မြေသြဇာအိတ်တွေမှာ NPK ပါဝင်မှုအတိအကျသိရဖို့ ဘယ်လိုတွက်မလဲ?

မြေသြဇာအိတ်မှာ NPK ပါဝင်မှု ရာခိုင်နှုန်းတွေကိုတွက်တဲ့အခါ ပမာဏအတိအကျ သိရဖို့အတွက် တွက်နည်းကိုလေ့လာနိုင်ပါတယ်..

လူတိုင်းအလွယ်မှတ်နေတဲ့ NPK အချိုးဖြစ်တဲ့ 15:15:15 ပတ်လည်ပါဝင်တဲ့ ၅၀ ကီလို တစ်အိတ်မှာ အမှန်အချိုးက 7.5: 7.5: 7:5 ပါဝင်တယ်ဆိုတာ သိပြီးသားဖြစ်မှာပါ (၁၀၀ကီလိုဂရမ်ကို အခြေခံပြီး ဖော်ပြထားတာကြောင့် ၁၅ပတ်လည်ဆိုပြီးရေးတာပါ)

အဲ့လိုဆိုရင် NPK အချိုးပါဝင်မှု ပမာဏ တိကျတယ်ဆိုတာ မဟုတ်သေးပါဘူး။ နိုက်ထရိုဂျင် (Nitrogen) အတွက်မှန်ပေမဲ့

ဖော့စဖောရပ်စ် (P) အချိုး 7.5 %ဟာ ဖော့စဖောရပ်စ် ပန်အောက်ဆိုဒ် (phosphorus pentoxide) (P2O5)ဖြစ်ပြီး 

ပိုတက်စီယမ် (K) အချိုး 7.5% ဟာ ပိုတက်စီယမ် အောက်ဆိုဒ် (potassium oxide) (K2O)ပဲရှိပါသေးတယ်။

သူရဲ့ ၅၀ ကီလိုဂရမ်မှာ ပါဝင်တဲ့ အလေးချိန်အတိအကျရဖို့ဆိုရင်

P2O5 ပမာဏဖြစ်တဲ့ 7.5 ကို 0.44 နဲ့ မြှောက်မှသာ P ရဲ့ အမှန်ပါဝင်တဲ့ အလေးချိန်ပမာဏ ရပါမယ်။

ဥပမာ - 7.5 × 0.44 = 3.3% သာ ဖော့စဖောရပ်စ် (phosphorus) ပါဝင်တယ်လို့ ဆိုပါတယ်။

K2O ပမာဏဖြစ်တဲ့ 7.5 ကို 0.83 နဲ့ မြှောက်မှသာ K ရဲ့ အမှန်ပါဝင်တဲ့ အလေးချိန် ပမာဏရပါမယ်။

ဥပမာ -7.5 × 0.83 =6.225% သာ ပိုတက်စီယမ် (potassium) ပါဝင်တယ်လို့ ဆိုပါတယ်။

အဲ့တာဆို 15ပတ်လည် မြေသြဇာတစ်အိတ် ၅၀ကီလိုမှာ NPK ပါဝင်မှာဟာ - 7.5: 3.3: 6.225 သာပါဝင်ပါတယ်။ (100ကီလိုမှာ အခြေခံပြီး ဖော်ပြမယ်ဆိုပါက 15: 6.6: 12.45 NPK ပမာဏအတိအကျပါဝင်တယ်လို့ မှတ်နိုင်ပါတယ်။ )

Reference.

Teaming with nutrients

(The organic Gardener"s Guide to Optimizing Plant Nutrition ) စာအုပ်မှဖြစ်ပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်