ကင်းပုံသီးရဲ့ ကျန်းမာရေးဆိုင်ရာ ကောင်းကျိုးများ

ကင်းပုံသီးဆိုတာ အလေ့ကျပေါက်ရောက်လေ့ရှိတဲ့ နွယ်ပင်တစ်မျိုးဖြစ်ပါတယ်။ ကင်းပုံသီးဟာ အနည်းငယ် ခါးသပ်သပ်အရသာရှိပြီး ၎င်းကို ပြုတ်တို့ပြီးစားကြသလို ကြော်စားလို့လည်းရပါတယ်။

တစ်ချို့ကတော့ ဟင်းချိုအနေနဲ့လည်း ချက်သောက်ကြပါတယ်။ ကင်းပုံသီးကို မြို့မှာနေထိုင်တဲ့သူတွေဆိုရင်လည်း ဈေးမှာ အလွယ်တကူ ဝယ်ယူနိုင်သလို ကျေးရွာတွေမှာဆိုရင်တော့ ခြံစည်းရိုးတွေမှာ အလေ့ကျ ပေါက်ရောက်လေ့ရှိတာကြောင့် အလွယ်တကူစားသုံးနိုင်ကြပါတယ်။

ကင်းပုံသီးမှာ အဓိကအားဖြင့် မျိုးစိတ် ၃ မျိုးရှိပါတယ်။ ကင်းပုံသီးကို အိမ်နီးချင်းနိုင်ငံတွေဖြစ်တဲ့ အိန္ဒိယ၊ ထိုင်းနဲ့ အင်ဒိုနီးရှားနိုင်ငံတွေမှာဆိုရင်လည်း ၎င်းတို့ရဲ့ ဟင်းလျာတွေထဲမှာ ထည့်သွင်းချက်ပြုတ်ကြတာ တွေ့ရပါတယ်။ ယခုဆောင်းပါးမှာတော့ ကင်းပုံသီးစားခြင်းအားဖြင့်ရရှိနိုင်တဲ့ ကျန်းမာရေးဆိုင်ရာ ကောင်းကျိုးများကို မျှဝေပေးသွားမှာ ဖြစ်ပါတယ်။

ကင်ပုံသီးကို ဘာကြောင့်စားသင့်တာလဲ?

ကင်းပုံသီးမှာ ဘီတာကယ်ရိုတင်းလို့ခေါ်တဲ့ လိမ္မော်ရောင်ခြယ်ဆဲလ်တွေ ပါဝင်ပါတယ်။ ဘီတာကယ်ရိုတင်းမှာဆိုရင် ဓာတ်တိုးဆန့်ကျင်ပစ္စည်းတွေပါဝင်ပြီး ၎င်းတို့ဟာ ခန္ဓာကိုယ်ထဲမှာရှိနေတဲ့ ဆဲလ်များပျက်စီးမှုကို နှောင့်နှေးစေနိုင်ပါတယ်။ ဒါ့အပြင် ကင်းပုံသီးမှာ အပင်ကိုအခြေခံတဲ့ ဓာတုပစ္စည်းတွေပါဝင်ပြီး ၎င်းတို့ဟာ နှလုံးကျန်းမာရေး၊ ပန်းနာရင်ကျပ်၊ ဆီးပူညောင်းကျရောဂါ နဲ့ ကင်ဆာရောဂါများကို ကာကွယ်ပေးနိုင်ပါတယ်။ ကိုယ်အလေးချိန်ကိုလည်း လျော့နည်းအောင် ကူညီပေးနိုင်ပါသေးတယ်။ ဒါ့အပြင် ကင်းပုံသီးမှာ အမျှင်ဓာတ်၊ ဗီတာမင် ဘီနဲ့ သံဓာတ်တွေလည်း ကြွယ်ဝစွာပါဝင်နေပါတယ်။ ဒါ့ကြောင့် ဝမ်းချုပ်တာတွေနဲ့ သွေးတွင်း သကြားဓာတ်များနေတာတွေကိုလျော့နည်းသက်သာစေပါတယ်။

ဆီးချိုရောဂါ ကာကွယ်ပေးခြင်း

ကင်းပုံသီးဟာ ဆီးချိုရောဂါကို ကာကွယ်ပေးနိုင်တယ်လို့ သိရပါတယ်။ ကင်းပုံသီးစားခြင်းအားဖြင့် သွေးတွင်းသကြားဓာတ်ကို သိသာစွာ ကျဆင်းစေနိုင်ပါတယ်။ ကင်းပုံသီးမှာဆိုရင် Glucose-6-phosphate dehydrogenase  ဆိုတဲ့ ဓာတ်ကို ဟန့်တားနိုင်တဲ့ ဒြပ်ပေါင်းတွေပါဝင်နေပါတယ်။ ဒါ့ကြောင့် ကင်းပုံသီး၊ ကင်းပုံဟင်းခါးရွက်နဲ့ ကင်းပုံသီး ဟင်းရည်တို့ကို စားသောက်ခြင်းဖြင့် ဆီးချိုရောဂါကို ကာကွယ်ပေးနိုင်မှာ ဖြစ်ပါတယ်။

အစာခြေဖျက်မှု ကောင်းစေခြင်း

ကင်းပုံသီးစားခြင်းအားဖြင့် ဝမ်းချုပ်ခြင်းကဲ့သို့ ခန္ဓာကိုယ်တွင်း အစာခြေဖျက်မှုဆိုင်ရာ ပြဿနာများကိုလည်း လျော့နည်းသက်သာစေပါတယ်။ ကင်းပုံသီးဟာ အမျှင်ဓာတ်တွေပါဝင်နေတာကြောင့် အစာခြေဖျက်မှုကို အထောက်အကူပြုပြီး အစာအိမ်နဲ့ အူလမ်းကြောင်းဆိုင်ရာ ပြဿနာတွေကို ကာကွယ်ပေးနိုင်ပါတယ်။

ဓာတ်မတည့်မှုကို ကာကွယ်ပေးခြင်း

ကင်းပုံသီးကို အချို့သော တိုင်းရင်းရိုးရာ ဆေးကုသတဲ့နေရာတွေမှာလည်း အသုံးပြုကြပါတယ်။ ကင်းပုံသီးမှာ အယ်ကာလွိုက်၊ ဖလေဗိုနွိုက်၊ စတီရိုရွိုက်နဲ့ ဂလိုင်ကိုဆိုဒ် စတဲ့ဓာတ်တွေပါဝင်ပြီး ပန်းနာရင်ကျပ်၊ လည်ချောင်းနာ၊ အသက်ရှူလမ်းကြောင်းဆိုင်ရာ ရောဂါများနဲ့ အချို့သော ဓာတ်မတည့်မှုများကို ကာကွယ်ပေးနိုင်ပါတယ်။

ကင်ဆာ ကာကွယ်ပေးနိုင်ခြင်း

ကင်းပုံသီးမှာ ဘီတာကယ်ရိုတင်းနဲ့ ဓာတ်တိုးဆန့်ကျင်ပစ္စည်းတွေပါဝင်ပါတယ်။ ဒါ့ကြောင့် မကြာခဏ စားသုံးပေးခြင်းဖြင့် ကင်ဆာရောဂါကိုလည်း ကာကွယ်ပေးနိုင်ပါတယ်။ ကင်းပုံသီးစားသုံးပေးခြင်းဟာ ခန္ဓာကိုယ်ထဲမှာရှိနေတဲ့ ဆဲလ်များနဲ့ DNA (ဒီအင်န်အေ) များအား ပျက်စီးခြင်းမှကာကွယ်ပေးနိုင်တဲ့ ဓာတ်တိုးဆန့်ကျင် ပစ္စည်းတွေပါဝင်နေတာကြောင့် ကင်ဆာရောဂါများကို ကာကွယ်ပေးနိုင်ပါတယ်။

Source- https://www.medindia.net/

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်