်းစောင့်ရှောက်မှုတွေအပေါ် အများကြီးမူတည်ပါတယ်။

- စိုက်ပျိုးပြီးသက်တမ်း (၃)လကနေ (၄)လအတွင်း ပန်းတွေ ဈေးကွက်တင်သွင်းနိုင်တာမျိုးလည်း ရှိနိုင်ပြီး၊ စိုက်သက် တမ်း (၅)လကနေ (၆)လအထိ စောင့်ဆိုင်းရတာလည်း ရှိပါတယ်။ အပင်သက်တမ်းရင့်လာရင်တော့ အပင်မှာ ဒက်လေးတွေ ဖြစ်တတ်ပါတယ်။

နှင်းဆီပင်တွေ စိုက်ပျိုးတာဟာ စိုက်ပျိုးတဲ့သူရဲ့ မျက်စိပသာဒနဲ့ စိတ်နှလုံးသားကိုလည်း သာယာလှပ စေသလို၊ ဈေး ကွက်မှာလည်း ပျိုပျိုအိုအို ကြီးကြီးငယ်ငယ် လူကြိုက်များတဲ့ ဘုရားပန်းတစ်မျိုး ဖြစ်နေတာကြောင့် စိုက်ပျိုးတဲ့သူအဖို့ ကုသိုလ်လည်းရ၊ စိတ်လည်းချမ်းသာ (၂) ထပ်ကွမ်း အကျိုးအမြတ်တွေ ရလာမှာ ဖြစ်ပါတယ်။

ကဲ… အဲ့ဒီတော့!

စိုက်သက်တမ်း (၅)လကနေ သက်တမ်း(၁)နှစ်နဲ့ ဈေးကွက်တင်ပို့ရောင်းချလို့ရနိုင်တဲ့ နှင်းဆီပင်လှလှလေးတွေစိုက် ပျိုးရင်း ဘဝအမောတွေ ဖြေဖျောက်ကြရအောင်လားရှင်….။          

နန်းထက်ထက်ချစ်(ABM)


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်