အော်ဂဲနစ်စနစ်နဲ့ လျှော်ဖြူစိုက်မယ်ဆိုရင်..

လျှော်ဖြူစိုက်ပျိုးထုတ်လုပ်ကြသူများဟာ ပြည်တွင်းလျှော်ဖြူဈေးကွက် တည်ငြိမ်မှုမရှိတဲ့အခါမှာ တရုတ်နိုင်ငံအပြင် ဂျပန်နှင့် ဥရောပနိုင်ငံတွေအထိကို တင်ပို့ရောင်းချနိုင်ဖို့ ကြိုးစားလာကြပါတယ်။

ဒီအခါမှာ တစ်ဖက်ကုန်သည်တွေက အော်ဂဲနစ်ဖြစ်လား? အော်ဂဲနစ်လျှော်ဖြူရနိုင်မလား? ဆိုတဲ့ မေးခွန်းတွေကနေတဆင့် ပြည်တွင်းမှာလည်း လျှော်ဖြူကို အော်ဂဲနစ်ဖြစ်အောင် စိုက်ပျိုးထုတ်လုပ်ကြရမယ်လို့ ဆော်သြသူက ဆော်သြလာကြပါတယ်။

အဲ့ဒီလိုပဲ ''အော်ဂဲနစ်လျှော်ဖြူပါ'' လို့ အာမခံရောင်းချသူတွေလည်း ပေါ်လာကြပါတယ်။

ဒီနေရာမှာ အော်ဂဲနစ်စနစ်ရဲ့ အခြေခံစည်းမျဉ်းအနည်းငယ်ကို ကျွန်တော်ပြောလိုပါတယ်။ အထူးသဖြင့် ကျွန်တော်တို့ စိုက်ပျိုးရေးသမားတော်တော်များများ ရှောင်လွှဲဖို့မလွယ်တဲ့ အော်ဂဲနစ်ရဲ့ အခြေခံစည်းမျဉ်းတွေကို ပြောပြချင်ပါတယ်။

(၁) အော်ဂဲနစ်သီးနှံထုတ်လုပ်မည့်မြေကြီးမှာ ပေါင်းသတ်ဆေးကို အနှစ်(၂၀)အတွင်း သုံးစွဲထားခြင်း မရှိရပါဘူး။

(၂) အော်ဂဲနစ်သီးနှံထုတ်လုပ်မယ့်မြေမှာ Heavy Metal တွေ မပါဝင်ရပါဘူး။ (မြေအသုံးချဌာနမှာစစ်ဆေးပြီး အော်ဂဲနစ်ပညာရှင်များရဲ့ ထောက်ခံချက် ရယူရပါမယ်)

(၃) ပိုးသတ်ဆေးကို ကိုယ်တိုင်သုံးဖို့မပြောနဲ့။ အော်ဂဲနစ်စိုက်ပျိုးမယ့်ခြံရဲ့ တစ်မိုင်ပတ်လည်အတွင်းမှာ ဓာတုပိုးသတ်ဆေးများအပါအဝင် ဆေးရွက်ကြီးလိုပိုးသတ်ဆေးတောင် မသုံးစွဲရပါဘူး။

(၄) နေမကောင်းတဲ့လူတွေအပါဝင် တိရစ္ဆာန်တွေလည်း ခြံထဲကို အဝင်အထွက်လုပ်လို့ မရပါဘူး။

(၅) နွားချေး၊ ဆိတ်ချေးတွေအပါအဝင် မည်သည့်အညစ်အကြေးကိုမှ ခြံထဲကို တိုက်ရိုက်သုံးစွဲခွင့်မရှိပါဘူး။ မြေဆွေးလုပ်ပြီးမှပဲ သုံးစွဲလို့ရပါမယ်။

ဒါတွေဟာ အော်ဂဲနစ်စိုက်ပျိုးရေးစနစ်ရဲ့ အခြေခံစည်းမျဉ်းတွေထဲက တချို့သာဖြစ်ပါတယ်။

အော်ဂဲနစ်လို့အော်နေသူတွေဟာ ဒီအချက်တွေနဲ့ ဘယ်နှစ်ချက် ငြိစွန်းနေပြီလဲ? ဒါတောင် စည်းမျဉ်းအကုန်မဟုတ်သေးပါဘူး။ အလုပ်သမားခပေးတာကအစ စနစ်တကျကန့်သတ်တဲ့ တချို့ အော်ဂဲနစ်အဖွဲ့စည်းတွေလည်း ရှိပါတယ်။

ဒီနေ့ကစပြီး ''လျှော်ဖြူကို အော်ဂဲနစ်နဲ့ စိုက်ချင်လို့ပါ။ ဘယ်လိုစိုက်ရမလဲ? ''လို့မေးတဲ့မိတ်ဆွေများအနေနဲ့ ''အထက်ပါအချက်(၅)ချက်ကို ဆောင်ရွက်နိုင်မှမေးပါ'' လို့ပြောရင်း နိဂုံးချုပ်လိုပါတယ်။

ကျော်မျိုးထွန်း (စိုက်ပျိုးရေး)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...