ကြက်ဥနှင့် ကျန်းမာရေး

ကြက်ဥသည် အာဟာရဓာတ် အလွန်ပြည့်ဝပြီး ပရိုတင်း၊ ဗီတာမင်၊ သတ္တုဓာတ်၊ အဆီနှင့်အခြားမရှိမဖြစ် လိုအပ်သောဓာတ်များပါဝင်နေပါသည်။ Vitamin-A, Vitamin-D, Vitamin-B12, Vitamin-B6, Vitamin-B2, Vitamin-K, Vitamin-E, Selenium, Phosphorus, Calcium, Zinc နဲ့ ခန္ဓာကိုယ်အတွက် မရှိမဖြစ်လိုအပ်တဲ့ အာဟာရဓာတ်အားလုံးနီးပါး ပါဝင်နေပါသည်။

အရွယ်တော်ကြက်ဥတစ်လုံးတွင် ကယ်လိုရီ ၇၈၊ ပရိုတိန်း ၆ ဂရမ်နှင့် ကောင်းမွန်တဲ့ အဆီဓာတ်(၃)ဂရမ် ပေးစွမ်းနိုင်ပါသည်။ ကြက်ဥစားပေးခြင်းဖြင့်-

၁။ မျက်စိကျန်းမာရေးကောင်းမွန်စေခြင်း။

၂။ သွေးခဲနှုန်း၊ နှလုံးရောဂါဖြစ်ပွားနှုန်းနှင့် လေဖြတ်ရောဂါတို့ကို လျှော့ချပေးနိုင်ခြင်း။

၃။ အဆုတ်အားကောင်းမွန်ခြင်း။

၄။ ရင်သားကင်ဆာကို ကာကွယ်ပေးခြင်း။

၅။ အသားအရေလှပစေခြင်း။

၆။ ဆံပင်သားပိုမိုတောက်ပစေခြင်း။

၇။ အရိုးနှင့်ကြွက်သားများကိုသန်မာစေပြီး အရိုးပွခြင်းကိုကာကွယ်ပေးခြင်း။

၈။ မှတ်ဉာဏ်အားကောင်းမွန်ခြင်း။

၉။ အယ်ဇိုင်းမားနှင့် စိတ်ဖောက်ပြန်မှု ရောဂါကို ကာကွယ်ပေးခြင်း။

၁၀။ လက်သည်းများ သန်စွမ်းတောက်ပခြင်း။

၁၁။ ဝမ်းမှန်ခြင်း စသည့်အကျိုးကျေးဇူးများရရှိလာနိုင်ပါသည်။

ကြက်ဥကိုစားလျှင် ဆိမ့်ဆိမ့်လေးနှင့် အရသာရှိပြီး အားရှိကြသည်ကို လူတိုင်းသိထားကြပြီး ဖြစ်ပါသည်။ ကြက်ဥတွင် Protein ဓာတ်အပြည့်အဝပါဝင်သောကြောင့် နံလန်ထလူနာများ၊ သွေးအားနည်းသူများလည်း စားပေးသင့်သည်ဟု သိရပါသည်။

ထို့ပြင်ကြက်ဥများမှာ ယခုခေတ်ပေါ်ရောဂါ Covid-19 ကို တစ်နည်းတစ်ဖုံနဲ့ ကာကွယ်ကုသနိုင်တယ်ဆိုတာ ပညာရှင်တွေသိခဲ့ကြတာ သိပ်မကြာသေးပါ။ ကြက်ဥမှာပါတဲ့ အကာဟာ အဆုတ်ကြွက်သားတွေကို အားကောင်းစေပြီး ကြက်ဥအနှစ်မှာ အသက်ရှူပြွန်ကို သန့်စင်စေတယ်လို့လည်း ဆိုကြပါသည်။ Covid-19 ကုသပေးနေသည့် ဆရာဝန်များမှာလည်း လူနာကိုတစ်နေ့လျှင် ကြက်ဥပြုတ်(၂)လုံးနှင့် ဂျင်းပြုတ်ရည်တို့ဖြင့်တွဲပြီး ကုသကြသည်ဟုလည်းကြားသိရပါသည်။ ထို့ကြောင့်လည်း Covid-19 ရောဂါကို ကာကွယ်ဖို့အတွက် ကြက်ဥပြုတ်မှာအထောက်အကူပြု ကာကွယ်ဆေးတစ်ခွက်လို ဖြစ်နေပါပြီ။

သို့သော်ကြက်ဥကို ပြုတ်ပြီးစားရမှာဖြစ်ပြီး Half fried ကြော်စားခြင်း၊ မကျက်တကျက်ပြုတ်စားခြင်း၊ မွှေကြော်ကြော်စားခြင်းများထက် ကြက်ဥကိုအလုံးလိုက်ကျက်သည်အထိပြုတ်မှသာ ကြက်ဥကပေးသည့် အာဟာရဓာတ်ကို အပြည့်အဝရမှာဖြစ်သည်ဟု သိရပါသည်။ ထို့ပြင် ကြက်ဥပြုတ်ကိုလှီးပြီး ကြက်သွန်နီ၊ ကြက်သွန်ဖြူ၊ ခရမ်းချဉ်သီးတို့တွင် ဆီ၊ ဆားလေးထည့်ပြီး သုပ်စားပါကလည်း ခရမ်းချဉ်သီး၊ ကြက်သွန်ဖြူ/နီ တို့ရဲ့ Probiotic ဓာတ်တွေပါ ပေါင်းသွားသည့်အတွက် အရသာလည်းရှိ Covid-19 တိုက်ဖျက်ဖို့အတွက် ပိုကောင်းတဲ့ ဆေးတစ်ခွက်လည်းဖြစ်သွားပါကြောင်း သိရပါသည်။

ကြက်ဥကြိုက်ပြီး ကိုလက်စထရော မတက်စေချင်လျှင် အကာချည်း စားနိုင်ပါသည်။ အကာမှာ ကြက်ဥရဲ့ Protein ဓာတ် ၅၀% နှင့်ရေဓာတ် ပါရှိကြပါသည်။ အနှစ်မှာသာ ကိုလက်စထရောအားလုံ့းနဲ့ အာဟာရဓာတ်အားလုံးပါရှိနေတာဖြစ်ပါသည်။ သို့ပါသောကြောင့် ခေတ်ပေါ် Covid-19 ရောဂါကို ကာကွယ်ဖို့ ကိုယ်ခံအားကောင်းပြီး အားရှိနေစေရန်အတွက် ကြက်ဥကို တစ်နေ့ (၁)လုံး (သို့) (၂) လုံးပြုတ်စားသင့်ပါကြောင်း လေ့လာရေးသားလိုက်ရပါသည်။

ပင်လယ်ပြာ (ငါး/ဦးစီး)

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်