ကြက်သွန်နီကုန်တင်ကားဝင်ရောက်မှုနည်း

Photo - Photo _ Shutter stock

ယခုတစ်ပတ်အတွင်းကြက်သွန်နီကုန်တင်ကားများဝင်ရောက်မှုနည်း လာကြောင်း မြန်မာနိုင်ငံကြက်သွန်ဖြူ၊ ကြက်သွန်နီနှင့် စားဖိုဆောင်သီးနှံ စိုက်ပျိုးထုတ်လုပ် တင်ပို့ရောင်းချသူများအသင်းမှ သိရပါတယ်။

ကြက်သွန်နီဈေးများ ကျဆင်းနေတာကြောင့် ဝင်ရောက်မှုနည်းနေတာဖြစ်ကြောင်း မြန်မာနိုင်ငံကြက်သွန်ဖြူ၊ ကြက်သွန်နီနှင့် စားဖိုဆောင်သီးနှံ စိုက်ပျိုးထုတ်လုပ်တင် ပို့ရောင်းချသူများအသင်းမှ ဥက္ကဌ ဦးခင်ဟန် ကပြောပါတယ်။

“ အရင်တစ်ပတ်ထက် ကြက်သွန်နီကုန်တင်ကားတွေ ဝင်ရောက်မှုနည်းတယ်။ ဒီမှာဈေးကကျနေ တော့ အဝင်ကတော်တော်နည်းသွားတာ။ ကြက်သွန်နီအသေးက အရင်တစ်ပတ်ထက် ဈေးအနည်းငယ်ကျဆင်းနေတယ်။ ဈေးကျနေတော့ ကုန်တင်ကား(၁၀)စီးလောက်တော့ အဝင်လျော့သွားတယ်”

ကြက်သွန်နီကုန်တင်ကားအစီးရေမှာ တစ်နေ့ကိုဘုရင့်နောင်ကုန်စည်ဒိုင်ကို  တစ်နေ့လျှင် ပုံမှန် အစီး (၃၀) ဝင်ရောက်မှုရှိနေတာဖြစ်ကြောင်း အဆိုပါအသင်းမှ သိရပါတယ်။

ကြက်သွန်နီအကြီးတစ်ပိဿာကို ၈၅၀ကျပ်၊  ကြက်သွန်နီအလတ်တစ်ပိဿာကို  ၇၅၀ကျပ် နဲ့ ကြက်သွန်နီအသေးတစ်ပိဿာကို ၅၅၀ကျပ်ရှိကြောင်း မြန်မာနိုင်ငံကြက်သွန်ဖြူ၊ ကြက်သွန်နီနှင့်စားဖိုဆောင်သီးနှံ စိုက်ပျိုးထုတ်လုပ်တင်ပို့ရောင်းချသူများအသင်းမှ သိရပါတယ်။ 

တိုးတိုးခိုင်(ABM)

 



ယခုဆောင်းပါးက သင့်အတွက် အသုံးဝင်ပါသလား?

  စကားပုံ  

"ရေတစ်အိုး မိုးတစ်ပေါက်"