မှည့်ဆေး၊ တို့ဆေး မသုံးရေး ဝိုင်းဝန်းကူညီ ဆောင်ရွက်ပေး

အဆင့်အတန်းခွဲခြားသတ်မှတ်ခြင်း

အတန်းဝင် သရက်သီးများသည် အရည်အသွေးအကောင်းဆုံး ဖြစ်သည်။ သရက်အမျိုးအစားအလိုက် ရှိရမည့် ဂုဏ်သတ္တိများနှင့် ပြည့်စုံမှုရှိရမည်။ အပြစ်အနာအဆာ ကင်းရမည်။ ချို့ယွင်းချက်အနေဖြင့် အပေါ်ယံမျှသာ ဖြစ်သော အလွန်သေးငယ်သော အနာအဆာများ ရှိနိုင်သည်။ ယင်းတို့သည် အသီး၏ ယေဘုယျသွင်ပြင်၊ လက္ခဏာ၊ အရည်အသွေး၊ ကြာရှည်ခံအရည်အသွေးနှင့် ထုပ်ပိုးမှုအတွင်းတည်ရှိနေမှုတို့အပေါ် ထိခိုက်မှု မရှိစေရန် စီမံဆောင်ရွက် ထားရှိရမည်။ သရက်သီးများကို အောက်ပါအတိုင်း အတန်းအစား ၂ မျိုး ခွဲခြားသတ်မှတ်ထားရှိသည်။

အထူးအတန်းအစား (၁)

တန်းဝင်သရက်သီးများသည် ကောင်းသော အရည်အသွေးရှိရမည်။ သရက်အမျိုးအစားအလိုက် ရှိရမည့် ဂုဏ်သတ္တိများနှင့် ပြည့်စုံရမည်။ သရက်အမျိုးအစားအလိုက်ရှိရမည့် ဂုဏ်သတ္တိ များနှင့် ပြည့်စုံရမည်။ အပြစ်အနာအဆာ အနည်းငယ် ခွင့်ပြုနိုင်ဖွယ် ရှိသော်ငြားလည်း အသီး၏ ယေဘုယျသွင်ပြင် လက္ခဏာ အရည်အသွေး ကြာရှည်ခံ အရည်အသွေးနှင့် ထုပ်ပိုးမှုအတွင်း တည်ရှိမှုတို့အပေါ် ထိခိုက်မှု မရှိစေရန် စီမံဆောင်ရွက်ထားရှိရမည်။

အတန်းအစား (၂)

သရက်သီးများသည် မြင့်သော အဆင့်အတန်းတွင် ပါဝင်ခြင်းမရှိသည့် အသီးများဖြစ်သော်လည်း အထူးအတန်းစား(၁)ပါ သတ်မှတ်ထားသည့် အနိမ့်ဆုံးရှိရမည့် လိုအပ်ချက်များနှင့်မူ ကိုက်ညီမှုရှိရပါမည်။ မရှိမဖြစ်ရှိရမည်ဖြစ်သော ဂုဏ်သတ္တိများ အရည်အသွေး။ ကြာရှည်ခံအရည်အသွေးနှင့် မျက်မြင်တည်ရှိနေမှု စသော ဂုဏ်သတ္တိများ ရှိစေရန် စီမံဆောင်ရွက်ထားရှိရမည်။

အထင်အရှားရှိသင့်သည့်သတ်မှတ်ချက်

ထုပ်ပိုးမှု တစ်ခုအတွင်း ပါရှိသော ပစ္စည်းများသည် တစ်ပြေးညီ ဖြစ်ရမည်။ ပါရှိသည့် သရက်သီးများသည် ပင်ရင်းဒေသတစ်ခုတည်းဖြစ်ခြင်း အမျိုးအစား အရည်အသွေးနှင့် အရွယ်ပမာဏတူသည့် သရက်သီးများဖြစ်ရမည်။

ထုပ်ပိုးခြင်း

ထုပ်ပိုးခြင်းတွင် အောက်ပါ အချက်များ ဆောင်ရွက်သင့်သည်-

- စနစ်တကျ ကာကွယ်ပေးနိုင်သော နည်းလမ်းများဖြင့် ထုပ်ပိုးခြင်း။

- အသုံးပြုကုန်ပစ္စည်းကို အတွင်းအပြင်ထိခိုက်ပျက်စီးမှု ဖြစ်စေခြင်းမှ ကာကွယ်ပေးနိုင်ခြင်း။

- ထိုသို့ အသုံးပြုသော စက္ကူ (သို့) ကုန်သွယ်မှုဆိုင်ရာ အရည်အချင်းသတ်မှတ်ချက်နှင့် ဆက်စပ်မှု တံဆိပ်အမှတ်အသားများကို ခွင့်ပြုသော်လည်း တံဆိပ်ကပ်ခြင်းများတွင် အဆိပ်အတောက်မဖြစ်သည့် မှင်(သို့)ကော်သာအသုံးပြုရမည်။

- အလေးချိန်သတ်မှတ်သည့်အတွက် သရက်သီး လေလွင့်ပျက်စီးမှု လျော့နည်းလာခြင်း။

- အရည်အသွေးမြင့်မားလျက် စျေးကောင်းရရှိနိုင်ခြင်း။

- ထုပ်ပိုးမှုကောင်းလျှင် စျေးကောင်းရနိုင်ခြင်း။

သရက်သီးအား မှည့်ဆေး တို့ဆေး သုံးစွဲမှုကြောင့် ရင့်မည့်သည့် ပုံသဏ္ဍန်အသွင်ဆောင်ရာတွင် ဖြစ်ပေါ်လာမည့် အပြစ်များ

- စျေးကွက်ပျက်ခြင်း၊ ရောင်းပန်းမလှခြင်း။

- မူလ အရည်အသွေးကောင်းများ မရရှိနိုင်တော့ခြင်း။

- အချိုဓာတ် မဝင်နိုင်တော့ခြင်း၊ အချဉ်ဓာတ်တိုးခြင်း။

- ကြာရှည်အထားမခံခြင်း၊ အသားပျော့ခြင်း။

- ဆေးတို့သည့်နေရာများတွင် မည်း၍ ရှုံ့တွလာခြင်း။ ပုပ်လာခြင်း။

- ဆေးတို့ခြင်းအား လိုအပ်သည့် ထက်ပိုမို သုံးစွဲပါက ဝမ်းလျောရောဂါဖြစ်ပွားခြင်း။

- အရသာမရှိခြင်း။

စိုက်ပျိုးထွက်ရှိလာသော သရက်သီးများစားသုံးသူထံ လတ်ဆတ်သော အသီးများ ရောင်းချနိုင်ရန် စျေးကောင်းရရှိနိုင်ရန်အတွက် ရင့်မှည့်ချိန်မှသာ ခူးဆွတ်ခြင်း၊ ပြင်ဆင်ခြင်း၊ ထုပ်ပိုးခြင်းများ ပြုလုပ်ရာတွင် အရည်အသွေး မထိခိုက်စေရန် စနစ်တကျ ဆောင်ရွက်ရန် လိုအပ်ပါသည်။

အရည်အသွေးဆိုင်ရာ သိမှတ်ဖွယ်ရာများ

- ချို့ယွင်းမှုမရှိသော အသီးဖြစ်ရမည်။

- စားသုံးရန် မသင့်တော်သော ပုပ်ဆွေးခြင်း။ ယိုယွင်းခြင်းများရှိသော အသီးမပါစေရ။

- သန့်ရှင်းရမည်။

- ပိုးမွှားကြောင့် ပျက်စီးမှုများမှ လက်တွေ့အားဖြင့် ကင်းလွတ်မှုရှိရမည်။

- ထူးခြားသော ပြင်ပ အစိုဓာတ် ကင်းလွတ်ရမည်။

- အခြားအနံ့များ ကင်းလွတ်ရမည်။

- တင်းမာမှုရှိရမည်။

- အသွင်သဏ္ဍာန်အရ လတ်ဆတ်မှုရှိရမည်။

- နိမ့်သော အပူချိန် ကြောင့်ဖြစ်သော ပျက်စီးယိုယွင်းမှုမှ ကင်းလွတ်ရမည်။

- အနက်ရောင်စွန်းထင်းမှုများသို့ အစင်းကြောင်းများ မရှိစေရ။

- အညှာတံပါရှိပါက ၁ စင်တီမီတာထက် မရှည်ရပါ။

Source - စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...