တစ်လအတွင်း ဆန်၊ ဆီ၊ ကြက်သွန် ဈေးနှုန်းတွေ ဘယ်လိုတွေပြောင်းသွားလဲ

ပြီးခဲ့တဲ့ နိုဝင်ဘာလ ၁ ရက်နေ့နဲ့ ယခု ဒီဇင်ဘာလ ၁ ရက်နေ့ တစ်လအတွင်း ဆန်၊ ဆီ၊ ကြက်သွန် ဈေးနှုန်းတွေ ဘယ်လောက်ထိ ပြောင်းလဲသွားလဲဆိုတာကို ဖော်ပြပေးလိုက်ပါတယ်။

တစ်လအတွင်း ဆန်ဈေးနှုန်းတွေကတော့ သိသိသာသာသာ တက်သွားတာမျိုးမရှိဘဲ အမျိုးအစား တစ်ချို့ကတော့ ၁ တင်းခွဲ ၁ အိတ်ကို တစ်ထောင် နှစ်ထောင်လောက်တော့ တက်သွားပါတယ်။ ဆိုတော့ ဆန်ဈေးက ငြိမ်နေတယ်လို့ပဲ ပြောရမှာပါ။

၁.၁၁.၂၀၂၂ မှ ၁.၁၂.၂၀၂၂ အတွင်းဈေးနှုန်းကွာခြားချက်

ကြက်သွန်နီဈေးကတော့ ဒီနေ့နဲ့ မနေ့ (ဥပုသ်နေ့) မှာ ဈေးနှုန်းတွေ ဖွင့်ခဲ့ခြင်းမရှိတာကြောင့် ၂၉.၁၁.၂၀၂၂ က ဈေးတွေကိုဖော်ပြပေးလိုက်ပါတယ်ရှင့်။ ၂၉ ရက်နေ့က နောက်ဆုံးသိရှိရတဲ့ ဈေးမှာတော့ ကြက်သွန်နီဈေးဟာ ပြီးခဲ့တဲ့လနဲ့ယှဉ်ရင် တစ်ပိဿာကို (၂၀၀  - ၄၀၀) ကျပ်အတွင်း တက်လာပါတယ်။

ကြက်သွန်ဖြူဈေးကတော့ ကျပါတယ်။ ပြီးခဲ့တဲ့တစ်လအတွင်း တစ်ပိဿာကို ကျပ် ၁၀၀ ကနေ ၃၀၀ အတွင်း  အနည်းငယ်စီကျလာတာ ဖြစ်ပါတယ်။

ပြည်တွင်းစားသုံးဆီဈေးတွေမှာတော့ မန္တလေးဈေးကွက်မှာ ပဲဆီရော နှမ်းဆီရောက တစ်ထောင်စီ တက်လာပြီး ပြည်ဈေးကွက်မှာတော့ အရင်လက ဈေးအတိုင်းပဲ ဖြစ်ပါတယ်။

(စိုက်ပျိုးရေးဈေးကွက်သတင်းအေဂျင်စီ (AMIA) က ပေးပို့လာသည့် ဈေးနှုန်းများနှင့် သုံးသပ်ချက်ကို အခြေခံဖော်ပြခြင်း ဖြစ်ပါသည်။)

(အခြားကုန်စည်နှင့်သီးနှံဈေးနှုန်းများ သိရှိလိုပါက Green Way App ရှိ ' သီးနှံဈေးနှုန်းများ ' ကဏ္ဍတွင် ဝင်ရောက်ကြည့်ရှုနိုင်ပါသည်။)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်