ကြာဖူးပန်းခိုင် ငှက်ပျောပင်

Facebook မှာ မိတ်ဆွေတစ်ချို့တင်ထားတဲ့ ငှက်ပျောပင်က သာမန်ငှက်ပျောခိုင်အစား ကြာဖူးပုံသဏ္ဌာန် ငှက်ပျောပန်းခိုင်ကြီးထွက်နေတဲ့ ဓာတ်ပုံတစ်ချို့ကို မကြာခဏဆိုသလိုပဲ တွေ့နေရပါတယ်။ အများစုကတော့ ငှက်ပျောပင်ကနေ ငှက်ပျောခိုင်အစား ကြာဖူးပုံသဏ္ဌာန် ငှက်ပျောခိုင်ကြီး ထွက်လာတယ်ဆိုပြီး အထူးအဆန်းလို့ ထင်ကြ၊ မှတ်ချက်ပေးကြ ပါလိမ့်မယ်။ ထင်ရာအတိတ်နိမိတ်တွေကောက်ကြ၊ ဓာတ်ပုံတွေရိုက် အိမ်ဦးခန်းချိတ်ပြီး ကိုးကိုယ်ကြနဲ့ လုပ်မိမှာလည်း စိုးရပါတယ်။

အပင်နဲ့ နှီးနွယ်ပတ်သက်သူ တချို့တောင် ရုတ်တရက်ကြည့်လိုက်ရင် အပင်ရဲ့ ဇီဝကမ္မဗေဒဆိုင်ရာ ချို့ယွင်းမူမမှန်တဲ့ လက္ခဏာ (Physiological Disorder) တစ်ခုလို့ ထင်စရာရှိသော်လည်း တကယ်တော့ ဒီငှက်ပျောပင်ဟာ ငှက်ပျောမျိုးအုပ်စုဝင်တွေထဲက မျိုးစိတ်တစ်ခုမျှသာပါပဲ ဖြစ်ပါတယ်။ သူ့ရဲ့ အများသုံးအင်္ဂလိပ်အမည်ကတော့ Snow Banana ခေါ် Giant Nepal Banana ဖြစ်ပြီး၊ ရုက္ခဗေဒအမည်ကတော့ Ensete glaucum ပါ။ တခါတရံ သူ့ရဲ့ ရုက္ခဗေဒနာမည်တွေကို Musa nepalensis ၊ Ensete giganteum ၊ Ensete wilsonii တို့အဖြစ်လည်း တွေ့ရတတ်ပါတယ်။ တကယ်လည်း လူအသိနည်းသေးတဲ့ ငှက်ပျောမျိုးစိတ် တစ်မျိုးပါ။ ဒီငှက်ပျောမျိုးစိတ်ရဲ့ မူရင်းဒေသဟာ အာရှတိုက်ဖြစ်ပြီး တရုတ်၊ နီပေါ၊ အိန္ဒိယ၊ မြန်မာနဲ့ ထိုင်းတို့မှာ အတွေ့ရများကြောင်း စာပေတွေမှာ ဖော်ပြကြပါတယ်။

ဒီအပင်ရဲ့ ထူးခြားတဲ့လက္ခဏာတွေကတော့ အအေးဒဏ်ကိုခံနိုင်ပြီး အမြင့်ပေ ၂၆၀၀-၈၈၀၀ အထိပေါက်ရောက် ရှင်သန်နိုင်ပါတယ်။ အပင်ရဲ့ အမြင့်ဟာ ၁၇ ပေအထိ ကြီးထွားနိုင်ပြီး အခြားငှက်ပျောပင်တွေလို ပင်ပွား (sucker) မထွက်ဘဲ ပင်ထီး (Solitary trunk) ပါ။ အရွက်ရဲ့ အရောင်ဟာ အပြာဘက်ကို အနည်းငယ်သမ်းပါတယ်။ ပန်းခိုင်ဟာ ကြာဖူးပုံသဏ္ဌာန်ဖြစ်နေပြီး၊ ယင်းပန်းခိုင်အတွင်းမှာပဲ အသီးဖြစ်ပေါ်ကာ မျိုးစေ့တည်ပါတယ်။

ဒါကြောင့် သူ့ကို မျိုးပွားစိုက်ပျိုးချင်ရင်တော့ အလွယ်တကူပဲ မျိုးစေ့ကနေ ပျိုးထောင်ပြီး စိုက်နိုင်သလို ငှက်ပျောခေါင်း (Corm/rhizome) ကို ခွဲပြီး စိုက်နိုင်ပါတယ်။

တချိန်က ဒီငှက်ပျောပင်ဟာ လူသိနည်းပြီး ငှက်ပျောမျိုးရိုင်းအဆင့်သာ ရှိခဲ့သော်လည်း ယနေ့ခေတ်အခါမှာတော့ ပင်ပွားမထွက်ခြင်း၊ ပန်းခိုင်ဟာ ဆွဲဆောင်မှုရှိပြီး လှပခြင်းတို့ကြောင့် နိုင်ငံအချို့မှာ အလှစိုက်ငှက်ပျောမျိုး (Ornamental Banana) အဖြစ် နေရာယူလာပါပြီ ဖြစ်ပါကြောင်း ဗဟုသုတဖြစ်ဖွယ် ဖော်ပြလိုက်ပါတယ်။

ဟန်ဖြိုးအောင် (ဥယျာဉ်ခြံ)

13 July 2014

မှတ်ချက်။ ။ ဓာတ်ပုံများကို မိတ်ဆွေတစ်ယောက်ထံမှ ခွင့်ပြုချက်ဖြင့် ဖော်ပြထားပါတယ်။

ကျမ်းကိုး

၁။ Ensete glaucum (Wikipedia)

၂။ Ensete glaucum “SNOW BANANA” (www.brainsbotanicals.net)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...