ဆောင်းကြိုက်တဲ့ ဟင်းသီးဟင်းရွက်ပင်များ

ဟင်းသီးဟင်းရွက်စိုက်ပျိုးရောင်းချနေတဲ့ တောင်သူဦးကြီး ဒေါ်လေးတို့နဲ့ တစ်နိုင်တစ်ပိုင် အိမ်နောက်ဖေးဈေးဆိုင်တည်လိုတဲ့ အိမ်ရှင်မများက ခုချိန်ဆို ဆောင်းသီးနှံဟင်းသီးဟင်းရွက်ပင်တွေစိုက်ပျိုးဖို့ လုပ်ဆောင်နေကြပြီပေါ့။ ဘာသီးနှံတွေများ စိုက်ပျိုးနေကြပြီလဲ?

ဘာစိုက်ပျိုးနေပြီဆိုတာမပြောခင် အအေးကြိုက်သီးနှံတွေကို ဖော်ပြချင်ပါတယ်။ ဒီထဲက ဘယ်သီးနှံစိုက်ပျိုးပြီးပြီလဲ ဆွေးနွေးပေးခဲ့ကြပါဦး...

ဒီတော့ အအေးကြိုက်သီးနှံတွေရဲ့ များသောအားဖြင့် လိုအပ်တဲ့ အပူချိန်အကြောင်းကနေ ဖော်ပြလိုပါတယ်။

အအေးကြိုက်သီးနှံမျိုးသည် နေ့အပူချိန် ၄၀ ဒီဂရီဖာရင်ဟိုက်မှ ၇၅ ဒီဂရီဖာရင်ဟိုက်အတွင်း ပိုမိုဖြစ်ထွန်းပါတယ်။ ထိုသီးနှံမျိုးက ဖော်ပြပါအပူအချိန်အတွင်း ဖြစ်ထွန်းရလျှင် လူတို့စားသုံးရသော ဥ (အမြစ်)ဖြစ်စေ၊ အကိုင်းအခက် (ပင်စည်) ဖြစ်စေ၊ အရွက်ဖြစ်စေ၊ အဖူးအငုံဖြစ်စေ ထုတ်လုပ်ပေးပါတယ်။ ထိုသီးနှံမျိုးများသည် နှင်းခါးရိုက်သောဒဏ် (Frost) ကို အတော်ခံနိုင်ပါတယ်။ ထိုသီးနှံမျိုး၏အစေ့သည် အေးနေသောမြေဆီ၌ပင် အပင်ပေါက်နိုင်ပြီး ထိုသို့သောသီးနှံမျိုး၏အမြစ်များသည် မြေဆီလွှာအတွင်းသို့ နက်ရှိုင်းစွာမဆင်းကြချေ။ အပင်မှာလည်း သေးငယ်ပြီး နေ့အပူချိန် ၈၀ ဒီဂရီဖာရင်ဟိုက်နှင့် အထက်ရှိနေလျှင် ထိုအပင်များက လူတို့အတွက် စားစရာ ထုတ်လုပ်မပေးတော့ပါ။

ထို့အပြင် အေးခဲမှုဒဏ်ကိုခံနိုင်သောသီးနှံမျိုးများလည်းရှိသေးပါတယ်။ ဥပမာ- ဒါကျက်ဥ(ခေါ်) မုန်လာဥနီ၊ မုန်လာဥအဖြူရောင်အရှည်၊ ကြက်သွန်ဖြူတို့ပဲဖြစ်ပါတယ်။

အအေးကြိုက်သောသီးနှံများ

၁။ ကညွတ်

၂။ ကွမ်းသီးမုန်လာ

၃။ ကြက်သွန်နီ

၄။ ကြက်သွန်ဖြူ

၅။ ကြက်သွန်မြိတ်အကြီး

၆။ ကိုလာဒ်မုန်လာ

၇။ ကိုက်လံ

၈။ ခါကျက်ဥ (ခေါ်) မုန်လာဥနီ

၉။ ခါးပုမုန်လာ (ခေါ်) နီကိုဥ

၁၀။ ဂေါ်ဖီထုပ်/မုန်လာထုပ်

၁၁။ ဆလပ်

၁၂။ တရုတ်နံနံ

၁၃။ တရုတ်မုန်လာထုပ်/မုန်ညှင်းထုပ်

၁၄။ ဒေါက်ခွရွက်

၁၅။ ပန်းဂေါ်ဖီအစိမ်း

၁၆။ ပန်းမုန်လာ/ပန်းဂေါ်ဖီ

၁၇။ အရွက်စားရသော ပိန်း

၁၈။ မုန်ညင်းရွက်

၁၉။ မုန်လာဥ

၂၀။ သင်္ဘောမုန်လာမြစ်

၂၁။ မုန်လာဥအဝိုင်း

၂၂။ ဘီတွတ်မုန်လာ

၂၃။ သခွားသီး

၂၄။ အာလူး

၂၅။ ဗိုလ်စားပဲ

၂၆။ နံနံ

၂၇။ ဟင်းနုနွယ်

ဦးကြီး ဒေါ်လေးတို့စိုက်တဲ့ထဲ မပါသေးတဲ့ သီးနှံတွေရှိရင် "ပါဝင်ဆွေးနွေးမည်" မှာ ပြောပြခဲ့ပါနော်. ဒီဆောင်းပါးဖတ်ရင်းနဲ့ မစိုက်ရသေးတဲ့ စိုက်ချင်သွားတဲ့သီးနှံမျိုးတွေလည်း စဉ်းစားမိသွားပါစေလို့ မျှော်လင့်ရင်း...

နည်းပညာများကို ဒေါက်တာချစ်၏ “စားဖို့ စိုက်စို့ ဈေးကွက်တိုးချဲ့ဗျို့ အတွဲ(၁)" စာအုပ် မှကောက်နုတ်ဖော်ပြပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ