ငါးအဆီစားသုံးခြင်း၏ အကျိုးကျေးဇူးများ

ငါးများ၏ဗိုက်မှာပါရှိသည့်အဆီမှာ တခြားသတ္တဝါများ၏အဆီလို လူကို ဝစေတာမျိုးမဟုတ်ပဲ ဆန့်ကျင်ဘက်အကျိုးအာနိသင်ရှိစေပါသည်။ ငါးအဆီနှင့် ငါးဗိုက်သားအဆီတို့ကို အမျိုးသား၊ အမျိုးသမီး၊ သက်ကြီးရွယ်အို၊ ကလေး၊ ကိုယ်ဝန်ဆောင်ပါမကျန် စားသုံးသင့်ပါသည်။

အထူးသဖြင့် ငါးအဆီ (Fish Oil) က belly fat လို့ခေါ်သည့် လူသားများ၏ဝမ်းဗိုက်က အဆီတွေကို ချေဖျက်နိုင်စွမ်းရှိသည်။ Fitness သမားတွေ၊ ဝိတ်ချသူတွေပါ ဈေးကြီးပေးဝယ်သောက်နေကြသည့် Omega-3 Fatty Acid ဆိုသည့် ငါးကြီးဆီဆေးလုံးလေးများမှာ ငါးဗိုက်သားအဆီကနေ ထုတ်လုပ်ထားသည်ဟု သိရသည်။ ပိုက်ဆံအကုန်ခံပြီး supplement တွေဝယ်သောက်နေမည့်အစား ကြိုက်နှစ်သက်ပါက ငါးဗိုက်သားအဆီကို ခဏခဏချက်ပြီး စားနိုင်ပါသည်။ ဗိုက်ပူနေသူများလည်း ငါးဗိုက်သားကို စားသုံးသင့်ပေသည်။

ပင်လယ်ငါး၏ ဗိုက်သားအဆီက ကျန်းမာရေးအတွက်ပိုကောင်းပါသည်။ မြစ်ငါးတန်ထက် ရေချိုရေငန်စပ်ငါးတန်မှရသည့်အဆီက ကျန်းမာရေးအတွက် ပိုကောင်းပါသည်။ ငါးမုတ်က ရေချိုရေငန်စပ်ငါးဖြစ်၍ စားသင့်ပါသည်။ ရေချိုငါးများမှာ အဆီမရှိသလောက်နည်းပါးကြပါသည်။ ငါးကြင်းက လူကိုဝစေနိုင်ပါသည်။ ဝမှာကြောက်သူများ ငါးကြင်းလျှော့စားပါ။ ငါးသလောက်၊ ငါးအိုက်၊ ငါးတန်တို့က သွေးတက်စေပါသည်။ ကိုယ်အလေးချိန်လျှော့ချလိုသူများ တီလားဗီးယား၊ ငါးမုတ်၊ ငါးမြစ်ချင်း စတဲ့ငါးတွေကို ဆီမပါ ကြက်သွန်ဖြူ၊ ချင်းတို့နှင့် ငါးကို ပေါင်း၍ဖြစ်စေ အရည်သောက်ဖြစ်စေ တစ်ပတ်ကို လေးငါးကြိမ်စားပေးပါ။ သိသိသာသာ ကိုယ်အလေးချိန်လျော့ကျစေပါသည်။ ငါးကွမ်းရှပ်နှင့် ဆယ်လ်မွန်ငါးတွေကတော့ အကောင်းဆုံးငါးများဖြစ်ပါသည်။

ဗီယက်နမ်နိုင်ငံတွင် အသားအရေလှပကျန်းမာဖို့ ငါးတန်ဗိုက်သားကရတဲ့အဆီနဲ့ အလှကုန်ပစ္စည်းများဖော်စပ်ကြသည်။ ဒါ့အပြင် ငါးများများစားခြင်းက ဝက်ခြံပေါက်ခြင်းကိုလည်း နည်းပါးစေသည်ဟုသိရသည်။

ငါးများသည် သွေးအေးသတ္တဝါများဖြစ်ကြပြီး ရေထဲတွင်နေသည့်အတွက် သူတို့၏ ခန္ဓာကိုယ်အပူချိန်မှာ ရေနှင့်အတူတူဖြစ်နေပါသည်။ လူထက် ကိုယ်အပူချိန် အများကြီးနိမ့်ပါသည်။ ငါးများတွင် အဆီရှိကြပြီး ငါး၏အဆီက သူ့ခန္ဓာကိုယ်ထဲတွင် ပျော်ဝင်နေပါသည်။ ၉၈.၆ ဒီဂရီဖာရင်ဟိုက်လောက်ရှိသည့် လူ့ခန္ဓာကိုယ်ထဲသို့ ငါးအဆီတွေရောက်လာသောအခါ အပူပေးထားသကဲ့သို့ အရည်ပျော်လာပါသည်။ ငါးအဆီကိုစားတဲ့အခါမှာ ငါးအဆီတွေက သွေးထဲရောက်လာပြီး သွေးကိုကျဲသွားစေပါသည်။ သွေးကြောထဲတွင် အရင်ကရှိနေေပြီးသား မကောင်းတဲ့ ကိုလက်စထရောတွေကိုလည်း တိုက်စားရှင်းလင်းပေးပါသည်။ သွေးလည်ပတ်မှုကိုလည်း မြန်ဆန်သွက်လက်စေပါသည်။

ဒါ့ကြောင့်ငါးအဆီ (Fish Oil) ကို စားပေးခြင်းဖြင့် အသက်ဘယ်လောက်ပဲကြီးကြီး သွေးကြောနှင့်ပတ်သက်သော ရောဂါများနှင့် ကင်းဝေးရပါလိမ့်မည်။ နှလုံးရောဂါ၊ ဦးနှောက်သွေးကြောပြတ်ခြင်းနှင့် လေဖြတ် လေဖြန်းရောဂါများအတွက် မကြောက်ရတော့ပေ။

ငါးအဆီ၏ အကျိုး (၁၀) မျိုးမှာ

၁) ကင်ဆာကာကွယ်ပေးသည်။

၂) နှလုံးကျန်းမာရေး ကောင်းမွန်စေသည်။

၃) စိတ်ကျရောဂါကို သက်သာစေသည်။

၄) အာရုံစူးစိုက်မှုကောင်းစေသည်။

၅) အသားအရေ လှပစေသည်။

၆) ရောင်ရမ်းခြင်းကို လျှော့ချပေးသည်။

၇) အယ်ဇိုင်းမားဖြစ်နိုင်ချေနည်းစေသည်။

၈) ဒူး၊ အဆစ်နာခြင်းကို သက်သာစေသည်။

၉) ဂေါက်ရောဂါအတွက် ကောင်းမွန်သည်။

၁၀) ဆံပင်သန်စွမ်းထူထပ်စေသည်။

ပင်လယ်ပြာ (ငါးဦးစီး)

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ