အစိမ်းရောင်လမ်း - ၂၀၂၀ ခုနှစ်၊ ဇူလိုင်လ ၁၃ ရက်။ အာဖရိကဦးချိုဒေသမှ အိန္ဒိယ - ပါကစ္စတန် နယ်စပ်သို့ ကန္တာရနှံကောင် အုပ်စုလိုက် ကျူးကျော်ဝင်ရောက်နိုင်မှုအန္တရာယ် တိုးလာလျက်ရှိနေ

အိန္ဒိယသမုဒ္ဒရာကို ဖြတ်သန်းကာ ဆိုမာလီယာနိုင်ငံ အရှေ့မြောက်ဖက်မှ အိန္ဒိယ - ပါကစ္စတန်နယ်စပ်နှစ်ဖက် စလုံးတစ်လျှောက် နွေရာသီသားပေါက်ဧရိယာများသို့ ကန္တာရနှံကောင်များ ကျူးကျော်ဝင်ရောက်လာခြင်းသည် ပြတ်တောင်းပြတ်တောင်း ဖြစ်နိုင်သည်ဟု မြောက်ပိုင်းဆိုမာလီယာနိုင်ငံမှ နောက်ထပ် အရှေ့ဖက်သို့ ကန္တာရနှံကောင် အုပ်စုလိုက် ပျံသန်းခြင်း ဆိုတဲ့အစီရင်ခံစာအသစ်က အကြံပြုထားပါတယ်။ လာမည့်သီတင်းပတ်များတွင် ဆိုမာလီယာနိုင်ငံမြောက်ပိုင်းတွင် ကန္တာရနှံကောင်အုပ်များ ပိုမိုဖြစ်လာရန် အလားအလာရှိပါသည်။ အိန္ဒိယနိုင်ငံနှင့်ပါကစ္စတန်နိုင်ငံတို့ကို အစီအစဉ်တကျ သတိပေးပြီးဖြစ်ကာ ၄င်းတို့က ကြိုတင်ပြင်ဆင်ရေးလုပ်ဆောင်ချက်များကို ဆက်လက်ဆောင်ရွက်နေပါသည်။ ကျူးကျော်ဝင်ရောက်စဉ်အတောအတွင်း အိုမန်နိုင်ငံ အရှေ့ဖက်ပိုင်းကမ်းခြေတစ်လျှောက်တွင် အနည်းငယ်သော ကန္တာရနှံကောင်အုပ် ယာယီခေတ္တပေါ်လာနိုင်ပါသည်။

အနောက်တောင်အာရှ - မြောက်မြားစွာသော ကန္တာရနှံကောင်အုပ် အဓိက ရှိသော အိန္ဒိယနိုင်ငံ၊ ရာဂျက်စ်သန်ပြည်နယ်ရှိသော အိန္ဒိယနိုင်ငံနှင့်ပါကစ္စတန်နိုင်ငံတို့၏ နယ်စပ်နှစ်ဖက်စလုံး တစ်လျှောက်တွင် နွေရာသီသားပေါက်ခြင်း စတင်ပြီး ဖြစ်သည်။ ယခုလအတောအတွင်း ပါကစ္စတန်နိုင်ငံ သာပါကာပြည်နယ်၏ ကပ်လျက်ရှိသော ဧရိယာများ၊ နာရာပြည်နယ်နှင့် ချိုလစ်စ်တန် သဲကန္တာရများ၊ အိန္ဒိယနိုင်ငံ၊ ရာဂျက်စ်သန်ပြည်နယ်နှင့် ဂူဂျာရက်ပြည်နယ်မြောက်ပိုင်းတို့တွင် ကန္တာရနှံကောင်များ ဥမှအကောင်ပေါက်ပြီး ပိုးမမည်အုပ်စု ဖြစ်ပေါ်မှုများ တိုးလာမည်ဖြစ်သည်။ အိန္ဒိယနိုင်ငံ ဥတပရာဒက်ရှ်ပြည်နယ် အရှေ့ဖက်တွင် အနည်းငယ်သော ကန္တာရနှံကောင်အုပ်ကို နောက်ထပ်ဆက်လက်မြင်ရနိုင်ပြီး အနည်းဆုံး ကန္တာရနှံကောင်အုပ်စုငယ်ဟာ ဇူလိုင်လ (၁၂) ရက်နေ့တွင် နီပေါနိုင်ငံ အလယ်ပိုင်းလွင်ပြင်သို့ ရောက်ရှိခဲ့ပြီး ထိုနေရာတွင် ပြန့်ကျဲသွားနိုင်ကောင်း သွားနိုင်သည် သို့မဟုတ် သိသာထင်ရှားသော ပျက်စီးမှု မဖြစ်စေဘဲ သို့မဟုတ် သားမပေါက်ဘဲ ရာဂျက်စ်သန်ပြည်နယ်သို့ ပြန်လာနိုင်ကောင်း လာနိုင်ပါသည်။ အနည်းငယ်သော ကန္တာရနှံကောင်ဦးရေ သည် အီရန်နိုင်ငံ အရှေ့တောင်ဖက်နှင့်ပါကစ္စတန်နိုင်ငံ အနောက်တောင်ဖက် နွေဦးရာသီ သားပေါက်ဧရိယာများတွင် ဆက်လက်ရှိနေသည်။

အရှေ့အာဖရိက - လေပေါ်ကာကွယ်နှိမ်နင်းရေး လုပ်ငန်းများ ဆက်လက်ဆောင်ရွက်နေသော ကင်ညာနိုင်ငံ အနောက်မြောက်ဖက်တွင် အရွယ်မရောက်သေးသော ကန္တာရနှံကောင်အုပ်စုများ ရှိသည်။ ကန္တာရနှံကောင်အုပ်စုတစ်စုသည် ဇူလိုင်လ (၁၀) ရက်နေ့က လေပေါ်ကာကွယ်နှိမ်နင်းရေး လုပ်ခဲ့သည့် မော်ရိုတိုအနီး ယုဂန္ဓာနိုင်ငံ အရှေ့မြောက်ဖက် ကပ်လျက်ဧရိယာများသို့ ဖြတ်သန်းလာခဲ့သည်။ ကင်ညာနိုင်ငံတွင်ရှိသော ကန္တာရနှံကောင်အုပ်သည် တောင်ဆူဒန်နိုင်ငံမှ မြောက်ဖက်သို့ဖြတ်သန်းကာ ဆူဒန်နိုင်ငံတွင် နွေရာသီသားပေါက်ဧရိယာများသို့ ကျူးကျော်ဝင်ရောက်လာနိုင်သည်ဟု မျှော်လင့်ရပြီး ထိုဆူဒန်နိုင်ငံ ကော်ဒိုဖန်ပြည်နယ်နှင့် ဒါဖားပြည်နယ်တို့တွင် အခုလ အခုချိန်အထိ မိုးကောင်းကောင်း ရွာပြီးဖြစ်ကာ ထိုသို့မိုးကောင်းကောင်းရွာခြင်းသည် ကန္တာရနှံကောင်အသက်ရှင်သန်ရေးနှင့် သားပေါက်ရေးတို့အတွက် အခြေအနေကောင်းကို ဖြစ်စေလိမ့်မည်ဖြစ်သည်။ ၄င်းတို့ရောက်ရှိသည်နှင့် ကန္တာရနှံကောင်အုပ်များသည် လျင်မြန်စွာ အရွယ်ရောက်လာကြပြီး ဥ ဥကြမည်ဖြစ်သည်။ ဆူဒန်နိုင်ငံတွင် မြေပြင်စစ်တမ်းကောက်ယူခြင်းများ တိုးတက်လာပါသည်။ ကင်ညာနိုင်ငံ အနောက်မြောက်ဖက်မှ အခြား ကန္တာရနှံကောင်အုပ်သည် အီသီယိုပီးယားနိုင်ငံရှိရာ မြောက်ဖက်သို့ ကျူးကျော်ဝင်ရောက်ရန် အလားအလာရှိပြီး ထိုအီသီယိုပီးယားနိုင်ငံတွင် မြောက်ဖက်သို့ ပြန့်ကျဲသွားမည်ဖြစ်ပြီး အရှေ့ဖက်တွင် အရွယ်ရောက်ပြီး သားပေါက်ကြမည်ဖြစ်သည်။ လက်ရှိကျရောက်ဖျက်ဆီးနေခြင်းနှင့်အတူ အီသီယိုးပီးယားနိုင်ငံတွင် ကန္တာရနှံကောင် ကျရောက်ဖျက်ဆီးမှု နောက်ထပ်တိုးလာရန် အလားအလာရှိပါသည်။ အချို့ကန္တာရနှံကောင်အုပ်များသည် အရီထရီးယားမြောက်ဖက်ပိုင်းမြေနိမ့်ပိုင်းများတွင် ပေါ်လာနိုင်သည်။

အာရေဗျကျွန်းဆွယ် - ပိုးမမည်အုပ်စုများနှင့် အရွယ်ရောက်ကန္တာရနှံကောင်အုပ်များ ပိုမိုဖြစ်ပေါ်လာသည့် နိုင်ငံအတွင်းပိုင်းနှင့် အယ်လ်ဂေးဒါးအနီးအရှေ့ပိုင်းကမ်းခြေတို့တွင် သားပေါက်ခြင်း ဆက်လက်ရှိသည်။ ကန္တာရနှံကောင်အုပ်များကို ဆာဒါအားအနီး ကုန်းမြင့်များ၊ ဆာဒါအားနှင့် ဇင်ဂျီဘားအနီး တောင်ဖက်တို့တွင် မြင်တွေ့ခဲ့ရသည်။ သားပေါက်ခြင်းကို ပင်လယ်နီကမ်းခြေတွင် မကြာခင်ကမိုးရွာခဲ့သော ဧရိယာများတွင်လည်း တွေ့နိုင်ပါသည်။ ဆော်ဒီအာရေဗျနိုင်ငံတွင် အရွယ်မရောက်သေးသော ကန္တာရနှံကောင်အုပ်ကို နိုင်ငံအနောက်တောင်ဖက် အေဆာတောင်များတွင် တွေ့ရသည်။ အိုမန်နိုင်ငံတောင်ဖက်ပိုင်းတွင် ဆာလာလားအနီး ကမ်းခြေတွင် သားပေါက်ခြင်းတိုးတက်နေကာ ပိုးမမည်အုပ်စုများ ဖြစ်ပေါ်နေပါသည်။

တောင်အာဖရိက - ကင်ညာနိုင်ငံ အနောက်မြောက်ဖက်မှ ဆူဒန်နိုင်ငံသို့ရောက်ရန် မျှော်လင့်ရသည့် ကန္တာရနှံကောင်အုပ် ကျူးကျော်ဝင်ရောက် ခြိမ်းခြောက်မှုသည် ကျဆင်းလျက်ရှိပါသည်။ အဘယ်ကြောင့်ဆိုသော် ကန္တာရနှံကောင်အုပ်သည် ကင်ညာနိုင်ငံမှ ထွက်ခွါမသွားသေးဘဲရှိခြင်းနှင့် ဆူဒန်နိုင်ငံ နွေရာသီသားပေါက်ဧရိယာများတွင် မိုးကောင်းကောင်း ရွာပြီးသွားသောကြောင့် ဖြစ်ပါသည်။ ဤဖြစ်ရပ်တွင် ဆူဒန်နိုင်ငံသို့ရောက်လာသော ကန္တာရနှံကောင်အုပ်တိုင်းသည် ချက်နိုင်ငံနှင့် ချက်နိုင်ငံကိုကျော်ပြီး အနောက်ဖက်သို့ ဆက်လက်ပျံသန်းသည်ထက် ဆူဒန်နိုင်ငံတွင် နေထိုင်ရန် အလားအလာပိုများပါသည်။ မြေပြင်ကွင်းဆင်းအဖွဲ့သည် ချက်နိုင်ငံတွင် အခြေအနေကိုနီးကပ်စွာ စောင့်ကြည့်စစ်ဆေးနေပါသည်။

ကိုးကားချက်

www.fao.org/ag/locusts

ဒေါက်တာကိုကို (စိုက်ပျိုးရေး)

www.fao.org

fao.org

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...