စီးပွားရေးအရအရေးပါသော ငုံးမွေးမြူရေးအကြောင်း

28/02/2020 11:30 AM တွင် ဦးဇော်(dof) ဦးဇော်(dof) မှ ရေးသား ပြီး Greenovator Greenovator မှ ပေးပို့ထားပါသည်။

    မြန်မာနိုင်ငံရှိ မြို့ရွာများ၏ ကားဂိတ်၊ ဘူတာ၊ သင်္ဘောဆိပ်များတွင် ငုံးဥပြုတ်ရောင်းချနေသာ ဈေးသည်များကို တွေ့ရမြဲဖြစ်ပါသည်။ အဆာပြေပဲစားစား၊ သရေစာလက်ဆောင်ပဲဝယ်ပေးပေး အဆင်ပြေလှပါသည်။ ကြာဇံဟင်းခါး၊ အစိမ်းကြော်၊ ကြေးအိုးပြုတ် စသည့်အစားအစာများတွင်လည်း ငုံးဥကို ထည့်သွင်းအသုံးပြုကြသလို ငုံးဥပါသော မုန့်လင်မယား၊ ငုံးဥကြော်၊ ငုံးဥကင်တို့မှာလည်း အရသာထူးလှပါသည်။ ထို့ကြောင့်လည်း ဈေးများတွင် ကြက်ဥ၊ ဘဲဥသာမက ငုံးဥများကိုပါ တွင်ကျယ်စွာ ရောင်းချလာကြပါသည်။

    ငုံးမွေးမြူရေးလုပ်ငန်းမှာ နေရာကျဉ်းကျဉ်း၌ ကောင်ရေများများမွေးနိုင်သော လုပ်ငန်းတစ်ခုဖြစ်သည်။ ကူးစက်ရောဂါကျရောက်မှုလည်း နည်းပါးသဖြင့် မွေးမြူရန် လွယ်ကူသည်။ ငုံးကောင်ရေ (၅၀၀၀ -၁၀၀၀၀) မွေးမြူရုံဖြင့် ဘဝရပ်တည်နိုင်သည်ဟု သိရပါသည်။

ငုံးကိုမွေးမြူသင့်သည့် အကြောင်းအရင်းများ

- ငုံးမှာ အခြားအကောင်များထက် အကြမ်းခံနိုင်ခြင်း။

- ပတ်ဝန်းကျင်အခြေအနေနှင့် လျင်လျင်မြန်မြန်အခြေတကျနေထိုင်နိုင်ခြင်း။

- ကြက်၊ ဘဲစသည်တို့လိုမဟုတ်ဘဲ နေ့စဉ် ပုံမှန် ဝင်ငွေရရှိနိုင်ခြင်း။

- ကြီးထွားမှုနှုန်းမြန်ခြင်း။

- ငုံးဥ၊ ငုံးအသားများကို အချိန်တိုအတွင်းမှာ ထုတ်ပေးနိုင်ခြင်းကြောင့် ရင်းနှီးမြှုပ်နှံငွေများ ပြန်ရမြန်ခြင်း။

- ငုံးထီးများကို မွေးစမှ (၃) ပတ်သားတွင် ဈေးကွက်သို့ တင်ပို့ရောင်းချနိုင်ပြီး ငုံးမများမှ (၅ -၆) ပတ်အရွယ်တွင် စတင်ဥပေးကြပြီး ရက် (၅၀) ခန့်တွင် ဥစုံကြခြင်း။

- နေရာ (၃၂ စတုရန်းပေ = ၂၀၀ ကောင်နှုန်း) တွင် ရင်းနှီးငွေ (တစ်ကောင် ၈၀ ကျပ်ခန့်) ဖြင့် တစ်နိုင် (သို့) စီးပွားဖြစ်မွေးမြူနိုင်ခြင်း။

- အသက် (၆) ပတ်မှစ၍ တစ်နှစ်ပတ်လုံး ဥအလုံးပေါင်း (၂၇၀) ခန့် ဥ ဥနိုင်ခြင်း။

- ငုံးချေးသည် ဇီဝမြေဩဇာဖြစ်ပြီး အခြားတိရစ္ဆာန်ချေးများထက် မြေဆီအဟာရမြင့်မား၍ ရောင်းဈေးနှုန်း ပိုမိုရရှိနိုင်ခြင်းတို့ ဖြစ်ကြပါသည်။

    ငုံးမွေးမြူရာ၌ ငုံးထီးတစ်ကောင်လျှင် အနည်းဆုံး ကျပ် (၈၀ – ၁၀၀) ခန့်ရှိကြပြီး အထီးအမအချိုးမှာ (၅၀ : ၅၀) ဖြစ်၍ မွေးမြူမည့်ကောင်ရေ ပြည့်မီအောင် ဆောင်ရွက်ရပါမည်။ ငုံးအမ (၅၀၀၀) မွေးမြူလိုလျှင် ငုံးပေါက် (၁၀၀၀၀) ကို စ၍ မွေးရပါမည်။ 

    ငုံးကောင်ရေ (၁၀၀၀) မွေးလျှင် အကြောင်းအမျိုးမျိုးကြောင့် (၁၅၀ -၂၀၀) ကောင်ခန့် သေဆုံးနိုင်ပါသည်။ ငုံးဥဈေးနှုန်းမှာ (၁၅ – ၂၀) ကျပ်အထိ တက်ဈေးကျဈေးရှိပါသည်။ ငုံးမများမှာ ဥတစ်လုံးဥချရန် (၁၈ -၂၂) နာရီ ကြာမြင့်တတ်ပါသည်။ 

ဥမှ အကောင်ပေါက်လာသော ငုံးငယ်များတွင် ရှိရမည့် အရည်အသွေးများ

- ဖျတ်လတ်လှုပ်ရှား ပြေးလွှားရခြင်းများရှိ၍ ကျန်းမာသန်စွမ်းရမည်။

- ခြေလက်အင်္ဂါမစုံလင်ခြင်း၊ ပုံသဏ္ဍာန်မမှန်ခြင်း ကင်းရှင်းရမည်။

- ချက်တိုင်၊ ခြေထောက်၊ ကိုယ်မွှေးများခြောက်သွေ့၍ မျက်လုံးများကြည်လင်တောင်ပနေရမည်။

- အရွယ်ညီညွတ်မှုရှိရမည်။

- ဥစတင်ဥသည့်အချိန်မှစ၍ ဥသက်တမ်းကြာရှည်ရမည်။

- မွေးရာပါရောဂါများဖြစ်သော အသက်ရှုလမ်းကြောင်းရောဂါ၊ ချက်တိုင်ရောင်ရောဂါ၊ ချေးဖြူရောဂါများ ကင်းရှင်းရမည်။

- ကိုယ်အလေးချိန် ပြည့်မီရမည်။ မွေးစ ရက်သားငုံးမှာ (၆ -၇) ဂရမ် (သို့) (၀.၃၇ – ၀.၄၅) ကျပ်သားရှိရပါမည်။

    ငုံးငယ်လေးများအစာအတွက် ကျွမ်းကျင်သူ၏ အကူအညီရယူရပါမည်။ အစာတွင် အသားဓာတ် ၂၂ ရာခိုင်နှုန်း၊ အဆီဓာတ် ၃ ရာခိုင်နှုန်း၊ အမျှင်ဓာတ် ၅ ရာခိုင်နှုန်း၊ အစိုဓာတ် ၁၃ ရာခိုင်နှုန်းထက် မများသည့် အချိုးအတိုင်း ပါဝင်ရမည်။  ငုံးစာတွင် သွေးဝမ်းကာကွယ်ဆေးထည့်ရန် အရေးကြီးသည်ဟု သိရပါသည်။ 

    ထို့ပြင် ငုံးစင်ကို (၃) ပေအမြင့်စင်ဖြင့် ထားရပါမည်။ ငုံးစင်အောက်ဘက်တွင် ငုံးချေးများအလွယ်တကူ ယူပစ်နိုင်ရန် ပလတ်စတစ်များခင်း၍ စပါးခွံခင်းထားရမည်။ ငုံးချေးကို တစ်နေ့တစ်ကြိမ် သန့်ရှင်းရေားပြုလုပ်ရပါမည်။ ငုံးချေးမြေဩဇာမှာလည်း မြေဆီအဟာရမြင့်မားသဖြင့် ရောင်းချရာ၌ ဈေးကောင်းရကြပါသည်။ ငုံးဥ၊ ငုံးသား၊ ငုံးချေးပါမကျန် အသုံးဝင်လှပါသည်။ အရင်းနည်း အမြတ်များသည့် ငုံးမွေးမြူရေးဖြစ်ပါသည်။ 

ဦးဇော် (Dof)


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်