ဒေသနွားများအတွက် အာဟာရပြည့်ဝသည့် အစာစပ်နည်းနှင့် အစာကျွေးနည်းများ

ဒေသနွားမွေးမြူသူများအတွက် အာဟာရလည်းပြည့်ဝစေပြီး ကုန်ကျစရိတ်လည်းသက်သာစေမည့် နွားအစာစပ်နည်းများကို ဖော်ပြပေးလိုက်ပါသည်။

၁။ နို့ထွက်နွားမများအတွက်အစာ

နွားမများကိုနို့ခန်းချိန်တွင် အစာကောင်းကောင်းကျွေးခြင်း၊ စားကျက်ထဲလွှတ်ထားခြင်းဖြင့်ဝဖြိုးလာအောင် ကျွေးမွေးနိုင်ပါသည်။

သားဖွားခါနီး ၂ ရက် ၃ ရက်အလိုတွင် အစာနုလျှော့ကျွေးရပါသည်။ မွေးဖွားသောအခါ အစာကို ပုံမှန်အတိုင်း ပြန်ကျွေးနိုင်ပါသည်။

နို့စားနွားမတစ်ကောင်အတွက် နမူနာအစာ

ဖွဲနု .......... ၄ ပိဿာ

ဆန်ကွဲ......၂ ပိဿာ

နှမ်းဖတ် - ပဲဖတ်..... ၃ ပိဿာ

ဆား..... ၁၅ ကျပ်သားတို့ဖြစ်ပါသည်။

၄င်းအစာတွင် ပရိုတင်း ၁၅% ခန့်ပါရှိသည်။

နွားမတစ်ကောင်လျှင် မနက် ၁ ပိဿာ၊ ည ၁ ပိဿာ ကျွေးနိုင်ပါသည်။ မြက်စိမ်းနှင့် ကောက်ရိုးကိုလည်း ကျွေးရန်လိုအပ်သဖြင့် လိုသလောက်ထားပေးထားရပါသည်။

၂။ နွားသိုးအတွက် အစာ

နွားသိုးအတွက်အစာသည် နှုန်းအားဖြင့်ကြည့်လျှင် နို့စာနွားမများထက်နည်း၏။ သို့သော်နွားသိုးသည် ကိုယ်အလေးချိန် ပိုစီးသောကြောင့် အစာပိုစားရသည်။

နွားသိုးကိုယ်အလေးချိန်၏ ၁% အတွက် ကောက်ရိုးကျွေး၍ ၄င်း%၏ တစ်ဝက်ကို အစာနုကျွေးရသည်။

နမူနာအားဖြင့် ပိဿာ၃ရာခန့်ရှိ နွားသိုးအတွက် ကောက်ရိုး ၃ ပိဿာနှင့်အစာနုစပ်စာ တစ်ပိဿာ ငါးဆယ်သားခန့် ကျွေးရသည်။ ရေကိုလိုသလောက်ပေးထားပါ။

အစာနုကိုစပ်ရာတွင် သမမျှတသောအစာဖြစ်ရန်အရေးကြီးသည်။ ကစီဓာတ်များလွန်းပါက လှုပ်ရှားမှုနည်းလျှင် အဆီထူပြီးသားအောင်နှုန်းနည်းသွားနိုင်ပါသည်။

နွားသိုးအတွက်နမူနာအစာ

ဖွဲနု.... ၄ ပိဿာ

ဆန်ကွဲ.... ၂ ပိဿာ

နှမ်းဖတ်/ပဲဖတ်.... ၄ ပိဿာ

ဆား..... ၂၀ ကျပ်သားတို့ ဖြစ်ပါသည်။

၄င်းအစာတွင် ပရိုတင်း ၁၇% ခန့် ပါဝင်သည်။

နွားသိုးကိုအစာကောင်းကျွေးရန်နှင် အညောင်းပြေလှုပ်ရှားမှု မှန်မှန်ပေးနိုင်ရန် အရေးကြီးပါသည်။

၃။ နွားကလေးများကိုအစာကျွေးခြင်း

နွားကလေးများကို အသက်တစ်လအထိ ကိုယ်အလေးချိန် ၁၀ ပေါင်တွင် နို့ ၁ ပေါင်နှုန်းဖြင့် ပေးသည်။ အသက်တစ်လခွဲအတွင်းတွင် ယခင်ကထက် ၁၄ ကျပ်သားခန့် နို့ပိုပေးသည်။ အသက် တစ်လခွဲမှ နှစ်လ အတွင်းတွင်ဝေပုံကျထက် ၂၈ ကျပ်သားခန့် နို့ပိုချပေးသည်။ ၄င်းကာလအတွင်းတွင် နွားငယ်များကို အစာစားတတ်အောင် အကျင့်လုပ်ပေးရပါသည်။

အစာအနည်းငယ်ပြ၍ စားခိုင်းခြင်း၊ အခြားအစာစားနေသော နွားငယ်ကလေးများနှင့် အစာကျွေးချိန်တွင် ရောနှောပြီး အစာခွက်မှ နှိုက်စားစေခြင်းတို့ပြုစေရသည်။

အသက်၂ လကျော်သောအခါမှ အစာစကျွေးရတော့မည်ဖြစ်သည်။ ဤအရွယ်တွင် အစာကြမ်းများ မကျွေးရသေးပေ။ အစာအိမ်ပုံမှန်ဖွံ့ဖြိုးမှုနည်းသွားနိုင်သောကြောင့်ဖြစ်သည်။

နွားငယ်စာ အစာနုစပ်ရန် နမူနာအချိုး

ဖွဲနု……… ၃၄%

နှမ်းဖတ်၊ ပဲဖတ်………. ၃၀%

ဆန်ကွဲ (သို့မဟုတ်)ပြောင်းမှုန့်………. ၃၀%

ဆား……… ၁%

ခရုမှုန့်…….. ၅%တို့ ဖြစ်သည်။

အသက်၂ လကျော်လာသောအခါ နွားနို့ပေးခြင်းကိုတစ်ဝက်ခန့် လျော့ချလိုက်ပါ။ ထို့နောက် အစာ (အစာနုစပ်စာ)ကို နံနက် ၂၅ ကျပ်သား၊ ည ၂၅ ကျပ်သားပေးပါ။ အစာစိမ်းအဖြစ် မြက်စိုကို ကျွေးနိုင်ပါသည်။ မြက်စိုကို တစ်နေ့လျှင် ၂၅ ကျပ်သားခန့် စမ်းကျွေးနိုင်ပါသည်။

အသက် ၃ လမှ ၄ လအထိ၊ နို့ကိုယခင်အတိုင်း တစ်ဝက်သာပေးပါ။ အစာနုစပ်စာကို နံနက် ၃၅ကျပ်သား၊ ည ၃၅ ကျပ်သားကျွေးပါ။ မြက်စိမ်းကို နှစ်ဆတိုးကျွေးနိုင်ပါသည်။

အသက် ၄ လမှ ၅ လ အထိနို့ပေးနှုန်းနှင့် အစာနုစပ်စာကို ယခင်အတိုင်းပေးပါ။ မြက်စိမ်းကို နံနက်နှင့် ညအတွက်စုစုပေါင်း ၁ ပိဿာခွဲခန့်ပေးပါ။ ကောက်ရိုးကို ၂၅ ကျပ်သားခန့် စမ်းကျွေး ကြည့်နိုင်သည်။

အသက် ၅ လတွင် နို့ကို ယခင်အတိုင်းတဝက်ပေးနိုင်သည်။

အစာနုစပ်စာကို နံနက်နှင့်ည နှစ်နှပ်စာ တစ်ပိဿာအထိ ပေးနိုင်သည်။ မြက်စိမ်းတစ်ပိဿာခွဲနှင့် ကောက်ရိုး ငါးဆယ်သားပေးပါ။

အသက် ၆ လမှ ၇ လအထိ နို့ပေးနှုန်းလျှော့ချပေးပြီး အစာနုစပ်စာ ၁ပိဿာ၊ မြက်တစ်ပိဿာခွဲနှင့် ကောက်ရိုး ၇၅ကျပ်သားကျွေးနိုင်သည်။

အသက် ၇ လမှ ၈ လအထိ နို့ကိုရပ်လိုက်ပါ။အစာနုစပ်စာ တစ်ပိဿာ၊ မြက်စိမ်းနှစ်ပိဿာ၊ ကောက်ရိုး တစ်ပိဿာကျွေးနိုင်သည်။

အရွယ်ရောက်ပြီး နောက်ပိုင်းတွင် မြက်နှင့်ကောက်ရိုးကို တိုးကျွေးနိုင်ပြီး ဆယ်လကျော်လျှင် အစာနုစပ်စာကိုစားနိုင်သလောက်ကျွေးခြင်းဖြင့် ဖွံ့ဖြိုးလာနိုင်ပါသည်။

Ref; Diploma in Livestock Production and Aquaculture.

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...