နွားမတမ်းပြုစုစောင့်ရှောက်ခြင်း၏ မျိုးပွားခြင်းအပေါ် အရေးပါပုံ

နို့စားနွားခြံတွင်ရှိသော နွားမတမ်းများသည် နေ့စဉ်နှင့်အမျှ ငွေကြေးကုန်ကျမှု များစေပါသည်။ ၎င်းတို့အတွက် ကျွေးမွေးရသောအစာစရိတ်၊ စောက်ရှောက်ရသော ဝန်ထမ်းစရိတ်များသာရှိပြီး ဝင်ငွေရရှိလာခြင်းမရှိပေ။ ထို့ကြောင့် နွားမတမ်းမျာကို လျင်မြန်စွာကြီးထွားလာအောင် မွေးမြူပြီး စောလျင်စွာသားတင်နိုင်ဖို့ အရေးကြီးပါတယ်။ သို့မှသာ သားအောင်ပြီး နွားကလေးမွေးကာ နွားနို့ဝင်ငွေရရှိမှာဖြစ်ပါတယ်။

ပထမဆုံးသားစပ်ချိန်တွင် နွားမတမ်း၏ အသက်ထက် ခန္ဓာကိုယ်အလေးချိန်ပြည့်မီဖို့က ပို၍အရေးကြီးပါသည်။ အစာအာဟာရ လုံလောက်စွာစားရသော နွားမတမ်းသည် အသက်အားဖြင့် ၁၅ လ မတိုင်မီ ခန္ဓာကိုယ်အလေးချိန်ပြည့်မီပြီး မြိုင်လက္ခဏာပြပါမည်။ ပထမဆုံးသားစပ်ချိန်တွင် နွားမတမ်း၏ ခန္ဓာကိုယ်အလေးချိန်သည် ၎င်း၏ ပထမသားမွေးပြီးချိန်တွင်ရှိရမည့် အလေးချိန်ရဲ့ (၆၀%) ရှိသင့်သည်။ ဖရီရှန်မျိုး နွားမကြီးတစ်ကောင်၏ ပျမ်းမျှကိုယ်အလေးချိန်မှာ (၃၀၀) ကီလိုဂရမ်ရှိပါသည်။

ဒါကြောင့် နွားမတမ်းများကို အသက် ၁၅ လ အရွယ်တွင် ခန္ဓာကိုယ်အလေးချိန် ပြည့်မီ၍ သားတင်နိုင်စေရန် ရည်ရွယ်ထားပြီး မွေးမြူရပါမည်။ သို့မှသာ ၎င်းတို့ဟာ အသက်(၂)နှစ် အရွယ်တွင် ပထမကလေးမွေးဖွားနိုင်မှာဖြစ်ပါတယ်။

နွားမတမ်းများကို အသက် ၁၅ လ အရွယ်တွင် ခန္ဓာကိုယ်အလေးချိန်ပြည့်မီ၍ သားတင်နိုင်စေရန် ၎င်းနွားမတမ်းများ နို့စို့အရွယ်နှင့် သားခွဲပြီးနောက်အရွယ်တို့တွင်လည်း ကောင်းစွာမွေးမြူခဲ့ဖို့ လိုအပ်ပါတယ်။ အရေးကြီးဆုံးကတော့ နို့စို့အရွယ်ကာလမှာ တစ်ရက်ကို နို့ (၃) ပိဿာနှုန်းဖြင့် အသက် (၃) လအရွယ်တွင် ခန္ဓာကိုယ်အလေးချိန် (၁၀၀) ကီလိုဂရမ် ရရှိအောင်မွေးပြီး ၎င်း (၃) လအရွယ်မှာပဲ သားခွဲရပါမည်။ နွားကလေးကို နို့ (၃) ပိဿာအပြင် သန့်ရှင်းအေးမြနေသောရေ၊ အစာစိမ်းနှင့် အစာနုများကိုလည်းစိတ်ကြိုက်စားသုံးနိုင်အောင် ထားရှိပေးထားရမည်။

အသက် (၃) လအရွယ်တွင် သားခွဲပြီးနောက် နွားမတမ်းလေး၏ကြီးထွားနှုန်းကို မှတ်တမ်းထားပြီး သတ်မှတ်စံညွှန်းပြည့်မီအောင်ကျွေး၍ လျင်မြန်စွာကြီးထွားလာအောင် မွေးမြူရပါမည်။

နွားမတမ်း လျင်မြန်စွာကြီးထွားလာအောင် မွေးမြူရာတွင် ပုံမှန်ထက် ငွေကြေးကုန်ကျမှု များစေသော်လည်း ၎င်းတို့သာ အသက် (၂) နှစ် အရွယ်တွင် ပထမကလေးမွေးဖွားနိုင်ပါက ဝင်ငွေပြန်လည်ရရှိမှာဖြစ်ပါတယ်။

အကျိုးအမြတ်ကို အောက်ပါစစ်တမ်းငယ်တွင် ဖော်ပြထားပါသည်။

နွားမတမ်းတစ်ကာင်သည် အသက် (၂) နှစ်ခွဲအရွယ်ရောက်မှ ပထမသားမွေးခြင်းထက် (၆) လစော၍ အသက် (၂) နှစ်အရွယ်တွင် ပထမသားမွေးပါက (၆) လစာ နွားနို့ဝင်ငွေ ပိုရရှိမည်။

ပထမသားမွေးပြီး နွားမတမ်းလေးမှ (၁) ရက် နို့ (၆) ပိဿာရပါက နို့ ၁ ပိဿာစျေး (၁၂၀၀) ကျပ်ဖြင့်တွက်လျှင် (၁) ရက် နွားနို့ဝင်ငွေမှာ (၇၂၀၀) ကျပ် ဖြစ်သည်။

(၆) လ အတွက် နွားနို့ဝင်ငွေကိုတွက်သော် (၁၅၀၀၆၀၀) ကျပ်ဖြစ်သည်။

(၆ လ _ ၃၀.၅ ရက် _ ၁ ရက် ဝင်ငွေ (၇၂၀၀) = ၁၃၁၇၆၀၀)

ဒါကြောင့် ပထမသားမွေးခြင်းကို (၆) လ စောအောင် စီမံနိုင်ပါက ၁၃ သိန်းပိုရရှိမည်။

ကောင်းစွာကြီးထွားပြီး ခန္ဓာကိုယ်အလေးချိန်ပြည့်မီသောနွားမတမ်းသည် ခန္ဓာကိုယ် ကောင်းစွာမဖွံ့ဖြိုးဘဲ အရွယ်အစားသေးသော နွားမတမ်းနှင့်ယှဉ်ပါက ရေရှည်သက်တမ်းအလိုက် နို့ထွက်နှုန်းလည်း ပိုကောင်းပါသည်။

MDEP

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...